Danyɛli 3:4 - Cebaara Bible 2010

⁴ A jèribaw yákpoli wáa gbanʔama n gi joo níì jo: «Yele syɔɔn ye, ní syɛɛnfeleyi, ní syɛɛnfeleri joofɔɔlɔ myɛ, gee gi joo n gbàn yele ma lè koro gi nyɛ gee naa:

Danyɛli 3:4 Iomraidhean Croise

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Ezayi 40:9

Lúgu nyanbe-nyundɔnɔgɔ na, Siyɔn mɔ wee wi lè fundaanri tunduɔn, da nyuu ní fànʔa ní, da yákpoli wáa ǹjogi ni fyáara fun ni, Zyerusalɛmi, mɔ wee wi lè fundaanri tunduɔn. Ki joo Zyuda kěyi ma mí jo: «Yele Kolocɔlɔw wéle wee!»

Ezayi 58:1

«Da yákpoli wáa ní mɔ yákpodirigi myɛ ní, mɔ a kɔ́ li tìrige í, mɔ yákpoli kpɔ́ʔɔ àmɛɛ tòmaʔa wiimɛ nyɛ lè, mi mii syɛ́ɛnbèle kapeeye tɛ̀ɛn be na, mi Zyakɔbi kpáagi wòolo kapeegéle tɛ̀ɛn be na!

Danyɛli 3:10

Ee fànʔafɔw, mɔ n tundunri naa joo n gbàn níì jo syɔ́ɔnwee wi ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ki n yɛlɛ wi tìgi wi too wi tɛ́ɛw ǹdevanʔa kpɔ̀ʔɔrɔ.

Danyɛli 3:3

Lǎli bee ni a kùndigibèle, ní pirefebèle, ní tári kacɔɔnribèlē, ní yarifɔbèle, ní wálitɛʔɛbèle, ní kútiijoobèle, ní kútiiceribèle, ní tátɛɛyi fànya myɛ kpóʔoro n pan ba fànʔafɔw Nebukadinezari ǹdevaangi kpɔ̀ʔɔrɔlɔ séli. A be sáà yére ǹdevaangi yɛ́ʔɛ ma, gee Nebukadinezari yérige lè.

Danyɛli 3:7

Koro na, lǎli ni syɛ́ɛnbèle myɛ tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, a syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ tìgi n too n tɛ́ɛw ǹdevanʔa kpɔ̀ʔɔrɔ, gee fànʔafɔw Nebukadinezari yérige lè.

Danyɛli 4:1

Mii Nebukadinezari, mii maa pye wodɛ́ɛɔn ní sági mii kpáagi ni, níì pye fundaanra na mii fànʔafɔ-gbaagi ni.

Danyɛli 4:14

Kajoo-mí-cerili naa i nyɛ nyɛ̀ʔɛni tundunbéle wólo koro ga pye niweebèle í gi cán wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ kùndigi, wi i gi kaangi ni yɛlɛgi ní wi nyɛnɛ kéeli ní, wi i nǎnbèle myɛ kàdotɔɔn télegi gi na.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Oze sɛ́bɛw 5:11

Fǎngi n gbàn Efirayimi na, kútiiw n wi tɔ́nʔɔnɔ, níì cán ki n wi dɛ́nɛ bi taʔa wi tiimaa katimanani na.

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Tɛ̀ɛnnɛ 5:9

A be i ŋúnuvɔngɔ ŋúu níì jo: «Mɔ wi nyɔɔ n yɛlɛ bi sɛ́bɛw syɔɔ, si wi fɛ̀ɛ́bèle múgu, níì cán pe maa mɔ kpóo, á mɔ syɛ́ɛnbèle syɔɔ n yaʔa Kolocɔlɔɔ ma mɔ sisyaanw wolo báriga ni, poro bele be yiri lè syɛ́ɛnbèle yòdaʔaya myɛ ni, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ, ní syɛɛnfeleyi wozanya myɛ ni.