Danyɛli 3:2 - Cebaara Bible 2010

² A fànʔafɔw Nebukadinezari tun a be kùndigibèle, ní pirefebèle, ní tári kacɔɔnribèlē, ní yarifɔbèle, ní wálitɛʔɛbèle, ní kútiijoobèle, ní kútiiceribèle, ní tátɛɛyi fànya myɛ yeri n kpóʔoro, níì jo pe ba fànʔafɔw Nebukadinezari ǹdevaangi kpɔ̀ʔɔrɔlɔ séli, koro gee wi yérige lè.

Danyɛli 3:2 Iomraidhean Croise

1 Fànʔafɔbèle 12:32

A Zyerobowami fɛ́tii canʔa tɛ́ʔɛ ki pye yɛ́ɛli yeye kɔrɔtaanri wóʔo canya kɛɛ ní kagunɔ wógi na. A fɛ́tiiw bee pye wee félege pe da ni kpéʔele Zyuda ni lè. A wi lúgu sáriga-wòlo-yafaangi na. A wi gi kpéʔele kánmi bee na Betɛli ni n sáriga wòlo náapiiyi ma yee wi sámaga lè. A wi sáriga-wòlo-tɛ́ɛyi sáriga-wòlobēle télege Betɛli ni, yee wi da sámaga lè.

Kàseegèle 29:12

Kùndigi ga ni jànvaaw syɛ́ɛnrɛ lúro, wi cɛɛngbaabèle myɛ n pye syɛɛnpeebéle.

Danyɛli 3:27

A kùndigibèle, ní pirefebèle, ní tári kacɔɔnribèlē, ní fànʔafɔw yarifɔɔlɔ peyɛɛ gbóʔoro bi nǎnbèle bee wéle, a be gi nyaa náagi da fànʔa taa be céri na í. Alí pe ǹjoori ga sógi í, tɛɛlɛ ga wɔ́ɔ̀ pye pe búroyi na í, àlí náagi núngo ga pye be na í.

Danyɛli 3:3

Lǎli bee ni a kùndigibèle, ní pirefebèle, ní tári kacɔɔnribèlē, ní yarifɔbèle, ní wálitɛʔɛbèle, ní kútiijoobèle, ní kútiiceribèle, ní tátɛɛyi fànya myɛ kpóʔoro n pan ba fànʔafɔw Nebukadinezari ǹdevaangi kpɔ̀ʔɔrɔlɔ séli. A be sáà yére ǹdevaangi yɛ́ʔɛ ma, gee Nebukadinezari yérige lè.

Córolo 25:2

A cébèle bee i be yiri ni syée poro kolocɔlɔbèle sáriga tɛ́ɛyɛ ma. A Isirayɛli syɛ́ɛnbèle i líi ní i tíri ni tuun bele bee kolocɔlɔbèlē taana.

Tɛ̀ɛnnɛ 17:2

Tári fànʔafɔɔlɔ maa ni kanɔnʔɔri kpéʔele ní wi ní, a tári syɛ̀ɛnnɛ yɛ́ɛyɛ baa wɔ́ɔ be na wi kanɔnʔɔri dùvɛɛn gbaala kéele na.»

Jàbɔbèle 16:23

A Filisitini ye fànʔafɔbèle si kɔ́ɔ̀ peyɛɛ gbóʔoro bi sárigakpɔɔɔ wòlo be kolocɔlɔw Dagɔn ma, si fundaanra kpéʔele. Pe maa ni gi nyuu níì jo: «Wolo kolocɔlɔw n wolo nígoow Samisɔn le wolo kɔ́yi ni.»