Danyɛli 3:12 - Cebaara Bible 2010

¹² Bi gi taa, ee fànʔafɔw, mɔ n Babilɔni tári kacɔɔnrirɔ fáli kàlifáa zyefubèle pèle ma pe lè Syadiraki, ní Mesyaki, ní Abɛdi-Nego, nǎnbèle bee o mɔ syɛ́ɛnri córo í, dee mɔ joo n gbàn lè pe o mɔ kolocɔlɔbèle fáli kpéʔele í, ní tɛ́ɛw ǹdevanʔa mɔ yérige lè, pe o gi kpɔ̀ʔɔrɔ́ í.»

Danyɛli 3:12 Iomraidhean Croise

Ɛsitɛri 3:8

A Haman fànʔafɔw Asyerusi pye: «Syɛɛnfelegaa i nyɛ n màʔa mɔ fǎngi tátɛɛyɛ myɛ ni, gee kánma bi wàli lè, pe i nyɛ tɛ́ɛyi myɛ ni n nyáʔami syɛɛnfeleyi myɛ ni. Pe làlwaw ga pínɛ ní syɛɛnfelegaa faala wóo ní í. Pe o táanri fànʔafɔw làlwaw na í. Bi be yaʔa beè sági yɛɛ̀nyinge na, gee bee a yafyɛn nyɔɔ fànʔafɔw na í.

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Danyɛli 1:7

A falipyenǎnbèle kùndigi mɛ́ɛyɛ le be na, Danyɛli wógi gi pye Bɛlitisyasari, Hananya wógi si i nyɛ Syadiraki, Misyayɛli wógi si i nyɛ Mesyaki, Azariya wógi si i nyɛ Abɛdi-Nego.

Danyɛli 2:48

A fànʔafɔw fala n Danyɛli lúrugo ǹjoʔo ma gbanʔama, níì lɔrɔ yárira saʔa kaan wi ma, níì wi télege Babilɔni tári myɛ nyúngo na, n wi kpéʔele Babilɔni sícilibèle myɛ kùndigikpɔɔɔ.

Danyɛli 2:49

A Danyɛli fànʔafɔw nyɛ́ɛri a wi Syadiraki, ní Mesyaki, ní Abɛdi-Nego télege a be pye Babilɔni tári kacɔɔnribèlē, á Danyɛli si kòro fànʔafɔw kàcoolo ni.

Danyɛli 3:11

Syɔ́ɔnwee faala ga pye lè wi ga tìgi n too n gi kpɔ̀ʔɔrɔ í, pe a wee bee wáa fúruw naagbanga ni.

Danyɛli 3:16

A Syadiraki, ní Mesyaki, ní Abɛdi-Nego fànʔafɔw Nebukadinezari yari: «Nebukadinezari, wolo màko náa o nyɛ bi syɛɛnlurugoro kaan mɔ ma kéeli náa na í.

Danyɛli 3:29

Gee si mii a joo gbàn lè tɔ́ɔliw ni, koro gi nyɛ gee naa: Syɛ́ɛnbèle, ní syɛɛnfeleyi, ní syɛɛnfeleri myɛ joofɔɔlɔ ni, wee wi ga syɛɛnpeere o syɛɛnpeere joo n wáa lè Syadiraki, ní Mesyaki, ní Abɛdi-Nego Kolocɔlɔw na, wee bee a cɔ̀nʔɔ cɔ̀nʔɔ wii, wi kpáagi si pye káboʔo, níì cán kolocɔlɔwaa nikwɔɔ o yaà, wee wi a gbǎn syɔɔn syɔɔ kánmi naa na lè í.»

Danyɛli 3:30

A fànʔafɔw fala n Syadiraki, ní Mesyaki, ní Abɛdi-Nego kpɔ́ʔɔ Babilɔni tári ni.

Danyɛli 6:13

Koro kàdoʔo ma a be kári n sáà fànʔafɔw nyaa n joo ní wi ní làlwaw kéele na, wee wi télege lè, níì wi pye: «Ee fànʔafɔw, mɔ ga fɛ̀ɛ́w taʔa làlwa kéeli naa sɛ́bɛ na ì, lee li jo lè: Canya toko ní kpɔrigɔ fúngo ni, wee wi ga nyɛ́ɛri lè Kolocɔlɔwaa ma, wàlá syɔɔnwaa ma kapye mɔ fànʔafɔw nibin ma ban í, wi a wáa càarabèle ma wéegi ni ì?» A fànʔafɔw be yari: «Kéeli bee i nyɛ kányɛʔɛ n yɛlɛ ní Mɛdi ye, ní Pɛrisi ye làlwaw kánma ní, wi lè wi a gbǎn sàa í.»

Danyɛli 6:14

A be níì syɛ́ɛnri láa n gi joo fànʔafɔw ma níì jo: «Danyɛli wi nyɛ lè Zyuda wojobèle ni, wi o mɔ córo í, ee fànʔafɔw, wàlá làlwa kéelee na mɔ fɛ̀ɛ́w taʔa lè, wi i wi nyɛ́ɛrigi kpéʔele tɔlɔyɔ taanri cángi ni.»

Kapyegèle 17:7

a Zyasɔn baa be tìrige wi kpáagi ni. Bele bee myɛ n Sezari kajoogèle cée níì jo fànʔafɔwaa nikwɔɔ i yaà, woro wi nyɛ Zyezu.»

Kapyegèle 5:28

níì jo: «Wolo ga gi joo n gbàn yele ma níì jo: Yele a ní kɔ́ ra syɛ́ɛnbèle tama mɛ́ɛgi bee na í ì? A wolo si gi nyaa a yele Zyerusalɛmi nyìn ní yele tamani bee ní, ní wɔ́ɔ i caa bi nǎnw bee kpóolo kútii cáan wolo na.»