Danyɛli 3:10 - Cebaara Bible 2010

¹⁰ Ee fànʔafɔw, mɔ n tundunri naa joo n gbàn níì jo syɔ́ɔnwee wi ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ki n yɛlɛ wi tìgi wi too wi tɛ́ɛw ǹdevanʔa kpɔ̀ʔɔrɔ.

Danyɛli 3:10 Iomraidhean Croise

1 Cányi kèlē 15:16

A Davidi Levii ye kùndigibèle pye pe be senyɛnbèle télege be tɛ́ɛyi ni, pe lè ŋùuvɔbèle ní yatingbumɔnri ní, ti lè: dǎngbogèle, ní kɔ̀ríw, ní kanyɛɛnri kadaforo yáriya, paa di kpúmɔn ti yákpogèle í da yirigi gbanʔama bi fundaanri tɛ̀ɛn.

1 Cányi kèlē 15:28

A Isirayɛli ye myɛw pan ní Yawe joogaanni kásu ní, ní fundaanra yákpowáara, ní tòmaagi wìimɛ, ní búrubèle wìimɛ, ní kanyɛɛnri kadaforo yáriya ní, ní i dǎngbogèle, ní kɔ̀ríw kpúmɔn.

2 Cányi kèlē 29:25

A wi Levii ye télege Yawe kpáagi ni, ní kanyɛɛnri kadaforo yáriya, ní dǎngbogèle, ní kɔ̀ríw ní, n yɛlɛ ní gee ní fànʔafɔw Davidi, ní fànʔafɔw kanyaaɔ Gadi, ní kanyaajoow Natan da joo n gbàn lè. Níì cán Yawe tundunro ti da pye, dee wi da joo wi kanyaajoobèle ma a be joo lè.

Ŋúnuyi 94:20

A syɛɛnkpoo-kútiijoobèle a gbǎn wɔ́ɔ lé ní mɔ ní yarigaa na, poro bele be kapeeyi sélegi lè, yee yi lè yi ga bɛ̀ɛ ní làlwabèle ní í?

Yirile 1:16

Níì be pye: «Lǎli ni yele ga ni Heburucebèle dɛ̀ɛmɛ́ lè pe làrizeeli ni, wàa ga ni sii, ye pìíw sámaga ye wéle. Ye ga wi nyaa nànbile, ye wi kpóo. Ye si ga wi nyaa calipile, ye wi yaʔa sìi na.»

Yirile 1:22

Lǎli bee ni a Faraɔnw syɛ́ɛnri naa joo n gbàn wi syɛ́ɛnbèle myɛ ma níì jo: «Nànbile o nànbile pe ga see lè, ki n yɛlɛ ye sa li wáa Niili cábigi ni, yáā calipiigèle myɛ yaari sìi na.»

Syɛɛnjóow 3:16

Wéle, gee mii níì nyaa lè tári na, koro gi nyɛ: Kútiiw tɛ́ʔɛ ni, péemi i yaà, sínni tɛ́ʔɛ ni, a péemi i yaà.

Ezayi 10:1

Wɔʔɔli a pye bele na be làlwapeew télegi lè, ní bele na be kolomi làlwa kèlē sɛ́bɛ lè,

Danyɛli 3:11

Syɔ́ɔnwee faala ga pye lè wi ga tìgi n too n gi kpɔ̀ʔɔrɔ í, pe a wee bee wáa fúruw naagbanga ni.

Danyɛli 3:15

Tɔ́ɔliw ni ki n yɛlɛ ye sámaga ye yaʔa, lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ye tìgi ye too ye tɛ́ɛw ǹdevanʔa kpɔ̀ʔɔrɔ, gee mii kpéʔele lè. Yele si ga pye yele ga fɔ̀lɔ n gi kpɔ̀ʔɔrɔ í, yele a wáa làrinijanna ni fúruw naagbanga ni. Kolocɔlɔwìí wi a gbǎn yele yirige mii kɔ́gi ni?»

Danyɛli 6:12

Lǎli bee ni a nǎnbèle bee kpóʔoro n kári n sáà jée n Danyɛli nyaa wi i nyɛ́ɛrigbɔʔɔ nyɛ́ɛri ní i wi Kolocɔlɔw mɛ́ʔɛ yeri.

Amɔsi 6:5

Pe i nyùngo fun ŋúnuyi kpúmɔn kɔ̀ríw ni, ní i sɔ̀ngí poro n ŋúnuyi yatingbumɔnrɔ cán àmɛɛ Davidi da pye lè.

Zyan 11:57

Sáriga-wòlobèle kàfɔɔlɔ ní Farisibèle si maa téè gi joo syɛ́ɛnbèle ma níì jo, syɔ́ɔnwee faala ga kɔ́ɔ̀ wi tɛɛkòrogi cán lè, wi sa gi joo poro ma, koro ga pye poro í sa wi cò.