Danyɛli 3:1 - Cebaara Bible 2010

¹ A fànʔafɔw Nebukadinezari tɛɛ̀ ǹdevanʔa sámaga, ki tɔnɔganmi maa pye mɛ́tiribéle toko ní kpɔrigɔ. Ki kpɔ́ʔɔganmi si i nyɛ mɛ́tiribéle taanri. A wi gi yérige Dura jǐnlɔgi ni, Babilɔni tári ni.

Danyɛli 3:1 Iomraidhean Croise

1 Fànʔafɔbèle 12:28

A fànʔafɔw ga pèle nyaa n joo ní be ní n kwɔ́ɔ a wi tɛɛ̀ náapiiye siin sámaga níì syɛ́ɛnbèle pye: «Yele n kɔ́ɔ̀ kári n yɛlɛ nya Zyerusalɛmi ma! Yele Isirayɛli ye, yele kolocɔlɔbèle be nyɛ bele naa, poro bele be yele yirige Ezyipiti tári ni lè.»

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ŋúnuyi 135:15

Syɛɛnfeleyi yasunyo i nyɛ wálifiio ní tɛɛ̀, syɔɔn ye kɔ́yi fáli wii.

Yirile 20:23

Yele ga yɛlɛ bi kolocɔlɔbèle pèle nikwɔɔlɔ sámaga ní wálifiio, wàlá ní tɛɛ̀ ní bi yaʔa yeyɛɛ ma bi fàra mii na í.

Yirile 32:31

A Mowizi lúru n kári Yawe ma n sáà wi pye: «Syɛ́ɛnbèle naa n tɔ̀nɔ n kapeekpɔʔɔ kpéʔele. Pe n tɛɛ̀ kolocɔlɔɔ sámaga n pye peyɛɛ wóo.

Ezayi 2:20

Cángi bee na yasunyee syɔɔn sámaga ní wálifiiw, ní tɛ́ɛw ní, ní i tíri ni tuun yi yɛʔɛ̀ ma lè, wi a yee bee wáa tǔbèle, ní kɔɔnɔyi ma.

Ezayi 30:22

Wálifiiw mɔ tɛ́ʔɛ n mɔ yasunyi pɔ̀li lè, ní tɛ́ɛw mɔ tɛ́ʔɛ n ǹdedanyi tɔ́n lè, mɔ a di córo yanɔnʔɔrɔ, mɔ a di wáa àmɛɛ yapeere nyɛ lè, si jo: «Ye yiri nɛɛ naa!»

Ezayi 46:6

Pe i tɛ́ɛw yirigi pe gɔ̀nvaʔayi ni ni ŋuu, níì wálifiiw cáan cúlo na, pe i tɛɛ̀kpumɔɔn sàrá jàngó wi kolocɔlɔwaa sámaga. Pe i lɛ̀ɛlɛ́, ní i tíri ni tuun.

Zyeremii 10:9

Wálifiiw be kpúmɔn lè, pe i yìrigí ní wi ní Tarisiisi ma, n wɔ́ɔ ni yìrigí ní tɛ́ɛw ní Ufazi ma, fáliw kacaɔn kapyele lii, tɛɛ̀kpumɔnw kɔ́lɔ fáli wii. Pe i kɔ́luruna cére fàni, ní fàninyɛɛɔn nii be kolocɔlɔbèle na. Pe myɛ i nyɛ kacánmi fáli kpéʔelefɔlɔ kapyele.

Zyeremii 16:20

A syɔɔn a gbǎn kolocɔlɔbèlē sámaga lé wiyɛɛ ma bi gi taa pe o nyɛ kolocɔlɔbèlē í?»

Danyɛli 2:48

A fànʔafɔw fala n Danyɛli lúrugo ǹjoʔo ma gbanʔama, níì lɔrɔ yárira saʔa kaan wi ma, níì wi télege Babilɔni tári myɛ nyúngo na, n wi kpéʔele Babilɔni sícilibèle myɛ kùndigikpɔɔɔ.

Danyɛli 2:49

A Danyɛli fànʔafɔw nyɛ́ɛri a wi Syadiraki, ní Mesyaki, ní Abɛdi-Nego télege a be pye Babilɔni tári kacɔɔnribèlē, á Danyɛli si kòro fànʔafɔw kàcoolo ni.

Danyɛli 3:14

A Nebukadinezari be pye: «Syadiraki, ní Mesyaki, ní Abɛdi-Nego, ki i nyɛ lé kányɛʔɛ yele o mii kolocɔlɔbèle fáli kpéʔele í, yele ga wɔ́ɔ̀ fɔ̀lɔ ni tɛ́ɛw ǹdevanʔa kpɔ̀ʔɔrɔ́ í, gee mii yérige lè?

Danyɛli 3:30

A fànʔafɔw fala n Syadiraki, ní Mesyaki, ní Abɛdi-Nego kpɔ́ʔɔ Babilɔni tári ni.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 5:4

A be dùvɛɛnw gbaa, ní i kolocɔlɔbèle sòoló be lè tɛɛ̀, ní wálifiio, ní kanyɛɛnrɛ, ní tunmɔrɔ, ní tiire, ní kàdɛnɛrɛ.

Oze sɛ́bɛw 2:8

Gee bee na wéle, mii a wi kólogi tɔ́n ní wúuro tiipiire ní, mii a gi faan sùlu ní gungo ní jàngó wi a ní kɔ́ wi kobiigèle caa nyaa í.

Oze sɛ́bɛw 8:4

Pe n fànʔafɔɔlɔ télege mii nyɔɔ fun ni, pe n kùndigibéle télege n gi yaʔa mii ga kàa cán gi ni í. Pe n be wálifiiw, ní be tɛ́ɛw tɛ́ʔɛ n yasunyo sámaga jàngó bi kálagi yiri yaà.

Habakuki 2:19

Wɔʔɔlɔ a pye syɔ́ɔnwee na wi gi nyuu tiige ma lè níì jo: «Ki n yɛlɛ mi yìri!» Ní kàdɛnɛgɛ ma ki lè ki o nyuu í, níì jo: «Yìri ŋúnɔmi na!» A ki a gbǎn syɔɔn tama lé? Wéle, pe n tɛ́ɛw ní wálifiiw tɛ́ʔɛ n gi tɔ́n, kàjáa ŋɔ́ngara o nyɛ gi ni nyáana í.

Kapyegèle 17:29

Amɛɛ si wolo nyɛ lè Kolocɔlɔɔ yòdaʔaya, ki ga yɛlɛ wolo í da sɔ̀ngí si jo Kolocɔlɔɔ n yasungo wíri í, tɛɛ̀ wóʔo yoo, wálifiio wóʔo yoo, kàdɛnɛgɛ wóʔo yoo, toro dee syɛ́ɛnbèle sámagi lè ní be sícilimi ní, be funzɔngumi na.

Kapyegèle 19:26

Yele si n gi nyaa ní wɔ́ɔ̀ gi lóʔo, àmɛɛ Pɔliw bee syɛ̀ɛnnɛ saʔa nyúnyo kàriga Efɛzi ni lè a be pùuni, ní wɔ́ɔ̀ gi kpéʔele ànbée Azii tɛ́ɛyi myɛ ni, níì cán wi n jo, yakpɔʔɔrɔyee syɛ́ɛnbèle sámagi lè ní be kɔ́yi ní, yi o nyɛ kolocɔlɔbèlē í.

Làlwaw Kaanziin 7:25

Ye be kolocɔlɔbèle màdedanya sórigo naà ni. Mɔ a kɔ́ nyabɛɛnnɛ taa wálifiiw ní tɛ́ɛw na wi nyɛ yi na lè í. Mɔ a kɔ́ wi wàa láa bi yaʔa miyɛɛ ma í, jàngó gee bee a kɔ́ pye mɔ na karinyanga í. Níì cán wi i nyɛ yanɔnʔɔgɔ Yawe mɔ Kolocɔlɔw ma.

Tɛ̀ɛnnɛ 9:20

Syɛ́ɛnbèle bele si be kòro lè, yapeeyi bee ga be taa n kpóo í, pe ga fɔ̀lɔ n kàdoʔo wáa be kɔ́yi yakpéʔelere ma í. Gee bee n jo pe ga fɔ̀lɔ bi láʔa màdebèle, ní yasunyi kpɔ̀ʔɔrɔlɔ na í, yee yi nyɛ lè tɛ́ɛw, wàlá wálifiiw, wàlá kanyɛɛnri, wàlá kàdɛnɛyi, wàlá tíiri, yáriree di nyɛ lè ti o nyaagi í, ti o lúro í, ti si wɔ́ɔ o táanri í.