Danyɛli 2:9 - Cebaara Bible 2010

⁹ Yele si ga tɔ̀nɔ n pye yele ga ŋúnɔgi joo mii ma í, kútiinijanw wi a ceri yele na. Yele n sámaga n yaʔa bi jànvaa ní námara syɛ́ɛnraa tímana bi joo mii ma, si sige bi taa làrigèle í ba kàri nya. Koro na ki n yɛlɛ ye ŋúnɔgi joo mii ma, koro ga pye mii a gi cán yele fánʔa i nyɛ bi gbǎn gi kɔ́rɔw joo mii ma.»

Danyɛli 2:9 Iomraidhean Croise

1 Fànʔafɔbèle 22:22

A li wi yari: ‹Mii a yiri bi sa pye jànvaa pìle wi kanyaajoobèle myɛ nyɔ́ɔyɔ ni.› A Yawe jo: ‹Mɔ a wi kárima, mɔ a tɔ̀nɔ́ gbǎn wi kárima. Yiri mi sa gi kpéʔele nya.›

1 Fànʔafɔbèle 22:6

A Isirayɛli fànʔafɔw kanyaajoobèle kpóʔoro, pe maa pye saala siin félege, ní baa be pye: «A gi yɛlɛ lé mii í sa kapɛɛnni kpúmɔn ní Aramɔti ní ki lè Galaadi ni láà ba fwɔɔ mii a kɔ́ kári í?» A be wi yari: «Da syée, Kàfɔw a gi le fànʔafɔw kɔ́yɔ ni.»

Ɛsitɛri 4:11

«Fànʔafɔw falipyebèlē myɛ, ní wi tátɛɛyi syɛ̀ɛnnɛ myɛ n gi cán ncan syɔɔn o syɔɔn wi ga kári fànʔafɔw ma n sáà yére fungoma kàcooli ni lè, nàɔn yoo, cɔlɔɔ yoo, bi gi taa pe ga wi yeri í, pe n wi kpóo. Koro i nyɛ làlwanijanw pe myɛ kéele na. Fwɔɔ fànʔafɔw ga wi fǎngi tɛɛ̀ kàgbeele fìin wee na lè woro wi a yaʔa sìngbóo ni. Mii si na, ki canya toko ní kpɔrigɔ wi wee, pe ga ní kɔ́ɔ̀ mii yeri mii í kári yaà fànʔafɔw tɛ́ʔɛ ma í.»

Kàseegèle 12:19

Kányɛɛjo-nyɔɔwari a báriga bi kòro beè làla o làla, jànvaa-joo-nyínni si a kwɔ́ɔ nyapiikololo nibin na.

Ezayi 41:23

Kérigèle ge maa ba kpéʔele kàdoʔo ma lè, ye ge joo ye tɛ̀ɛn, koro ga pye wolo a gi cán bi cán yele i nyɛ kolocɔlɔbèlē. Ye tɛ́nɛ ye yarigaa kpéʔele, kacànga yoo, kapeʔe yoo, koro ga pye wolo í gi nyaa, wo myɛ si pínɛ bi gi sɛʔɛ wéle.

Ezayi 44:25

Mii wi jànvaa kanyaajoobèle fɛ̀ɛbēle kálagi, ní wɔ́ɔ i kanyaabèle kàragí nilabalabéle. Mii i sícilibèle lúrugu kàdoʔo ma, ní i be cánni kàragí labalama.

Ezekyɛli 13:17

«Mɔ, syɔɔn-pya, mɔ yɛ́ɛgi fíige mɔ syɛ́ɛnbèle cálipiigéle ma koro gele ge kérigèle nyaagi ni nyuu lè n yɛlɛ ní ge tiimaa funzɔngumi ní, mí kérigèle nyaa mi joo ge kánmi na.

Ezekyɛli 13:19

Yele i mii mɛ́ɛgi kálagi mii syɛ́ɛnbèle yɛ́ʔɛ ma orizye kɔbonyɛ̀nnɛ kéele na, ní búruceriye kéele na, ní i syɛ́ɛnbèle kúu, bele be lè pe ga yɛlɛ ní kùu ní í, ní i bele yaari sìi na, bele be lè pe ga yɛlɛ bi kòro sìi na í, ní i finɛ mii syɛ́ɛnbèle ma, poro bele be fɔ̀lɔ́ jànvaaw lóʔolo na lè.

Ezekyɛli 13:6

Pe yanyaayi i nyɛ gbanzan, pe kanyaajoori i nyɛ jànvaa. Pe i gi nyuu níì jo: ‹Yawe n jo!› Bi gi taa Yawe ga be tun í. Pe n syɛ́ɛnbèle kaan a pe be sɔ̀ngumi taʔa poro syɛ́ɛnri na n jo ti a foro.

Danyɛli 2:16

A Danyɛli kári fànʔafɔw ma n sáà wi nyɛ́ɛri wi làlaa kaan woro ma woro a gi kɔ́rɔw joo wi ma.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 2:8

A fànʔafɔw syɛ́ɛnri láa níì jo: «Mii n gi cán kányɛʔɛ na, yele i caa bi làlaa taa, níì cán yele n gi nyaa, gee mii kɔ̀rirɔ n tímana lè.

Danyɛli 3:15

Tɔ́ɔliw ni ki n yɛlɛ ye sámaga ye yaʔa, lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ye tìgi ye too ye tɛ́ɛw ǹdevanʔa kpɔ̀ʔɔrɔ, gee mii kpéʔele lè. Yele si ga pye yele ga fɔ̀lɔ n gi kpɔ̀ʔɔrɔ í, yele a wáa làrinijanna ni fúruw naagbanga ni. Kolocɔlɔwìí wi a gbǎn yele yirige mii kɔ́gi ni?»

Danyɛli 5:28

Parisɛn kɔ́rɔw si i nyɛ mɔ fangi a tíla tíla bi kaan Mɛdi ye, ní Pɛrisi ye ma.»

Danyɛli 7:25

Wee wi nyɛ Pe Myɛ Nyúngo na lè, wi a ra syɛɛnpeeri nyuu woro na, wee wi nyɛ Pe Myɛ Nyúngo na lè wi a ra woro wojanbèle wɔʔɔ gbanʔama, wi a ra caa bi làrigèle ní làlwaw kàriga, wojanbèle a le wi kɔ́yi ni bi taa làla nibin ní làrigèle kèle, ní làlaa tíla í ba kwɔ́ɔ.

2 Korɛnti ye 2:17

Níì cán wolo o nyɛ àmɛɛ pèle saʔa nyɛ lè, bele be jànvaaw nyáʔami Kolocɔlɔɔ syɛ́ɛnri ni jàngó bi tɔ̀nɔ taa lè í, kàjáa wolo i nyɛ Kolocɔlɔɔ tundunbéle ní i kányɛɛgi nyuu Kolocɔlɔɔ yɛ́ʔɛ ma Kirisi bárigaw ni.