Danyɛli 2:6 - Cebaara Bible 2010

⁶ Kàjáa yele ga ŋúnɔgi, ní gi kɔ́rɔw joo mii ma, yele a yakaanra, ní kpɔʔɔrɔ, ní mɛ́ɛkpoloyo taa mii ma. Koro na, ye ŋúnɔgi ní ki kɔ́rɔw joo mii ma.»

Danyɛli 2:6 Iomraidhean Croise

Danyɛli 2:48

A fànʔafɔw fala n Danyɛli lúrugo ǹjoʔo ma gbanʔama, níì lɔrɔ yárira saʔa kaan wi ma, níì wi télege Babilɔni tári myɛ nyúngo na, n wi kpéʔele Babilɔni sícilibèle myɛ kùndigikpɔɔɔ.

Danyɛli 5:29

A Bɛlisyasari fala n gi joo n gbàn níì jo be burogbɔɔ-nyɛ̀nʔɛ le Danyɛli na, pé tɛɛ̀ nyɔ̀ʔɔmɔ le wi yátiigi ni, pé wi kéeli jáari si jo woro wi a pye fǎngi kùndigi-taanri wóo.

Danyɛli 5:7

A fànʔafɔw yákpogi wáa ní fànʔa ní n gi joo níì jo paa maa ní kanyaabèle, ní Kalide ye, ní cɛ́lɛfɔbèle ní. A fànʔafɔw baa gi joo Babilɔni sícilibèle ma níì jo: «Syɔ́ɔnwee wi ga gbàn n sɛ́bɛri naa wéle níì di kɔ́rɔw joo mii ma lè burogbɔɔ-nyɛ̀nʔɛ a le wi na, tɛɛ̀ nyɔ̀ʔɔmɔ si wɔ́ɔ le wi yátiigi ni, wí pye fǎngi kùndigi-taanri wóo.»

Córolo 22:17

Níì cán mii a ba mɔ kpɔ́ʔɔ gbanʔama. Yárigee faala mɔ ga joo lè, mii a gi kpéʔele. Mii i mɔ nyɛ́ɛri, da maa mi ba syɛ́ɛnbèle naa dánga mii ma.› »

Córolo 22:37

A Balaki Balaami pye: «Mii ban wi syɛ̀ɛnnɛ tun pe sa mɔ yeri ì? Nyàʔá na mɔ da pan mii ma í? A koro joo lé mii a dée gbǎn ba mɔ kpɔ́ʔɔ wii í?»

Córolo 22:7

A Mowabi wolɛɛbèle ní Madyan wolɛɛbèle kári ní kpɔʔɔrɔ ní, dee félege ní be kanyaaɔ kpɔ́ʔɔgi lè. A be sáà nan Balaami na níì Balaki syɛ́ɛnri joo wi ma.

Córolo 24:11

Tɔ́ɔliw ni sɔ̀lɔ maa fé maa syée mɔ kaʔa ma! Mii maa jo mii a mɔ kpɔ́ʔɔ, Yawe si n mɔ bɔ̀nɔ di taali ni.»