Danyɛli 2:5 - Cebaara Bible 2010

⁵ A fànʔafɔw níì syɛ́ɛnri láa n Kalide ye pye: «Wéle, gee mii kɔ̀rirɔ n tímana lè, yele ga pye yele ga ŋúnɔgi ní gi kɔ́rɔw tɛ̀ɛn mii na í, yele a tɔ̀nɔ́ cɔ̀nʔɔ wii, yele kpáayi si pye gurubɛɛtooro.

Danyɛli 2:5 Iomraidhean Croise

2 Fànʔafɔbèle 10:27

A be Baali yasungaanni kpúmɔn n cáan ní wɔ́ɔ̀ Baali kpáagi kpúmɔn n cáan níì gi kàriga káboʔo. A gi kòro nya fwɔɔ n baa nan níjanʔa na.

Ɛsidirasi 6:11

Gee si mii a joo gbàn lè syɔɔn o syɔɔn kéele na, wee wi ga kajooli naa kálagi lè, koro gi nyɛ gee naa: Pe a tiinnaa kíle yirige wi kpáagi ni bi yérige si wi cɔ̀rɔ li na, wi kpáagi si kàri gurubɛɛtoʔo.

Ŋúnuyi 50:22

Koro na yele bele ye fɛ̀ʔɛ Kolocɔlɔɔ na lè, ki n yɛlɛ ye gee naa cán, kapye koro ban í, mii a yele sulugu sulugu, syɔɔfɔlɔ a taa yele na í.

Ŋúnuyi 58:7

Ee Kolocɔlɔɔ, gǎngèle kabagi pe nyɔ́ɔyi ni! Ee Yawe, càarabiiyi kpàcɔʔɔlɔyɔ kabagi!

Danyɛli 2:12

A gee bee gi kaan a fànʔafɔw fúngo tanʔa, a wi fúngi tɔ̀nɔ n yìri gbanʔama, a wi gi joo n gbàn níì jo be Babilɔni sícilibèle myɛ kpóo.

Danyɛli 3:29

Gee si mii a joo gbàn lè tɔ́ɔliw ni, koro gi nyɛ gee naa: Syɛ́ɛnbèle, ní syɛɛnfeleyi, ní syɛɛnfeleri myɛ joofɔɔlɔ ni, wee wi ga syɛɛnpeere o syɛɛnpeere joo n wáa lè Syadiraki, ní Mesyaki, ní Abɛdi-Nego Kolocɔlɔw na, wee bee a cɔ̀nʔɔ cɔ̀nʔɔ wii, wi kpáagi si pye káboʔo, níì cán kolocɔlɔwaa nikwɔɔ o yaà, wee wi a gbǎn syɔɔn syɔɔ kánmi naa na lè í.»

Danyɛli 4:9

Ki wári maa nyɔɔ, a gi yasanri nɛʔɛ, a yáriri myɛ i lìile taagi gi ni. Sìnbirigi yaweere maa ni kòró ki nyínmi ni, féjɛɛngèle maa ni kòró ki káganyi ni, sìi yáriri myɛ maa ni di lìíli taagi gi ni.

Làlwaw Kaanziin 13:16

mɔ n yɛlɛ bi kěgi bee syɛ̀ɛnnɛ kpóo ní ŋɔsée ní, bi kěgi bee ní gi fúngi yárira kálagi péw n fàra yaweeri na.

Zyozuwe 6:26

Lǎli bee ni a Zyozuwe syɛ́ɛnri naa joo ní kàliga ní níì jo: «Syɔ́ɔnwee wi ga baa yìri lè n níì Zyeriko kěgi naa faan, ki n yɛlɛ syɔ́ɔnw bee í dánga Yawe yɛ́ʔɛ ma. Wi ga gi kàpɔɔnw le, wi pìiseliw a kùu. Wi ga ni kpàánweegèle kɔ̀riyɔ nii, wi kàdotɔnw a kùu.»

1 Samyɛli 15:33

A Samyɛli jo: «Amɛɛ mɔ ŋɔséew càbala bɔ̀nɔ be pìibēle ni lè, kánmi bee na mɔ nɔ́ɔw a wɔ́ɔ bɔ̀nɔ wi pìíw ni cesanbèle nínge ni.» A Samyɛli Agagi cɛnɛ cɛnɛ Yawe yɛ́ʔɛ ma Giiligali ni.