Danyɛli 2:44 - Cebaara Bible 2010

⁴⁴ Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 2:44 Iomraidhean Croise

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

2 Samyɛli 7:13

Woro wi a ba kpaʔa faan mii mɛ́ɛgi na. Mii a wi fàngoli báriga li kòro beè làla o làla.

2 Samyɛli 7:16

Mɔ kpáagi ní mɔ fangi a kòro beè mɔ ma làla o làla. Mɔ fangoli a báriga bi kòro beè làla o làla.› »

Ŋúnuyi 145:13

Mɔ fangi i nyɛ bàngwɔɔ fànʔa, mɔ kundigiri a kòro bàā syée yaà yìrigèle myɛ syɛ̀ɛnnɛ nyúngo na. Yawe i nyɛ tágala syɔ́ɔn wi nyɔɔfaliyi forolo na, gee myɛ wi kpéʔele lè, ki i wi funjǎngi tèé.

Ezayi 60:12

Níì cán syɛɛnfelegee, ní fǎngee ga pye ki o báara mɔ ma lè í, ki a kálagi, syɛɛnfeleyi bee a kwɔ́ɔ péw.

Ezekyɛli 37:25

Pe a ba tɛ́ɛn tári ni, dee mii kaan mii falipyew Zyakɔbi ma lè, dee ni yele tóobèle da tɛ́ɛn lè. Pe a ba tɛ́ɛn di ni, poro ní be pìíbèle, ní be pìinyanbiiyi làla o làla kwɔ́ɔmɔ fun, mii falipyew Davidi si pye fǎngi na pe nyúngi na làla o làla kwɔ́ɔmɔ fun.

Danyɛli 2:28

Kàjáa Kolocɔlɔwaa i nyɛ nyɛ̀ʔɛni na, wee wi kalaragèle tèé lè, woro wi canzanyi kèlē tɛ̀ɛn fànʔafɔw Nebukadinezari na. Mɔ ŋúnɔgi gi nyɛ gee naa n fàra yanyaayi na mɔ nyaa lè n mɔ yaʔa mɔ yasinɛgi na.

Danyɛli 2:34

Mɔ maa ni wéle, lǎli ni kàdɛnɛgɛ láʔa yaà lè kɔlɔ̀ faala dɛɛmɛnɛ fun n baa ǹdevaangi yédefabiya kpúmɔn n tɔ́nʔɔnɔ, yi pye lè tunmɔrɔ ní cóoro.

Danyɛli 2:35

Lǎli bee ni, a túnmɔri, ní cóori, ní kanyɛɛnri, ní wálifiiw, ní tɛ́ɛw pínɛ n tɔ́nʔɔnɔ n pye àmɛɛ sùweʔe nyɛ lè kàsyɔʔɔ na, káfugo làla ni. A káfalagi di láa ti túlugi ga níì nyaa í. Kàjáa kàdɛnɛgi ki da ǹdevaangi kpúmɔn lè, a koro yìri n kpɔ́ʔɔ n pye nyanbelege, n tári myɛ nyìn.

Danyɛli 2:37

Ee fànʔafɔw, mɔ i nyɛ fànʔafɔbèle fànʔafɔlɔ, níì cán nyɛ̀ʔɛgèle Kolocɔlɔɔ n fǎngi fáliga, ní séew, ní fǎngi, ní nìjanri kaan mɔ ma.

Danyɛli 2:43

Amɛɛ mɔ túnmɔri nyaa a di nyáʔami cóori ni lè, ànbée gi nyɛ pe a pínɛ syɔɔn ye joogaanna na ní peyɛɛ ní. Kàjáa pe a pwɔɔ peyɛɛ na í, àmɛɛ gi nyɛ lè túnmɔri a gbǎn pínɛ ní cóori ní í.

Danyɛli 4:3

A mii gi joo n gbàn níì jo paa maa mii yɛ́ʔɛ ma ní Babilɔni sícilibèle myɛ ní, koro ga pye pe ba ŋúnɔgi kɔ́rɔ joo mii ma.

Danyɛli 4:34

Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Danyɛli 6:27

Làlwa kéeli mii joo n gbàn lè loro li lee naa: Mii fǎngi tɛ́nɛmɛ myɛ ni, ki n yɛlɛ paa fɛ̀ɛgí Danyɛli Kolocɔlɔw na sáā wi kpɔ́ʔɔgi. Níì cán woro wi nyɛ Kolocɔlɔɔ woweew, wi a kòro beè làla o làla! Wi fǎngi a tée kálagi nyáana í, wi kùndigiri a kòro beè bi ba nan gi kwɔ́ɔmi na.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Danyɛli 8:25

Wi cánni báriga ni, ní àmɛɛ wi námara kérigèle a ra nyɔɔgi lè, wi a ra wiyɛɛ gbɔ́ʔɔgi fúngi ni, bele be tɛ́ɛn lè sági yɛɛ̀nyinge na, wi a poro pèle saʔa kálagi, si yìri kùndigibèle Kùndigi kánma na. Kàjáa wi a kálagi syɔɔn kɔ́lɔ fun ni.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Agizye 2:22

Mii a fǎnyi fàngorigēle wáa cíbele, mii a syɛɛnfeleyi fànya fànʔa kálagi, mii a kapɛɛnkpumɔn-wòtorobèle wáa cíbele ní be jéefɔbèle ní, syɔ́ɔnyi ní yi fànvɔbèle a kpúmɔn cáan, pe myɛ nibin nibin a kùu taa be senyɛnbèle ŋɔséebéle báriga ni.»

Agizye 2:7

Mii a syɛɛnfeleyi myɛ cúngo. Syɛɛnfeleyi myɛ lɔ́rɔ a pan, mii si kpáagi naa nyìn nìjanri na,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 28:18

A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma.

Zyan 12:34

A syɛ́ɛnmi wi yari: «Pe i gi nyuu wolo ma Mowizi làlwaw sɛ́bɛ ni níì jo Kirisi a ba kòro beè sìi na làla o làla kwɔ́ɔmɔ fun. Mɛ̀ɛ́ si gi nyɛ á mɔ jo pe a kɔ́ ba Syɔɔn-pya yìrige bi yérige? Wìí wi nyɛ Syɔɔn-piiw bee?»

Heburubèle 12:28

Gee bee na gi yɛlɛ waa bariga kaangi Kolocɔlɔɔ ma, àmɛɛ wolo a fǎngi taa lè, gee gi nyɛ lè ki a gbǎn cúngo í, wáā báara wi ma ní sínnɛ ní, n fàra wi yɛ́ɛgi fyáara na, bi yɛlɛ ní wi kínidɛnɛgi ní.

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Tɛ̀ɛnnɛ 2:27

Wi a ba ra be nàʔá ní tunmɔrɔ kàgbeele ní, sáā be jabagi àmɛɛ cóori kòdɔʔɔlɔ nyɛ lè,