Danyɛli 2:34 - Cebaara Bible 2010

³⁴ Mɔ maa ni wéle, lǎli ni kàdɛnɛgɛ láʔa yaà lè kɔlɔ̀ faala dɛɛmɛnɛ fun n baa ǹdevaangi yédefabiya kpúmɔn n tɔ́nʔɔnɔ, yi pye lè tunmɔrɔ ní cóoro.

Danyɛli 2:34 Iomraidhean Croise

Ŋúnuyi 118:22

Kàdɛnɛgee kpaafaanbèle da cée lè, koro ki baa pye kpáagi jɛ̀ɛ́nnɛ kadɛnɛzelige.

Ezayi 28:16

Gee bee na Kàfɔw Yawe syɛ́ɛnri naa joo níì jo: «Wéle, mii n kàdɛnɛgɛ le kàpɔɔn Siyɔn ni, kàdɛnɛgee gi sɛʔɛ n wéle lè, jɛ̀ɛ́nnɛ kadɛnɛgɛ, gee gi nyɛ lè lɔgbanra wóʔo, kàpɔɔnwee wi sámaga n yére lè, wee wi ga wiyɛɛ daʔa wee bee na lè, wee bee a ní foo bàā fé í.

Ezayi 60:12

Níì cán syɛɛnfelegee, ní fǎngee ga pye ki o báara mɔ ma lè í, ki a kálagi, syɛɛnfeleyi bee a kwɔ́ɔ péw.

Ezayi 8:9

Syɛɛnfeleyi, yaa yákpogèle wáa gbanʔama. Fyáakpɔɔrɔ a yele cò! Ye líiyi cáan, yele bele myɛ ye nyɛ lè yaà tári léelige tɛ́ʔɛ ni. Ye yeyɛɛ bwɔɔ kapɛɛnni kánma na, fyáakpɔɔrɔ a yele cò. Ye yeyɛɛ bwɔɔ kapɛɛnni kánma na, fyáakpɔɔrɔ a yele cò.

Ezekyɛli 32:28

Mɔ si na, sìngɛ́nɛbèle nínge ni mɔ a tɔ́nʔɔnɔ, mɔ a kùu bi sínɛ ní bele ní be fúrugu ní ŋɔséew ní lè.

Ezekyɛli 47:5

A wi níì mɛ́tiribèle pèle saala siin ní dabata tímana. Ki si maa kàri n pye lònɛʔɛgɛ, gee gi lè mii da pye bi gbǎn gi jeli í, níì cán lǒgi maa tɔ̀nɔ n cùru n pye fwɔɔ mɔ í da nyángi gi ni. Ki maa pye lònɛʔɛgɛ, gee gi lè syɔɔn a gbǎn gi jeli í.

Danyɛli 2:33

gi kasanayi maa pye tunmɔrɔ, á ki yedefabiyi pye tunmɔrɔ ní cóoro.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Danyɛli 8:25

Wi cánni báriga ni, ní àmɛɛ wi námara kérigèle a ra nyɔɔgi lè, wi a ra wiyɛɛ gbɔ́ʔɔgi fúngi ni, bele be tɛ́ɛn lè sági yɛɛ̀nyinge na, wi a poro pèle saʔa kálagi, si yìri kùndigibèle Kùndigi kánma na. Kàjáa wi a kálagi syɔɔn kɔ́lɔ fun ni.

Zakarii 12:3

cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.»

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 16:18

Mii si a gi joo mɔ ma si jo mɔ i nyɛ Pyɛri, mii a mii Egiliziw faan fálagi naa ǹjoʔo ni, tɛɛwɔʔɔgi a gbǎn fànʔa taa wi na í.

Zyan 1:13

Kàjáa pe ga bele bee see syɔɔn yodaʔaya báriga ni í, ki ga pye céri dɛ́nɛgɛ kéele na í, ki si ga wɔ́ɔ̀ kpéʔele syɔɔn nyɛ́nɛ pyele na í, fwɔɔ Kolocɔlɔɔ wi be see.

Kapyegèle 4:11

Zyezuw bee wi nyɛ ‹Kàdɛnɛgi, gee gi lè yele kpaafaanbèle da ni gi córo yafyɛn í, koro ki baa pye kpáagi jɛ̀ɛ́nnɛ kadɛnɛzelige.›

2 Korɛnti ye 5:1

Wolo n gi cán wolo céri di lè vòyo, yee ni wolo nyɛ lè tári na, yoro ga too, wolo a bàngwɔɔ kpaaya taa, yee Kolocɔlɔɔ faan lè nyɛ̀ʔɛni na, yi lè syɔɔn kɔ́lɔ ga yi faan í.

Heburubèle 9:24

Níì cán tɛɛcǎngi syɔɔn kɔ́lɔ da kpéʔele lè, a gi kányɛɛgi wóʔo wíri, Kirisi ga jée gee bee ni í, kàjáa wi n jée nyɛ̀ʔɛni tiimaa ni n wiyɛɛ dɛ̀ɛn Kolocɔlɔɔ na tɔ́ɔliw ni wolo kéeli na.

1 Pyɛri 2:7

Koro na yele bele ye tága lè, ki i nyɛ yele ma lɔgbanra wóʔo. Bele si be nyɛ lè pe ga tága í, ki i nyuu bele bee kéele na níì jo: «Kàdɛnɛgee kpaafaanbèle cée lè, gee bee ki baa pye kpáagi jɛ̀ɛnnɛ kadɛnɛzelige,»

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»