Danyɛli 2:30 - Cebaara Bible 2010

³⁰ Amɛɛ kalarali bee tɛ̀ɛn mii na lè, gee bee ga jo mii sícilimi bi nɛʔɛ n sɔ̀lɔ niweebèle myɛ wómɔ na í, kàjáa koro n pye jàngó gi kɔ́rɔw í joo fànʔafɔw mɔ ma, mɔ si mɔ fúngi sɔ̀ngumɔ cán.

Danyɛli 2:30 Iomraidhean Croise

Sélimɛ 41:16

A Zyozɛfu Faraɔnw yari: «Mii ban í. Kolocɔlɔɔ wi a gbǎn syɛɛnlurugori kaan mɔ ma, Faraɔn, dee di nyɔɔ lè.»

Ŋúnuyi 139:2

Lǎli ni mii ga tɛ́ɛn lè ní lǎli ni mii ga yìri lè, mɔ n gee bee cán, sáni mii í sɔ̀nguraa sɔ̀ngi lè, mɔ maa téè di cán.

Ezayi 45:4

Mii falipyew Zyakɔbi, wi lè mii wonyɛnɛ-wòlow Isirayɛli, woro kéeli na mii mɔ yeri mɔ mɛ́ɛgi na n kpɔʔɔrɔ mɛ́ʔɛ kaan mɔ ma, n gi yaʔa mɔ ga mii cán í.

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 2:47

A fànʔafɔw gi joo Danyɛli ma níì wi pye: «Kányɛʔɛ na yele Kolocɔlɔw tɔ̀nɔ́ wi nyɛ kolocɔlɔbèle Kolocɔlɔɔ, ní fànʔafɔbèle Kàfɔlɔ, ní kalaragèle tɛ̀ɛnfɔlɔ. Níì cán mɔ n gbàn n kalarali naa tɛ̀ɛn.»

Danyɛli 2:49

A Danyɛli fànʔafɔw nyɛ́ɛri a wi Syadiraki, ní Mesyaki, ní Abɛdi-Nego télege a be pye Babilɔni tári kacɔɔnribèlē, á Danyɛli si kòro fànʔafɔw kàcoolo ni.

Amɔsi 4:13

Wéle, wee wi nyanbeleyi sámaga lè, níì káfalagi sámaga, ní i syɔɔn kasɔngugèle tèé wi na, woro wee wi nyǐnjerigi kàragí lè yébilimɛ, ní i táanri ni sɔ̀lɔ́ tári dǎndamaya na lè, woro mɛ́ɛgi gi nyɛ Yawe Kolocɔlɔɔ, wi lè Nyɛ̀ʔɛni Sùlasiibéle Kafɔlɔ.

Matye 24:22

Kapye Kolocɔlɔɔ da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í, kàjáa wi a kàa yirige yi ni wi syɛɛnnyɛnɛ-wòlobèle kéele na.

Mariki 13:20

Kapye Kàfɔw da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í. Kàjáa wi n kàa yirige yi ni wi syɛɛnnyɛnɛ-wòlobèle kéele na.

Kapyegèle 3:12

A Pyɛri ga gee bee nyaa, a wi syɛ́ɛnbèle pye: «Yele Isirayɛli ye nyàʔá na yele káama kéeli naa na? Ba nyàʔá na yele wolo wéle mɔ a jo wolo bɛɛ wo nǎnw naa yìrige wi i táanri ní wolo tiimaa fǎngi ní, koro ga jáa àmɛɛ wolo fɛ̀ɛgí Kolocɔlɔɔ na lè, koro bárigaw ni wi yìri ni táanri?

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

2 Korɛnti ye 4:15

Gee bee myɛ i kpéʔele wolo na yele kéeli na, jàngó àmɛɛ kpɔ́ʔɔri nɛʔɛgi ni syée yɛʔɛ̀ ma lè syɛɛnnɛʔɛmi báriga ni, bariga kaanni í wɔ́ɔ ra nɛʔɛgi da syée yɛʔɛ̀ ma, nìjanri sáā taari Kolocɔlɔɔ na.