Danyɛli 2:23 - Cebaara Bible 2010

²³ Mii tóobèle Kolocɔlɔɔ, mɔ má mii bariga kaangi, ní i mɔ sòoló sícilimi, ní fǎngi kéele na mɔ kaan mii ma lè, yárigee wolo nyɛ́ɛri mɔ ma lè, mɔ n gi tɛ̀ɛn mii na, gee gi nyɛ lè fànʔafɔw kéele, mɔ n li tɛ̀ɛn wolo na!»

Danyɛli 2:23 Iomraidhean Croise

Sélimɛ 18:17

Lǎli bee ni a Yawe jo: «Gee mii a kpéʔele lè, a gi yɛlɛ lé mii í gee bee làriga Abirahami na?

Sélimɛ 31:42

Mii tóolɛɛgi Abirahami Kolocɔlɔw, woro wee na mii tóow Izaaki da ni fɛ̀ɛgí lè, kapye wi da pye ní mii ní í, mɔ mǎà dée mii tórigo ní kɔwaayi ní. Kolocɔlɔɔ si n mii wɔʔɔgi ní mii faligbanw nyaa, koro na wi fúlo mɔ na yébiligi ni mii kéeli na.»

1 Fànʔafɔbèle 18:36

A sárigaw làriwololo ga nan, a kanyaajoow Elii sɛ̀ʔɛrɛ yaà níì jo: «Ee Yawe, mɔ wi lè Abirahami, ní Izaaki, ní Isirayɛli Kolocɔlɔw, ki n yɛlɛ pe gi cán níjanʔa bi cán mɔ wi nyɛ Kolocɔlɔɔ Isirayɛli ni, si wɔ́ɔ gi cán bi cán mii i nyɛ mɔ falipyeo, si ní gi cán bi cán mɔ wi jo mii í kérigèle naa myɛ kpéʔele níjanʔa.

1 Fànʔafɔbèle 8:57

Ki n yɛlɛ Yawe wolo Kolocɔlɔw í pye ní wolo ní àmɛɛ wi da pye ní wolo tóolɛɛbèle ní lè. Wi a kɔ́ wolo cée í, wi a kɔ́ wolo yaʔa í.

1 Cányi kèlē 29:10

A Davidi bariga kaan Yawe ma syɛɛnkpoʔolomi myɛ nyɛ́nɛ na. Davidi n jo: «Ee Yawe, mɔ wi lè wolo tóow Isirayɛli Kolocɔlɔw, mɔ na kpɔ̀ʔɔrɔli yɛlɛ làla o làla kwɔ́ɔmɔ fun.

1 Cányi kèlē 29:13

Tɔ́ɔliw ni wolo Kolocɔlɔɔ, wolo i mɔ kpɔ̀ʔɔrɔ́, ní i mɔ nijanri mɛ́ʔɛ sòoló.

2 Cányi kèlē 20:6

Wi n jo: «Yawe, wolo tóolɛɛbèle Kolocɔlɔɔ, mɔ ban wi nyɛ Kolocɔlɔɔ nyɛ̀ʔɛgèle ni ì? Mɔ ban wi nyɛ syɛɛnfeleyi fànya myɛ nyúngo na ì? Fǎngi ní séew i nyɛ mɔ kɔ́gi ni. Wàa faala a gbǎn yére mɔ sige í.

Ŋúnuyi 21:2

Ee Yawe, fànʔafɔw i fundaanra kpéʔele mɔ séekpɔɔw kéele na, wi n tɔ̀nɔ n nyìn fundaanri na syɔɔli kéele na mɔ kaan lè!

Ŋúnuyi 21:4

Mɔ n wi fàra ní dùba kataangēle ní, mɔ n tɛɛteleo fànʔafɔ-nyùndɔnnɔ tɔ́n wi nyúngi na.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Ŋúnuyi 50:14

Ki n yɛlɛ maa kpɔ̀ʔɔrɔli sáriga wóo Kolocɔlɔɔ ma, da mɔ nyɔɔfaliyi forogi wee ma wi nyɛ lè Pe Myɛ Nyúngo na.

Yirile 3:15

A Kolocɔlɔɔ níì gi joo Mowizi ma níì wi pye: «Ki n yɛlɛ mɔ í wɔ́ɔ gi joo Isirayɛli ye ma kánmi naa na mí be pye: ‹Yawe wi lè yele tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi mii tun yele ma.› Koro gi nyɛ mii mɛ́ɛgi làla o làla. Kánmi bee na làrigèle myɛ syɛ̀ɛnnɛ a ra mii mɛ́ɛgi yiri.

Kàseegèle 21:22

Síciliw i sɔ̀lɔ́ ni jǐn nànniribèle kàʔa ni, fǎngee na pe da peyɛɛ daʔa lè, wi n koro kpúmɔn n cáan.

Kàseegèle 24:5

Syɔ́ɔnwee wi cìlige lè, wi n nyìn séew na, wee má si cánni nyɛ lè, wi i kàa fàrá wiyɛɛ fǎngi na.

Kàseegèle 8:14

Láliiw ní yákiricǎnw i nyɛ mii ma. Mii wi nyɛ cánni, séew i nyɛ mii wóo.

Syɛɛnjóow 7:19

Sícilimi i sícilio nìrí n sɔ̀lɔ kùndigibéle kɛɛ na be nyɛ lè kàʔa nibin ni.

Syɛɛnjóow 9:16

A mii si jo: Sícilimi n pɔ́rɔ n sɔ̀lɔ fǎngi na. Kàjáa pe i fɔ̀ngɔfɔw sícilimɛ faari, syɔɔn o wi syɛ́ɛnri córo í.

Syɛɛnjóow 9:18

Sícilimi n pɔ́rɔ n sɔ̀lɔ kapɛɛnkpumɔn-yáriri na. Kàjáa kapeebyeo nibin i kacàngēle saʔa kálagi.

Ezayi 12:1

Mɔ a gi joo cángi bee na si jo: «Mii i bariga kaangi mɔ ma, ee Yawe! Níì cán mɔ fúngi maa tanʔa mii kurugo, mɔ fundanʔari si n kwɔ́ɔ mii kàbangi na, mɔ n mii kpɛʔɛlɛ.

Zyeremii 33:3

‹Mii mɛ́ɛgi yeri, mii a syɔɔ mɔ ma, mii a yakpoloyo kéele joo mɔ ma, yee yi làra lè, yee yi lè mɔ da yi cán í.›

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 2:18

jàngó pe nyɛ̀ʔɛni Kolocɔlɔɔ nyɛ́ɛri gbanʔama wi nyinidaari na, kalarali bee kéele na, koro ga pye woro Danyɛli ní woro pínɛnyɛnbèle a kɔ́ kùu ní Babilɔni sícilizanbèle ní í.

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Matye 11:25

Lǎli bee ni a Zyezu fala n gi joo níì jo: «Mii i bariga kaangi mɔ ma, Abaa, mɔ wi lè nyɛ̀ʔɛni ní tári Kàfɔlɔ, níì cán mɔ n kérigèle naa làriga sícilibèle ní kacánbèle na, níì ge tɛ̀ɛn pìíbèle na.

Luki 10:21

Lǎli bee wonijanna ni a Zyezu tɔ̀nɔ n fundaanra kpéʔele Pìicǎnni báriga ni níì jo: «Abaa, mii i bariga kaangi mɔ ma, mɔ wi lè nyɛ̀ʔɛni, ní tári Kàfɔlɔ, níì cán mɔ n kérigèle naa làriga sícilibèle, ní kacánbèle na, níì ge tɛ̀ɛn pìíbèle na. Ɛɛn, Abaa, ncan ki maa pye mɔ nyɛ́nɛ kéele bi gi kpéʔele ànbée.

Zyan 11:41

A be kàdɛnɛgi núngo yaà. A Zyezu wi yɛ́ɛgi yìrige ǹjoʔo ma níì jo: «Mii Tóow, mii i bariga kaangi mɔ ma àmɛɛ mɔ mii nyɛ́ɛrigi lóʔo lè.

Zyan 15:15

Mii a ní da yele yiri pulobèlē í, níì cán gee puloo kàfɔlɔ kpéʔele lè, púlow o gi cángi í. Kérigèle gele myɛ si mii lóʔo mii Tóow ma lè, mii n gele bee tɛ̀ɛn yele na, koro na mii yele yiri mii tàannyɛ̀nnɛ.

Tɛ̀ɛnnɛ 1:1

Cɛɛri ga pye kérigèle ke a ba kpéʔele lè, Kolocɔlɔɔ maa ge tɛ̀ɛn Zyezu Kirisi na, níì jo wi ba ge tɛ̀ɛn wi púlobèle na, wi maa wi nyɛ̀ʔɛni tunduɔn tun wi púlow Zyan ma jàngó wi sa ge fílige tɛ̀ɛn wi na,

Tɛ̀ɛnnɛ 5:5

A wolɛɛbèle bee wàa mii pye: «Mɔ a kɔ́ ra nyaan í. Wéle, càarawee wi yiri lè Zyuda narigi ni, wi lè Davidi yòdaʔaga, wee bee n fànʔa taa bi gbǎn fɛ̀ɛ́bèle kɔrɔsiin kabagi si sɛ́bɛw múgu.»