Danyɛli 2:22 - Cebaara Bible 2010

²² Woro wi kérigèle tèé, gele ge cùru, níì làra lè. Woro wee wi yébilimi kèlē cán lè, á gbɛ̀ɛ́nmi pínɛ n tɛ́ɛn ní wi ní.

Danyɛli 2:22 Iomraidhean Croise

Sélimɛ 41:16

A Zyozɛfu Faraɔnw yari: «Mii ban í. Kolocɔlɔɔ wi a gbǎn syɛɛnlurugori kaan mɔ ma, Faraɔn, dee di nyɔɔ lè.»

Zyɔbi 12:22

Wi i yébilimi kalaragēle múru ni yaari, wi i kùúw nyínmɛ yirigi gbɛ̀ɛ́nmi na.

Zyɔbi 26:6

Kúbèle tɛɛkòrogo i nyɛ womúguyaʔaga ní wi yɛʔɛ̀ ma, yatɔngɔ o nyɛ kálagili wéʔe na í.

Ŋúnuyi 104:2

Mɔ n miyɛɛ mígi ní gbɛ̀ɛ́nmi ní àmɛɛ burogbɔʔɔ nyɛ lè. Mɔ n nyɛ̀ʔɛni cariga àmɛɛ fànikpaʔa nyɛ lè.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Ŋúnuyi 36:9

Mɔ kpáagi fúngo yacanra i be tíngi, mɔ si i be kaangi pe i gbo mɔ kanidaangèle lòcoologo na.

Syɛɛnjóow 8:1

Wìí wi nyɛ àmɛɛ síciliw nyɛ lè? Wìí wi kérigèle kɔ́rɔ tɛ̀ɛnnɛ cán? Syɔɔn sícilimi i nìjanra taari wi yɛ́ɛgi na, wi yɛ́ɛgi tanʔana n si fàli.

Ezayi 41:22

Ki n yɛlɛ pe nùuni naa, pe ba gi fílige be joo be tɛ̀ɛn wolo na, gee gi maa ba kpéʔele lè. Kérigèle ge sɔ̀lɔ booma ni lè, mɛ̀ɛ́ ke da pye? Ye ge joo wolo ma koro ga pye wolo í sɔ̀ngi ge kéeli na, bi gi cán àmɛɛ ke da pye lè. Wàlá gee gi maa lè, ye gi joo ye tɛ̀ɛn wolo na.

Ezayi 41:26

Wìí wi gi joo ki sélimi na yaà, jàngó wolo i gi cán, ní nlaa yaà booma ni, jàngó wo jo: ‹Ki n sín?› Kàjáa wàa faala o gi nyuu ni tèé í, wàa faala o gi jáari í, syɔɔn faala o yele syɛ́ɛnri lúro í.

Ezayi 42:9

Wéle, booma kérigèle n kpéʔele n foro n kwɔ́ɔ, mii si ní i wovɔngèlē kéele nyuu yele ma. Mii n gi yaʔa yele í ge kéeli cán sáni ke kɔ́ ba folo bi yiri lè.»

Ezayi 45:7

Mii i gbɛ̀ɛ́nmi sámagi, ní wɔ́ɔ i yébilimi kpéʔele, mii i bɛ̀ɛ́li légi, ní wɔ́ɔ i wɔʔɔgi kpéʔele. Mii Yawe, mii wi koro myɛ kpéʔele.

Zyeremii 23:24

A wàa a gbǎn làra lé tɛɛlàraga ni mii si kòro wi sìnnyaa ni?» Yawe wi jo nya. «A mii i nyɛ lé mii ga nyɛ̀ʔɛgèle ní tári nyìn í?» Yawe wi jo nya.

Zyeremii 33:3

‹Mii mɛ́ɛgi yeri, mii a syɔɔ mɔ ma, mii a yakpoloyo kéele joo mɔ ma, yee yi làra lè, yee yi lè mɔ da yi cán í.›

Danyɛli 2:11

Yárigee fànʔafɔw caa lè, ki n gbàn dɛ, syɔɔn faala o beè wee wi a gbǎn gi joo fànʔafɔw ma lè í, kapye kolocɔlɔbèle ban í, poro bele tɛɛkòrogo gi lè ki o nyɛ syɔɔn ye níngi ni í.»

Danyɛli 2:19

Lǎli bee ni a kalarali tɛ̀ɛn Danyɛli na yanyaʔa ni yébiligi ni. A Danyɛli si nyɛ̀ʔɛgèle Kolocɔlɔɔ kpɔ̀ʔɔrɔ.

Danyɛli 2:47

A fànʔafɔw gi joo Danyɛli ma níì wi pye: «Kányɛʔɛ na yele Kolocɔlɔw tɔ̀nɔ́ wi nyɛ kolocɔlɔbèle Kolocɔlɔɔ, ní fànʔafɔbèle Kàfɔlɔ, ní kalaragèle tɛ̀ɛnfɔlɔ. Níì cán mɔ n gbàn n kalarali naa tɛ̀ɛn.»

Danyɛli 5:11

Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Danyɛli 5:14

Mii n mɔ kéeli lóʔo a gi jo kolocɔlɔbèle pìle i nyɛ mɔ ni, ncan gbɛ̀ɛ́nmi, ní cánni, ní bìngaara sícilimɛ i nyɛ mɔ ma.

Matye 13:13

Koro na mii nyuu be ma kàseegèle ni, níì cán pe i nyaagi pe si o nyaagi cama í, pe i lúro pe si o lúro cama í, pe si wɔ́ɔ o gi kɔ́rɔw cángi í.

Zyan 1:9

Gbɛ̀ɛ́nmi wodelemɛ bi pye, bee bi pan lè dulunyanw ni, ní i nyín syɛ́ɛnbèle myɛ ma.

Zyan 21:17

A wi níì wi yíbe tɔdaanri wógi na níì jo: «Siimɔn, mɔ wi lè Zyan jáaw, a mii kéeli mɔ dɛ́nɛ lé?» A gi pye Pyɛri ma funbɛɛnrɛ àmɛɛ Zyezu wi yíbe lè tɔdaanri wógi na níì jo: «A mii kéeli mɔ dɛ́nɛ lé?» A wi Zyezu yari: «Kàfɔw, mɔ n kérigèle myɛ cán. Mɔ n gi cán ncan mɔ kéeli n mii dɛ́nɛ.» A Zyezu wi pye: «Maa mii bǎbèle kaangi paa líi.

Zyan 8:12

Lǎli bee ni a Zyezu níì séli ni nyuu ní syɛ́ɛnbèle ní níì jo: «Mii wi nyɛ dulunyanw gbɛ̀ɛnmɛ. Syɔ́ɔnwee wi ga taʔa mii na lè, wee bee a tée tánʔa yébilimɛ ni í, níì cán wi a sìíw gbɛ̀ɛnmɛ taa.»

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

Efɛzi ye 3:5

Kolocɔlɔɔ da li tɛ̀ɛn booma syɛ́ɛnbèle na í, àmɛɛ wi baa li tɛ̀ɛn lè wi pìitunjanbèle, ní wi kanyaajoobèle na tɔ́ɔliw ni Pìicǎnni báriga ni lè í,

Làlwaw Kaanziin 29:28

Kalaragèle i nyɛ Yawe wolo Kolocɔlɔw wòʔolo, kérigèle ge tɛ̀ɛn lè, koro si i nyɛ wolo ní wolo jáabèle wòʔolo làla o làla kwɔ́ɔmɔ fun, jàngó gee myɛ làlwaw naa joo lè wolo í da koro kpéʔele.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

Heburubèle 4:13

Kolocɔlɔɔ yakpéʔelegaa faala a gbǎn làra wi na í, ti myɛ i nyɛ yatɔngɔ fun, ní wɔ́ɔ i nyɛ tɛɛlaraga fun wi yɛʔɛ̀ ma, woro wee má wolo yɛlɛ bàā wolo kérigèle fíligi da nyuu lè.

Zyaki 1:17

ki n yɛlɛ ye gi cán yakaanree myɛ di nyɛ lè wojanra ní, ní kpɔ́ʔɔree di nyɔɔ n foro lè, toro myɛ i yìrigí Kolocɔlɔɔ ma, woro wee wi gbɛ̀ɛ́nmi yárira myɛ kpéʔele lè, ti lè nyɛ̀ʔɛni na, woro wee wi wɔ́ɔ̄ nyɛ lè wi o fɛ̀ɛ́ í, wi si wɔ́ɔ o kàragí àmɛɛ nyínmi nyɛ lè í.

1 Zyan 1:5

Syɛ́ɛnree wolo da lóʔo wi ma lè bi joo yele ma, toro di nyɛ dee naa, ti n jo: Kolocɔlɔɔ i nyɛ gbɛ̀ɛnmɛ, yébilimɛ o nyɛ wi ni nyáana í.