Danyɛli 2:21 - Cebaara Bible 2010

²¹ Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 2:21 Iomraidhean Croise

1 Fànʔafɔbèle 10:24

Sícilimi Kolocɔlɔɔ da le Salomɔn fúngi ni lè, syɛ́ɛnbèle maa ni caa bi wi nyaa si wi sícilimi syɛ́ɛnrɛ lóʔo.

1 Fànʔafɔbèle 3:28

Kútiiw fànʔafɔw ceri lè, a Isirayɛli ye myɛw wi kéeli lóʔo, a be i fɛ̀ɛgí fànʔafɔw na, níì cán pe n gi nyaa Kolocɔlɔɔ sícilimi i nyɛ wi ma bàā kútiiw kèlē cɔɔnri kányɛɛgi na.

1 Cányi kèlē 22:12

Ki n yɛlɛ Yawe í cánna ní sícilimɛ kaan mɔ ma bi gi yaʔa mɔ í gbǎn ba ra Isirayɛli ye kàragí bi yɛlɛ ní Yawe mɔ Kolocɔlɔw làlwa ní.

1 Cányi kèlē 29:30

ní wi fǎngi myɛ, ní wi séew myɛ, ní gee gi kpéʔele wi lǎli ni lè, Isirayɛli ni yoo, tátɛɛyee wozanya fànya myɛ ni yoo.

Ɛsitɛri 1:13

A fànʔafɔw sícilibèle nyaa n joo, poro bele be làrigèle cán lè, níì cán kánmi bee na fǎngi kèlē da ni sɔ̀lɔ́ bele má làlwaw kèlē, ní kútiiw kèlē cánna nyɛ lè, pe da ni kòró wi taana lè,

Zyɔbi 12:18

Wi i fànʔafɔbèle fànya sánʔana be na, ní i mɛnɛyɛ téeri ni be pwoo sárigèle ni.

Yirile 31:3

Mii n wi nyìn Kolocɔlɔɔ pǐli na, n sícilimɛ, ní cánna ní yákirii kaan wi ma, koro ga pye wi fáliw féleye myɛ pyeganma cán.

Yirile 31:6

Wéle, mii n wɔ́ɔ̀ Ahisamaki jáaw Oholiyabi fàra wi na wi pye wi dɛ̀ɛmɛfɔlɔ, Oholiyabi wi lè Dan syɛɛnfelegi wówaa. Mii n sícilimɛ le fáliw kacanbèlē myɛ fúnyo ni, koro ga pye gee myɛ mii jo n gbàn mɔ ma lè pe gi kpéʔele.

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 10:1

Pɛrisi fànʔafɔw Sirusi fǎngi yɛɛdaanri wólo na, a syɛɛnraa tɛ̀ɛn Danyɛli na, pe wɔ́ɔ̄ yiri lè Bɛlitisyasari. Syɛ́ɛnri bee i nyɛ kányɛʔɛ, ti i kapɛɛnkpɔɔlɔ kéele nyuu. A wi syɛ́ɛnri bee cò, níì yanyaagi kɔ́rɔ cán.

Danyɛli 11:6

Yɛ́ɛgèle kèle ga kwɔ́ɔ, pe a pwɔɔ peyɛɛ na, wòrogulo kàbangi fànʔafɔlɔ calipile a kári solomɔkulo kàbangi fànʔafɔlɔ ma, koro ga pye pe sa bɛ̀ɛ nibin na. Kàjáa li kɔ́gi fànʔa a kwɔ́ɔ, woro si a gbǎn sa kòro woyéreo ní í, wi kɔ́gi fànʔa a kwɔ́ɔ. Li a le kɔyɔ ni, ní bele ní be kári ní li ní lè, loro ní li tóow ní n fàra wee wi li dɛ̀ɛmɛ́ lè lǎli bee ni.

Danyɛli 2:20

Danyɛli n syɛ́ɛnri láa n gi joo níì jo: «Kolocɔlɔɔ mɛ́ɛgi n yɛlɛ bàā kpɔ̀ʔɔrɔ́ làla o làla kwɔ́ɔmɔ fun! Níì cán woro má sícilimi ní fǎngi nyɛ.

Danyɛli 2:23

Mii tóobèle Kolocɔlɔɔ, mɔ má mii bariga kaangi, ní i mɔ sòoló sícilimi, ní fǎngi kéele na mɔ kaan mii ma lè, yárigee wolo nyɛ́ɛri mɔ ma lè, mɔ n gi tɛ̀ɛn mii na, gee gi nyɛ lè fànʔafɔw kéele, mɔ n li tɛ̀ɛn wolo na!»

Danyɛli 2:9

Yele si ga tɔ̀nɔ n pye yele ga ŋúnɔgi joo mii ma í, kútiinijanw wi a ceri yele na. Yele n sámaga n yaʔa bi jànvaa ní námara syɛ́ɛnraa tímana bi joo mii ma, si sige bi taa làrigèle í ba kàri nya. Koro na ki n yɛlɛ ye ŋúnɔgi joo mii ma, koro ga pye mii a gi cán yele fánʔa i nyɛ bi gbǎn gi kɔ́rɔw joo mii ma.»

Danyɛli 4:14

Kajoo-mí-cerili naa i nyɛ nyɛ̀ʔɛni tundunbéle wólo koro ga pye niweebèle í gi cán wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ kùndigi, wi i gi kaangi ni yɛlɛgi ní wi nyɛnɛ kéeli ní, wi i nǎnbèle myɛ kàdotɔɔn télegi gi na.

Danyɛli 4:17

Tíigi mɔ nyaa lè a gi kpɔ́ʔɔ níì nìri, koro gee fínaʔa gi nan lè fwɔɔ nyɛ̀ʔɛni na, ki si i nyaagi tári myɛ ni,

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Danyɛli 4:32

Tári syɛ̀ɛnnɛ myɛ o córo yarigaa wi ma í. Gee ki wi dɛ́nɛ lè koro wi kpéʔele nyɛ̀ʔɛni sùlasiibéle na, ní tári syɛ̀ɛnnɛ na, syɔɔn faala si o beè, wee wi a gbǎn yére wi kɔ́gi sige lè í si wi pye: «Nyàʔá mɔ kpéʔele?»

Danyɛli 7:25

Wee wi nyɛ Pe Myɛ Nyúngo na lè, wi a ra syɛɛnpeeri nyuu woro na, wee wi nyɛ Pe Myɛ Nyúngo na lè wi a ra woro wojanbèle wɔʔɔ gbanʔama, wi a ra caa bi làrigèle ní làlwaw kàriga, wojanbèle a le wi kɔ́yi ni bi taa làla nibin ní làrigèle kèle, ní làlaa tíla í ba kwɔ́ɔ.

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Wɔrɔmi ye 13:1

Ki n yɛlɛ syɔɔn o syɔɔn í da lúro fànʔafɔbèle ma pe lè wo nyúngi na. Níì cán fàngaa faala o beè gee gi lè ki ga yìri Kolocɔlɔɔ ma í, fǎnyi yi nyɛ lè beè, Kolocɔlɔɔ wi yi télege.

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

Zyaki 1:17

ki n yɛlɛ ye gi cán yakaanree myɛ di nyɛ lè wojanra ní, ní kpɔ́ʔɔree di nyɔɔ n foro lè, toro myɛ i yìrigí Kolocɔlɔɔ ma, woro wee wi gbɛ̀ɛ́nmi yárira myɛ kpéʔele lè, ti lè nyɛ̀ʔɛni na, woro wee wi wɔ́ɔ̄ nyɛ lè wi o fɛ̀ɛ́ í, wi si wɔ́ɔ o kàragí àmɛɛ nyínmi nyɛ lè í.

Zyaki 1:5

Kapye sícilimɛ n fɔ̀n yele wàa ma, ki n yɛlɛ wi bi nyɛ́ɛri Kolocɔlɔɔ ma, wi a bi kaan wi ma, níì cán woro wi syɛ́ɛnbèle myɛ kaangi saʔa, wi si o fúlo wi nyɛ́ɛrifɔbèle na í.

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.