Danyɛli 2:14 - Cebaara Bible 2010

¹⁴ Lǎli bee ni a Danyɛli joo ní fànʔafɔw gáridibéle kundigi Ariyɔki ní sícilimɛ, ní yákirii ni, woro wee wi da yiri bi Babilɔni sícilibèle kpóo lè.

Danyɛli 2:14 Iomraidhean Croise

Sélimɛ 37:36

A Madyan ye sáà Zyozɛfu pára Ezyipiti tári ni Faraɔnw syɛɛnkpɔɔwaa ma pe yiri lè Potifari wi pye lè Faraɔnw gáridibéle kundigi.

Zyeremii 39:9

Gee si gi syɛɛnsanbèle kéele kwɔ́ɔ, poro bele pe da kòro kěgi ni lè, ní bele pe da peyɛɛ gaan wi ma lè, ní fáliw kacanzanbèlē pe da kòro lè, Nebuzaradan wi lè gáridibèle kùndigi, a woro poro cò n kári.

Zyeremii 52:12

Yɛ́ɛli yeye kagunɔ wóʔo, ki canya kɛɛ wógi na, koro n pye Babilɔni fànʔafɔw Nebukadinezari fǎngi yɛ̀ʔɛlɛ kɛɛ ní kpanjɛrɛ wólo, Nebuzaradan wi pye lè gáridibèle kùndigi, ní i nyɛ Babilɔni fànʔafɔw fáli ni, a woro pan Zyerusalɛmi ma.

Zyeremii 52:14

Kalide ye kapɛɛnkpumɔnbèle myɛ pe da pye ní gáridibèle kùndigi ní lè, a poro tǒw myɛ cáan, wee wi da Zyerusalɛmi màʔa lè.

Danyɛli 2:15

Wi n fànʔafɔw sùlasiibéle kafɔlɔ Ariyɔki pye: Nyàʔá na fànʔafɔw wi kajoo-mí-cerili kéele wáriga nya? A Ariyɔki kéeli bee joo n tɛ̀ɛn Danyɛli na.

Danyɛli 2:24

Koro kàdoʔo ma a Danyɛli kári Ariyɔki ma, woro wee má fànʔafɔw da gi joo n gbàn lè níì jo wi Babilɔni sícilibèle kpóo. A wi kári wee bee ma, ní sáà gi joo wi ma kánmi naa na níì jo: «Mɔ a kɔ́ Babilɔni sícilibèle kpóo í. Kári ní mii ní fànʔafɔw yɛ́ʔɛ ma, mii a sa ŋúnɔgi kɔ́rɔ joo fànʔafɔw ma.»