Danyɛli 2:12 - Cebaara Bible 2010

¹² A gee bee gi kaan a fànʔafɔw fúngo tanʔa, a wi fúngi tɔ̀nɔ n yìri gbanʔama, a wi gi joo n gbàn níì jo be Babilɔni sícilibèle myɛ kpóo.

Danyɛli 2:12 Iomraidhean Croise

Zyɔbi 5:2

Kányɛʔɛ na fundanʔagbɔɔri i nidoligo kúu, nyabɛɛnni si i kanaa-sìnjáɔn kúu.

Ŋúnuyi 76:10

lǎli ni Kolocɔlɔɔ yìri bi kútiisinw ceri lè, si tári màabyebèlē myɛ syɔɔ. Ŋɔ́ndaala

Kàseegèle 16:14

Fànʔafɔw fundanʔagbɔɔrɔ i nyɛ kùúw tundunwaa, kàjáa syɔ́ɔnwee wi nyɛ lè sícilio woro a gbǎn gi télege.

Kàseegèle 19:12

Fànʔafɔw fundanʔara i nyɛ àmɛɛ càaraɔ kaanana nyɛ lè, wi funjǎngi si i nyɛ àmɛɛ kásaga nyɛ lè nyàā na.

Kàseegèle 20:2

Fànʔafɔw fundanʔara i nyɛ àmɛɛ càaraɔ kaanana nyɛ lè. Wee wi ga wi fúngi tanʔa lè, wee bee n kapeele pye wiyɛɛ na.

Kàseegèle 29:22

Fundanʔa-dànʔafɔlɔ i kàsii yìrigí, syɔ́ɔnwee fúngo gi yìrimɛ dɛ́nɛ lè, wi i kapeeye saʔa kpéʔele.

Danyɛli 2:24

Koro kàdoʔo ma a Danyɛli kári Ariyɔki ma, woro wee má fànʔafɔw da gi joo n gbàn lè níì jo wi Babilɔni sícilibèle kpóo. A wi kári wee bee ma, ní sáà gi joo wi ma kánmi naa na níì jo: «Mɔ a kɔ́ Babilɔni sícilibèle kpóo í. Kári ní mii ní fànʔafɔw yɛ́ʔɛ ma, mii a sa ŋúnɔgi kɔ́rɔ joo fànʔafɔw ma.»

Danyɛli 2:5

A fànʔafɔw níì syɛ́ɛnri láa n Kalide ye pye: «Wéle, gee mii kɔ̀rirɔ n tímana lè, yele ga pye yele ga ŋúnɔgi ní gi kɔ́rɔw tɛ̀ɛn mii na í, yele a tɔ̀nɔ́ cɔ̀nʔɔ wii, yele kpáayi si pye gurubɛɛtooro.

Danyɛli 3:13

Lǎli bee ni a Nebukadinezari fúngi tɔ̀nɔ n yìri gbanʔama, a wi fúngi tɔ̀nɔ n tanʔa, a wi gi joo n gbàn níì jo paa maa ní Syadiraki, ní Mesyaki, ní Abɛdi-Nego ní. A be pan ní nǎnbèle bee ní fànʔafɔw yɛ́ʔɛ ma.

Danyɛli 3:19

Lǎli bee ni a Nebukadinezari tɔ̀nɔ n nyìn fundanʔagbɔɔri na, a wi yɛ́ɛgi fàli Syadiraki, ní Mesyaki, ní Abɛdi-Nego ye yɛ́ʔɛ ma. A wi níì gi joo n gbàn níì jo, be fúruw wáriga ki tɛɛyɛ kɔrɔsiin bi sɔ̀lɔ wi wárigaganzelimi na.

Danyɛli 5:19

Kpɔʔɔgbɔɔri ti da kaan wi ma lè syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ maa ni fɛ̀ɛgí wi na, ní i cɛ̀lɛ́ wi yɛʔɛ̀ ma dee bee kéele na. Wi maa ni be kúu, bele wi caa bi kpóo lè, ní i be yaari sìi na, bele wi caa bi yaʔa lè, ní i be kpólogi, bele wi caa bi kpólo lè, ní i be cɛ́rɛgi, bele wi caa bi cɛ́rɛ lè.

Matye 2:16

A Herodi ga gi nyaa sícilibèle n woro fáana, a wi fúngi tɔ̀nɔ n tanʔa gbanʔama. A wi tun níì jo pe sa Bɛtilehɛmi kěgi nànbiigéle ní gi tɛ́nɛmi wòʔolo myɛ kpóo, gele ge nyɛ lè ke ga kɔ́ɔ̀ sɔ̀lɔ yɛ̀ʔɛlɛ siin-ziin na í, bi yɛlɛ ní lǎli ní lee wi sámaga n yíbe lè sícilibèle ma.

Matye 5:22

Mii si a gi joo yele ma, syɔ́ɔnwee faala ga wi fúngi tanʔa wi senyɛnnɛ kurugo lè, pe a gbǎn kútiiw kúun wee bee na. Wàa faala ga wɔ́ɔ̀ wi senyɛnnɛ pye: ‹Araka,› pe a gbǎn kútiikpɔɔw kúun wee bee na. Wàa ga gi joo wàa ma níì wi pye: ‹Nilabalaga gii mɔ,› pe a gbǎn wi wáa bànvigi náagi ni.