Danyɛli 2:11 - Cebaara Bible 2010

¹¹ Yárigee fànʔafɔw caa lè, ki n gbàn dɛ, syɔɔn faala o beè wee wi a gbǎn gi joo fànʔafɔw ma lè í, kapye kolocɔlɔbèle ban í, poro bele tɛɛkòrogo gi lè ki o nyɛ syɔɔn ye níngi ni í.»

Danyɛli 2:11 Iomraidhean Croise

Sélimɛ 41:39

A Faraɔnw gi joo Zyozɛfu ma níì wi pye: «Amɛɛ si Kolocɔlɔɔ gee bee myɛ tɛ̀ɛn mɔ na lè, syɔɔn faala ní o beè wee wi nyɛ lè kacaɔn, níì cìlige n mɔ kwɔ́ɔ í.

Sélimɛ 41:8

A nyǐngi ga sɔ̀li, a Faraɔnw fúngo tɔ̀nɔ n curugo. A wi be pye a be Ezyipiti cɛ́lɛfɔbèle myɛ ní Ezyipiti sícilibèle myɛ yeri. Ní baa wi ŋúnɔyi myɛ joo n tɛ̀ɛn be na. Kàjáa pe wàa faala ga gbàn n yi kɔ́rɔw joo wi ma í.

1 Fànʔafɔbèle 8:27

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

2 Cányi kèlē 6:18

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na ní syɔɔn ye ní? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

Ŋúnuyi 132:14

«Koro gi nyɛ mii ŋɔ́ndaali tɛ́ʔɛ làla o làla. Mii a tɛ́ɛn yaà, níì cán mii wi gi caa nya.

Ŋúnuyi 68:18

Kolocɔlɔɔ wòtorobèle i córo sirakamayɛ selebingéle kagunɔ kagunɔbèlē tɛ́ɛyɛ saʔa. Kàfɔw i nyɛ be níngi ni, Sinayii nyanbelegi i nyɛ tɛɛcǎngi ni.

Yirile 29:45

Mii a tɛ́ɛn Isirayɛli ye níngi ni bi pye be Kolocɔlɔw.

Yirile 8:19

Mii a wàlima kpéʔele mii syɛ́ɛnbèle ní mɔ wóbèle nínge ni. Fɛ̀ɛ́w bee a kpéʔele nyɛ̀ʔɛna.› »

Ezayi 47:12

Koro na, mi kòro maa mɔ cánni kapyere kpéʔele, ní mɔ dɛɛmi kapyenɛʔɛrɛ, dee na mɔ tée i nyɛ lè nlaa yaà mɔ cárimi làla ni. Dɔ̀ʔɔ́ mɔ a gbǎn tɔ̀nɔ taa di ni, dɔ̀ʔɔ́ mɔ a gbǎn ba pye fyáara yáriga.

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Ezayi 8:18

Mii wéle wee ní pìíbèle ní, bele Yawe kaan mii ma lè. Wolo i nyɛ fɛ̀ɛbēle ní sàmina yáriya Isirayɛli ni, Yawe mɛ́ɛgi na, woro wee wi lè Nyɛ̀ʔɛni Sùlasiibéle Kafɔlɔ, wi nyɛ lè wodɛ́ɛɔn ní Siyɔn nyanbelegi na.

Danyɛli 4:4

Lǎli bee ni a cɛ́lɛfɔbèle, ní kanyaabèle, ní Kalide ye, ní wélefɔbèle pan. A mii baa ŋúnɔgi joo be ma, kàjáa pe ga gi kɔ́rɔw joo mii ma í.

Danyɛli 5:11

Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Córolo 35:34

Yele a kɔ́ tári nɔ́nʔɔ dee ni yele a sa tɛ́ɛn lè í, toro dee ni mii a pye lè wodɛ́ɛɔn ní. Níì cán mii wi nyɛ Yawe, wee wi nyɛ lè wodɛ́ɛɔn ní Isirayɛli ye níngi ni.› »

Matye 19:26

A Zyezu i be wéle ní kɔ́ɔ̀ be pye: «Gee bee a gbǎn kpéʔele syɔɔn báriga ni í, kàjáa Kolocɔlɔɔ fánʔa i nyɛ kérigèle myɛ na.»

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 14:17

Dɛ̀ɛmɛfɔw bee wi nyɛ kányɛɛgi Pìle, lee li lè dulunyanw syɛ̀ɛnnɛ a gbǎn li taa í, níì cán pe o li nyaagi í, pe si ga wɔ́ɔ̀ li cán í. Yele si na, yele n li cán, níì cán li i nyɛ ní yele ní, li si a ba pye yele fúnyi ni.

Zyan 14:23

A Zyezu wi yari: «Syɔ́ɔnwee faala wi ga tàmaga le ní mii ní lè, wee bee a ra mii syɛ́ɛnri lúro, mii Tóow a wɔ́ɔ tàmaga le ní wee bee ní. Mii ní mii Tóow si a pan wee bee ma bi ba kòro ní wi ní.

2 Korɛnti ye 6:16

Mɛ̀ɛ́ Kolocɔlɔɔ kpɔ̀ʔɔrɔli kpaʔa ní yasunyi a gbǎn pínɛ bi sɛ́ɛ? Níì cán wolo i nyɛ Kolocɔlɔɔ woweew kpɔ̀ʔɔrɔlɔ kpaʔa, àmɛɛ Kolocɔlɔɔ gi joo lè níì jo: «Mii a tɛ́ɛn be níngi ni, sáā nyaari ní be ní. Mii a pye be Kolocɔlɔw, poro si pye mii syɛ́ɛnbèle.»

Tɛ̀ɛnnɛ 21:3

A mii yákpogbɔɔlɔ lóʔo fàngoli ni a li jo: «Wéle, Kolocɔlɔɔ tɛɛkòrogi i nyɛ syɛ́ɛnbèle nínge ni! Wi a kòro ní be ní, pe a pye wi syɛ́ɛnbèle, Kolocɔlɔɔ tiimaa a pye ní be ní, si pye be Kolocɔlɔw.