Danyɛli 12:9 - Cebaara Bible 2010

⁹ A wi mii yari: «Danyɛli, da syée, níì cán syɛ́ɛnri bee a kòro syɛɛnlarara, fɛ̀ɛ si taʔa di na, bi taa sa nan lǎli kwɔ́ɔmɔ na.

Danyɛli 12:9 Iomraidhean Croise

Ezayi 29:11

Gee naa myɛ yanyaʔa i nyɛ yele ma àmɛɛ sɛ́bɛ syɛ́ɛnrɛ nyɛ lè, wee na be fɛ̀ɛ taʔa lè n wi tɔ́n, wee be kaan syɔɔnwaa ma, wee wi gbàn sɛ́bɛw wélele na lè níì wi pye: «Dee naa wéle!» A wi jo: «Mii fánʔa a taa í, níì cán pe n fɛ̀ɛ taʔa wi na n wi tɔ́n.»

Ezayi 8:16

Séeraw bee kɔn, fɛ̀ɛ kpúmɔn yanyaagi bee na mii pìitamabèle nínge ni.

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 11:40

Lǎli kwɔ́ɔmɔ na, wòrogulo kàbangi fànʔafɔlɔ a kári sa too wi na. Solomɔkulo kàbangi fànʔafɔlɔ a fùuri sín wi na àmɛɛ káfalakpɔʔɔ nyɛ lè, ní wòtorobéle, ní syɔɔnfànbēle, ní bàtobéle saʔa ní. Wi a jée tátɛɛyaa ni, si kabi fala àmɛɛ lɔ̀ʔɔ gáà nyìn n kabi lè.

Danyɛli 12:4

Mɔ si na Danyɛli, syɛ́ɛnri bee kɔn, mí fɛ̀ɛ taʔa sɛ́bɛw na fwɔɔ bi taa làrigwɔɔli í ba nan. Syɛ̀ɛnnɛ saʔa a ra wi wéle, cánni si kpɔ́ʔɔ.»

Danyɛli 12:8

Mii n gi lóʔo, kàjáa mii ga gi kɔ́rɔw cán í. A mii jo: «Ni Kàfɔlɔ, nyàʔá ki a ba pye kérigèle bee kwɔ́ɔmɔ?»

Danyɛli 8:26

Cângwɔɔyi nyɔ́ɔ, ní nyǐnyi nyɔ́ɔ yanyaʔa kéele i nyɛ kányɛʔɛ. Kàjáa ki n yɛlɛ mɔ í yanyaagi bee kéele làriga, níì cán ki i nyɛ làridɔɔngéle kéele.»

Tɛ̀ɛnnɛ 10:4

A nyɛ̀ʔɛvōlogèle kɔrɔsiin ga tìn n kwɔ́ɔ, a mii jo bi di sɛ́bɛ, a mii yákpolo lóʔo nyɛ̀ʔɛni na, a li jo: «Nyɛ̀ʔɛvōlogèle syɛ́ɛnrɛ kɔn miyɛɛ fúngi ni, mɔ a kɔ́ di sɛ́bɛ í.»