Danyɛli 12:8 - Cebaara Bible 2010

⁸ Mii n gi lóʔo, kàjáa mii ga gi kɔ́rɔw cán í. A mii jo: «Ni Kàfɔlɔ, nyàʔá ki a ba pye kérigèle bee kwɔ́ɔmɔ?»

Danyɛli 12:8 Iomraidhean Croise

Kapyegèle 1:7

A wi be yari: «Yele má ban gi nyɛ yele í làrigèle cán í, gele Tofɔw kɔ̀rirɔ n tímana wi tiimaa séew báriga ni lè í.

1 Pyɛri 1:11

Kirisi Pǐli li da pye be fúnyi ni lè, lee bee maa téè séeraw kpéʔele booma ni Kirisi wɔʔɔli ní wi nìjangbɔɔri kéele na, dee ti a kɔ́ ba pye lè wi wɔʔɔli kàdoʔo ma, a pe i ŋàʔaná bi gi cán lǎlee ni ki a ba kpéʔele lè, ní kánmee na ki a wɔ́ɔ ba kpéʔele lè.

Zyan 12:16

Wi pìitamabèle si da kɔ́ɔ̀ gee bee kɔ́rɔ cán lǎli bee ni í. Kàjáa lǎli ni Kolocɔlɔɔ nìjangbɔɔri taʔa Zyezu na lè, a be náà sɔ̀ngi n taa gi na ncan ki maa sɛ́bɛ wi kéeli na, koro si syɛ́ɛnbèle wɔ́ɔ baa kpéʔele wi ma.

Luki 18:34

Kàjáa wi pìitamabèle ga kérigèle bee làa faala kɔ́rɔ cán í. Syɛ́ɛnri bee maa làra be na. Dee wi joo be ma lè, pe da di kɔ́rɔw cán í.

Danyɛli 12:6

A poro wàa gi joo nǎnwee ma wi da lɛn fàniw búrogo le lè ní i nyɛ cábigi lɔ̀ʔɔ ǹjoʔo ni, níì wi pye: «Làlìí ni kakpoloyi bee a ba kwɔ́ɔ?»

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 8:13

A mii wojanwaa joomɔ lóʔo, á wojanwaa nikwɔɔ gi joo wee má wi da ni nyuu lè níì jo: «Làla jòorí yanyaagi a kwɔ́ɔ, gee gi nyɛ lè canʔa o canʔa sárigaw kéele na, ní gàlagí kapeegi kéele na, ní tɛɛcǎngi, ní sùlasiibèle kéele na be tánʔana lè?»

Danyɛli 12:7

A mii nǎnw joomɔ lóʔo, wee wi da lɛn fàniw búrogo le lè, níì pye cábigi lɔ̀ʔɔ ǹjoʔo ni, wi maa wi kàliige kɔ́gi ní wi kàmɔnɔ kɔ́gi yìrige n wáa nyɛ̀ʔɛgèle ma, níì kàli wee na wi nyɛ lè sìi na làla o làla kwɔ́ɔmɔ fun, níì jo kérigèle bee a pye làlaa, ní làrigèle, ní làlaa tíla ni, ní lǎli ni syɛɛnfelegi wojanga fanʔa ga baa kwɔ́ɔ lè péw, kérigèle bee myɛ a kpéʔele foro.

Danyɛli 12:9

A wi mii yari: «Danyɛli, da syée, níì cán syɛ́ɛnri bee a kòro syɛɛnlarara, fɛ̀ɛ si taʔa di na, bi taa sa nan lǎli kwɔ́ɔmɔ na.