Danyɛli 12:4 - Cebaara Bible 2010

⁴ Mɔ si na Danyɛli, syɛ́ɛnri bee kɔn, mí fɛ̀ɛ taʔa sɛ́bɛw na fwɔɔ bi taa làrigwɔɔli í ba nan. Syɛ̀ɛnnɛ saʔa a ra wi wéle, cánni si kpɔ́ʔɔ.»

Danyɛli 12:4 Iomraidhean Croise

Ezayi 11:9

Yarigaa faala a ra kapeʔe wàlá kálagila kpéʔele mii nyanbejǎngi tɛ́ɛgaa faala ni í. Níì cán Yawe cánni a tári nyìn, àmɛɛ lǒgi sólomi lɔ̀ʔɔ fúngo nyìn lè.

Ezayi 29:11

Gee naa myɛ yanyaʔa i nyɛ yele ma àmɛɛ sɛ́bɛ syɛ́ɛnrɛ nyɛ lè, wee na be fɛ̀ɛ taʔa lè n wi tɔ́n, wee be kaan syɔɔnwaa ma, wee wi gbàn sɛ́bɛw wélele na lè níì wi pye: «Dee naa wéle!» A wi jo: «Mii fánʔa a taa í, níì cán pe n fɛ̀ɛ taʔa wi na n wi tɔ́n.»

Ezayi 30:26

Cángee na Yawe ga ni wi syɛ́ɛnbèle kpàliya sámagi lè, ní i kpumɔnnamiyi poori, yee yi kúun be na lè, cángi bee na yégi gbɛ̀ɛnmɛ a pye àmɛɛ cángi wómɔ nyɛ lè, cángi gbɛ̀ɛnmɛ si kpɔ́ʔɔ ki tɛɛyɛ kɔrɔsiin, àmɛɛ canya kɔrɔsiin gbɛɛnmɛ nyɛ lè.

Ezayi 32:3

Lǎli bee ni bele be nyaagi lè pe nyapiigèle a ní tɔ́n í, lóʔofɔbèle a be líiweegèle sámaga cáan.

Ezayi 8:16

Séeraw bee kɔn, fɛ̀ɛ kpúmɔn yanyaagi bee na mii pìitamabèle nínge ni.

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Danyɛli 10:1

Pɛrisi fànʔafɔw Sirusi fǎngi yɛɛdaanri wólo na, a syɛɛnraa tɛ̀ɛn Danyɛli na, pe wɔ́ɔ̄ yiri lè Bɛlitisyasari. Syɛ́ɛnri bee i nyɛ kányɛʔɛ, ti i kapɛɛnkpɔɔlɔ kéele nyuu. A wi syɛ́ɛnri bee cò, níì yanyaagi kɔ́rɔ cán.

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 10:21

Kàjáa, gee gi sɛ́bɛ kányɛɛgi sɛ́bɛ ni lè, mii i caa bi gi joo tɛ̀ɛn mɔ na. Wàa faala o mii dɛ̀ɛmɛ́ kapɛɛnni kpúmɔnnɔ na ní be ní í, kapye yele kùndigiw Misyɛli ban í.

Danyɛli 11:33

Bele be keele cán lè syɛ́ɛnbèle ni, poro a syɛɛnnɛʔɛmɛ tama. Pe si a kpírige too bi làlaa kwɔ́ɔ, ŋɔséew, ní naanyǐngi, ní púlori, ní yafuguru-mí-láari báriga ni.

Danyɛli 11:40

Lǎli kwɔ́ɔmɔ na, wòrogulo kàbangi fànʔafɔlɔ a kári sa too wi na. Solomɔkulo kàbangi fànʔafɔlɔ a fùuri sín wi na àmɛɛ káfalakpɔʔɔ nyɛ lè, ní wòtorobéle, ní syɔɔnfànbēle, ní bàtobéle saʔa ní. Wi a jée tátɛɛyaa ni, si kabi fala àmɛɛ lɔ̀ʔɔ gáà nyìn n kabi lè.

Danyɛli 12:13

Mɔ si na, da syée fwɔɔ mi sa nan gi kwɔ́ɔmi na. Mɔ a ŋɔ́n daa, si yìri bi yére mɔ kɔ́rigi láala kéele na cányi kwɔ́ɔmɔ na.»

Danyɛli 12:5

Mii Danyɛli, a mii i wéle, a mii níì nǎnbèle pèle siin nyaa woyérebéle ní, wàa n pye woyéreo ní cábigi jeligɔgee nyɔ́ɔ na, wee si i nyɛ gee nyɔ́ɔ na woyéreo ní.

Danyɛli 12:9

A wi mii yari: «Danyɛli, da syée, níì cán syɛ́ɛnri bee a kòro syɛɛnlarara, fɛ̀ɛ si taʔa di na, bi taa sa nan lǎli kwɔ́ɔmɔ na.

Danyɛli 8:17

Lǎli bee ni a wi fala ni maa tɛ́ɛgi ma, gee ni mii da pye lè. Wi ba ni nùuní lè, a fyáari mii cò, a mii too n yɛ́ɛgi cíbele tári na. A wi mii pye: «Mɔ, syɔɔn-pya, ki n yɛlɛ mi gi kɔ́rɔw cán, níì cán yanyaagi bee i nyɛ làrigwɔɔli wóʔo.»

Danyɛli 8:19

Níì jo: «Gee ki a ba pye fundanʔagbɔɔri kwɔ́ɔmɔ na lè mii a gi tɛ̀ɛn mɔ na, níì cán làlaa n tɛ́ʔɛ kwɔ́ɔmi kéele na.

Danyɛli 8:26

Cângwɔɔyi nyɔ́ɔ, ní nyǐnyi nyɔ́ɔ yanyaʔa kéele i nyɛ kányɛʔɛ. Kàjáa ki n yɛlɛ mɔ í yanyaagi bee kéele làriga, níì cán ki i nyɛ làridɔɔngéle kéele.»

Matye 24:14

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Wɔrɔmi ye 10:18

Kàjáa mii n jo, a gi i nyɛ lé pe ga di lóʔo wii í láà? Eʔe, koro ban í! «Níì cán kanyaajoobèle joomɔ n yiri n nan tári tɛ́ɛyɛ myɛ na. Pe syɛ́ɛnri n nan fwɔɔ dulunyanw láʔagéle na.»

Tɛ̀ɛnnɛ 10:4

A nyɛ̀ʔɛvōlogèle kɔrɔsiin ga tìn n kwɔ́ɔ, a mii jo bi di sɛ́bɛ, a mii yákpolo lóʔo nyɛ̀ʔɛni na, a li jo: «Nyɛ̀ʔɛvōlogèle syɛ́ɛnrɛ kɔn miyɛɛ fúngi ni, mɔ a kɔ́ di sɛ́bɛ í.»

Tɛ̀ɛnnɛ 22:10

A wi níì mii pye: «Mɔ a kɔ́ fɛ̀ɛ taʔa kanyaajoori naa sɛ́bɛ syɛ́ɛnrɛ na bi di làriga í, níì cán ti làrivoroli n nùuni.

Tɛ̀ɛnnɛ 5:1

Wee wi tɛ́ɛn lè fàngoli ni, a mii sɛ́bɛ nyaa wi kàliige kɔ́gi ni, pe maa sɛ́bɛ fúngi ni ní kàdogi myɛ na níì wi tɔ́n ní fɛ̀ɛbēle kɔrɔsiin ní.