Danyɛli 12:3 - Cebaara Bible 2010

³ Bele pe ga pye lè keele cánvɔɔlɔ, poro a ba ra daragi àmɛɛ nyɛ̀ʔɛni nìjanra darigala nyɛ lè, ní bele pe ga syɛɛnnɛʔɛmɛ tama sínni kólogo na lè, poro a pye àmɛɛ ŋɔripiigèle nyɛ lè làla o làla, kwɔ́ɔmɔ fun.

Danyɛli 12:3 Iomraidhean Croise

Yirile 34:35

Isirayɛli ye maa ni Mowizi yɛɛcɔɔli wéle, a be li nyaa a li i daragi. Mowizi si maa ni fàniw lúrugu ni tɔ́ngi wi yɛ́ɛgi na fwɔɔ bi taa sa nan lǎli na, lee ni wi ga ni jà lúru jée bi joo ní Yawe ní lè.

Kàseegèle 11:30

Syɛɛnsinw yasanga i nyɛ sìi tíige, síciliw si i fúnyi taagi ni có.

Kàseegèle 3:35

Sícilibèle lɛɛlɛ li nyɛ nìjanri, kàjáa faʔagbɔɔri di nyɛ nilabalabèle kɔ́rigɔ.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Syɛɛnjóow 12:9

Gee naa n yɛlɛ ki wɔ́ɔ taʔa yaà bi jo Kacánw n pye sícilio, ní wɔ́ɔ̀ kòro ni syɛ́ɛnbèle tama cánni na. Wi n sɔ̀ngi ní wɔ́ɔ̀ gi sámaga n sɛʔɛ níì kàseegéle saʔa caa n soʔolo soʔolo keyɛɛ na.

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Zyeremii 23:22

Pe ga maa pye mii nyaa-mí-jooli tɛ́ʔɛ ni, pe mǎà dée mii syɛ́ɛnri tɛ̀ɛn mii syɛ́ɛnbèle na pe di lóʔo, si gi kaan pe lúru be kobeegi kurugo, ní be péemi nàʔabeemɛ kurugo bi pan.»

Danyɛli 11:33

Bele be keele cán lè syɛ́ɛnbèle ni, poro a syɛɛnnɛʔɛmɛ tama. Pe si a kpírige too bi làlaa kwɔ́ɔ, ŋɔséew, ní naanyǐngi, ní púlori, ní yafuguru-mí-láari báriga ni.

Danyɛli 11:35

Pèle a kpírige too bele ni be keele cán lè, koro ga pye pe sámaga nyɔɔ, pe jée mùnu, be fílige, bi taa ba nan kwɔ́ɔmi làla na, níì cán làrigwɔɔli a nan í fwɔɔ bi taa lǎli í ba nan, lee li kɔ̀rirɔ n tɛ́ʔɛ lè.

Danyɛli 12:10

Syɛ̀ɛnnɛ saʔa a jée mùnu bi fílige, bi pye fɔɔnrɔ fun. Syɛɛnpeebèle sáā kapeeyi kpéʔele, syɛɛnpeebèle a tée keele kɔ́rɔ cán í. Kàjáa bele pe a cìlige lè, poro a keele kɔ́rɔ cán.

Matye 13:43

Lǎli bee ni syɛɛnsinbèle a ra daragi pe Tóow fànʔa ni àmɛɛ cángi daragi lè. Líiweele ga pye wee na lè, wi líiyi cáan waa lúro.

Matye 19:28

A Zyezu be pye: «Mii a gi joo yele ma kányɛʔɛ ni, yele bele ye taʔa mii na lè, Syɔɔn-pya ga baa tɛ́ɛn wi nìjangbɔɔri fàngolo na kúbèle cânnyán-yìrige na, yele a wɔ́ɔ tɛ́ɛn fàngorigèle kèle kɛɛ ní siin na bi Isirayɛli syɛɛnfeleyi kɛɛ ní siin kútii ceri.

Matye 24:45

«Wìí wi nyɛ falipyejǎnw níì cìlige, wee wi Kàfɔw a télege wi narigbaagi syɛ̀ɛnnɛ yɛ́ʔɛ na lè, jàngó waa be lìíli kaangi be ma li làrigaanni ni?

Zyan 4:36

Wee wi yaliiri lée lè, wee bee i wi sàraw taagi, ní i yaliiri lée ni kpóʔoro sìibangwɔɔw yɛ́ʔɛ na, koro ga pye yaliilùguw ní yaliilaaw, pe myɛ siinw í pye fundaanra na.

Zyan 5:35

Zyan maa pye fètinni, lee be le lè a li i nyín, a gi yele dɛ́nɛ lǎli bee ni, a yele làla cɛɛri kwɔ́ɔ fundaanra na wi gbɛ̀ɛ́nmi báriga ni.

Kapyegèle 13:1

Kanyaajoobéle ní tamafɔɔlɔ maa pye Antyɔsyi Egiliziw ni, pe i wàa yiri Barinabasi, ní i wee yiri Simeyɔn, ní wɔ́ɔ i wi yiri Nizyɛri, ní i wee yiri Lusyusi, woro maa pye Sirɛni ye wóo, ní i wee yiri Manayɛn, woro ní Herodi wi pye lè tári fɔ́lɔ, pe maa pínɛ n lɛɛ kpaanijanga ni, ní i wee yiri Sɔli.

1 Korɛnti ye 3:10

Mii i nyɛ àmɛɛ kpaafaan-sícilio nyɛ lè níì kpáagi kàpɔɔn le n yɛlɛ ní kpɔ́ʔɔri ní Kolocɔlɔɔ kaan mii ma lè, wàa nikwɔɔ si i faanri wi na. Kàjáa syɔɔn o syɔɔn n yɛlɛ waa kɔ̀rɔsíi àmɛɛ wi faanri lè wi na.

Efɛzi ye 4:11

Wi n pèle kaan poro í pye pìitunbéle, níì pèle kaan pe pye kanyaajoobéle, pèle si pye Syɛɛnjóocǎnri joofɔɔlɔ, pèle si pye bànaʔabēle ní tamafɔɔlɔ.

Heburubèle 5:12

Níì cán nlaa yaà làridɔɔnnɔ ni yele maa yɛlɛ bi dée pye tamafɔɔlɔ bi kwɔ́ɔ, kàjáa a yele náà séli n pye wàa í da yele tama Kolocɔlɔɔ syɛ́ɛnri tamazelile na, yele láa sèʔé i nyɛ yiremɛ na, yaliinirire na ban í.

2 Pyɛri 3:15

Ki n yɛlɛ yaa wolo Kàfɔw kpàracogo córo syɔɔli sábabu, àmɛɛ wolo senyɛn-nidaanmaw Pɔli da wɔ́ɔ̀ gi joo yele ma lè wi sɛ́bɛw ni n yɛlɛ ní sícilimi ní, bee Kolocɔlɔɔ kaan wi ma lè.

Tɛ̀ɛnnɛ 1:20

Ŋɔripiigèle kɔrɔsiin mɔ nyaa lè mii kàliige kɔ́gi ni, ní tɛ́ɛw fètindaʔagéle kɔrɔsiin ní, ke kalarali wéle lee, ŋɔripiigèle kɔrɔsiin i nyɛ Egilizibèle kɔrɔsiin tundunbéle, fètindaʔagèle kɔrɔsiin si i nyɛ Egilizibèle kɔrɔsiin.

Jàbɔbèle 5:31

Yawe, ki n yɛlɛ mɔ nigoobèle myɛ í ra kúu kánmi bee na. Bele si mɔ kéeli dɛ́nɛ lè, poro si pye àmɛɛ cángi nyɛ, lǎli ni ki ga yiri ni wáa ní gi fǎngi myɛ ní lè.» A tári pye yɛɛ̀nyinge na yɛ̀ʔɛlɛ togoye siin fúngo ni.