Danyɛli 12:2 - Cebaara Bible 2010

² Bele be ŋúnɔ lè támiigi ni, poro pèle saʔa a nyán, pe pèle a nyán sìibangwɔɔw kánma na, pèle si nyán faʔari, ní bàngwɔɔ fɛ̀ɛ́ri kánma na.

Danyɛli 12:2 Iomraidhean Croise

Kàseegèle 12:8

Pe i syɔɔn sòoló ni yɛlɛgi ní wi sɔ̀ngujǎnmi ní, wee fúngo si gi kolo lè, wi i nyɛ yafaʔala.

Ezayi 26:19

Ki n yɛlɛ mɔ kúbèle í lúru pye sìi na! Ki n yɛlɛ mii kúbèle í ní nyán yìri. Yele bele ye nyɛ wodɛ́ɛnbéle ní támiigi ni lè, ye nyán, yaa yákpogèle wáa fundaanri báriga ni. Níì cán mɔ kásagi i nyɛ gbɛ̀ɛnmɛ kásaga, tári a ní kúbèle lúrugo yirige naa.

Ezayi 66:24

Pe ga yiri lǎli ni lè pe a nǎnbèle kúcere nyaa, poro bele be mii cée lè. Níì cán pe fyɛ́ɛnri a kùu í, pe náagi si a wɔ́ɔ fígi bi nyaa í. Pe a pye syɛ́ɛnbèle myɛ yanibɛɛnmɛgɛ.»

Zyeremii 20:11

Kàjáa Yawe i nyɛ ní mii ní àmɛɛ fànnɛʔɛgɛ sanbali nyɛ lè. Koro na mii wɔʔɔfɔbèle a kpírige, pe a fànʔa taa í. Fɛ̀ɛrɛ a tɔ̀nɔ́ be taa àmɛɛ gi nyɛ lè be fanʔa ga taa í. Ki a pye bàngwɔɔ nyáʔamina, lee li lè syɔɔn a fɛ̀ʔɛ li na í.

Ezekyɛli 37:12

Koro na kérigèle nyaa mi joo! Mɔ a gi joo be ma si be pye: ‹Kàfɔw Yawe wi syɛ́ɛnri naa joo níì jo: Ee mii syɛ́ɛnbèle, wéle, mii wi yele nyányi múru wee, mii a yele yìrige bi yirige yele nyányi ni, mii a yele lúrugo tórigo Isirayɛli tásaligi ma.

Oze sɛ́bɛw 13:14

Mii a be syɔɔ yirige kúbèle tɛɛkòrogo kɔ́lɔ ni, mii a be syɔɔ kùúw ma. Ee kùu, sán mɔ káfalagi yáama nyɛ? Kúbèle tɛɛkòrogo, sán mɔ galagíw nyɛ? Funjǎngi i kiyɛɛ làragí mii na.

Matye 25:46

Bele bee myɛ a sa jée wɔʔɔli ni, lee li lè, li a kwɔ́ɔ bi nyaa í, syɛɛnsinbèle si sa jée sìibangwɔɔw ni.»

Kapyegèle 24:15

Mii n mii sɔ̀ngumi taʔa Kolocɔlɔɔ na, ní wɔ́ɔ̀ tága gi na ncan syɛɛnsinbèle ní syɛɛnnaa-sìnzinbèle a nyán yiri, gee poro tiimaa wɔ́ɔ i sige lè.

Kapyegèle 7:60

A wi kɔ́ɔ̀ kpùmɔnɔ níì yákpogbɔɔlɔ wáa níì jo: «Ni Kàfɔlɔ, ki ga yɛlɛ mɔ í kapeeli naa fwɔ́ɔlɔ tɔ́n be ma í.» A wi ga syɛ́ɛnri bee joo n kwɔ́ɔ, a wi fala n ŋúnɔ.

Wɔrɔmi ye 9:21

Cóofaanw ban wi nyɛ cóori nyúngo na ì? Yele ga gi cán wi a gbǎn cóoro láa bi lɔgbanra kodɔɔlɔ faan si ní tàa láa bi lɔdaanra wólo faan ì, kòdogèle bee myɛ siin si yiri cóonyín-níjanni ni ì?

1 Tesaloniki ye 4:14

Amɛɛ wolo tága lè gi na ncan Zyezu n kùu níì nyán, kánmi bee na wolo wɔ́ɔ̀ tága gi na ncan bele be nyɛ lè kùúw ŋúnɔmɔ na Zyezu ni, Kolocɔlɔɔ a wɔ́ɔ bele bee lúrugo yìrige ní wi ní.

Tɛ̀ɛnnɛ 20:12

Kúbèle be nyɛ lè wogbolobèle n fàra woyilibèle na, a mii bele bee nyaa woyérebéle ní fàngoli yɛ́ʔɛ ma. A fàngoli tɛ́ɛnfɔlɔ fala n sɛ́bɛbéle múgu, a wi níì sɛ́bɛwaa nikwɔɔ múgu, wee wi nyɛ lè sìíw sɛ́bɛ. A wi kúbèle kútii joo n yɛlɛ ní be kapyegèle ní, gele ge sɛ́bɛ lè sɛ́bɛbèle bee ni.