Danyɛli 12:1 - Cebaara Bible 2010

¹ «Lǎli bee ni Misyɛli a yìri, wi lè kùndigikpɔɔw bee, woro wee wi yére ni mɔ syɛ́ɛnbèle pìibēle dɛ̀ɛmɛ́ lè. Wɔʔɔgbɔʔɔ lala li a pye, gee gi lè ki felege da kɔ́ɔ̀ pye í nlaa syɛɛnfeleyi nyɛ beè lè fwɔɔ n taa n baa nan lǎli bee na. Lǎli bee ni mɔ syɛ́ɛnbèle bele mɛ́ɛyɛ yi a pye lè wozɛbɛyɛ ní sɛ́bɛw ni, poro a syɔɔ.

Danyɛli 12:1 Iomraidhean Croise

Ŋúnuyi 56:8

Pé zǐn syɔɔ lé sìnzinmi báriga ni? Ee Kolocɔlɔɔ, ki n yɛlɛ mɔ fundanʔaratɔw í syɛɛnfeleyi cáan tári na!

Ŋúnuyi 69:28

Kolomi bee taʔa be kolomi na, pe a kɔ́ lɛɛlɛ taa mɔ sínni ni í!

Ezayi 4:3

Bele pe ga kòro Siyɔn ni lè, n pye sìi na Zyerusalɛmi ni, pe a ra be yiri wojanbèle, poro bele myɛ mɛ́ɛyɛ yi a sɛ́bɛ sìíw kánma na lè Zyerusalɛmi ni.

Ezayi 9:7

Kàfɔw n syɛɛnrɛ joo n wáa Zyakɔbi na, ti n too Isirayɛli na.

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Zyeremii 30:7

Wɔʔɔlɔ! Níì cán cángi bee tɔ̀nɔ́ i nyɛ cângbɔʔɔ! Ki felege ga kɔ́ɔ̀ pye í. Fɔ̀rɔgɔ làla lii Zyakɔbi ma, kàjáa wi a yiri gi ni wozyɔɔɔ ní.

Ezekyɛli 13:9

Mii a mii kɔ́gi sánʔa kanyaajoobèle kánma na, poro bele yanyaaya yi nyɛ lè gbanzan, pe kanyaajoori si i nyɛ jànvaa. Pe lɛɛlɛ a pye mii syɛ́ɛnbèle gboolo ni í. Pe mɛ́ɛyi a sɛ́bɛ Isirayɛli kpáagi wòolo córomɔ sɛ́bɛ ni í. Pe a tée kári fwɔɔ bi sa nan Isirayɛli tásaligi na í. Yele a gi cán bi cán mii wi nyɛ Kàfɔw Yawe.

Ezekyɛli 34:24

Mii Yawe, mii wi a pye be Kolocɔlɔw, mii falipyew Davidi si pye fànʔafɔbili, pe níngi ni, mii Yawe wi jo nya.

Ezekyɛli 5:9

Mii si a gi kpéʔele mɔ na, mɔ yanɔnʔɔyi myɛ kéele na, gee gi lè mii da kɔ́ɔ̀ gi kpéʔele í, mii si a ní wɔ́ɔ gi felege kpéʔele í.

Danyɛli 10:13

Pɛrisi fǎngi kùndigi n mii yérige canya toko ní nibin fúngo ni. Kàjáa Misyɛli wi lè nyɛ̀ʔɛni tundunbéle kundigikpɔɔwaa, woro n pan n baa mii dɛ̀ɛmɛ, á mii kòro yaà Pɛrisi fànʔafɔbèle taana.

Danyɛli 10:21

Kàjáa, gee gi sɛ́bɛ kányɛɛgi sɛ́bɛ ni lè, mii i caa bi gi joo tɛ̀ɛn mɔ na. Wàa faala o mii dɛ̀ɛmɛ́ kapɛɛnni kpúmɔnnɔ na ní be ní í, kapye yele kùndigiw Misyɛli ban í.

Danyɛli 11:45

Wi a wi fànʔafɔ-gbaagi fànikpaaya kóri sólomi lòyo nínge ni, nìjanri nyanbejànga kàbaan na. Koro kàdoʔo ma wi a nan wi kwɔ́ɔmi na, syɔɔn faala a wi dɛ̀ɛmɛ í.

Danyɛli 7:10

Naà cábiga maa ni fóo ni yirigi wi yɛʔɛ̀ ma. Wi falipyebèle maa pye saala kagunɔbèlē saʔa, selebingéle kagunɔ kagunɔbèlē saʔa si i yèré wi yɛʔɛ̀ ma. A kútiijoobèle tɛ́ɛn, á sɛ́bɛbèle múgu.

Danyɛli 9:12

Syɛ́ɛnree wi da joo lè wolo, ní wolo kùndigibèle kánma na, poro bele be pye wolo nyúngi na lè, wi n di foro àmɛɛ wi wɔʔɔgbɔɔgi yaʔa a gi baa too wolo na, gee gi lè gi felege ga kɔ́ɔ̀ pye nyɛ̀ʔɛni láara woboo ni í n yɛlɛ ní gee ní gi kpéʔele Zyerusalɛmi na lè í.

Zyowɛli 2:2

Yébilige, ní yébiliwɔɔlɔ canʔa gii, fàfaanya ní nìgolowirige canʔa gii, ki i maa àmɛɛ nyǐnjerige nyɛ lè nyanbeleyi na. Syɛɛnfelegaa wéle, gee gi nɛʔɛ lè á gi fǎngi wɔ́ɔ̀ kpɔ́ʔɔ, gee gi lè ki felege da kɔ́ɔ̀ pye beè í, ki felege si a ní wɔ́ɔ pye nyáana yìrigèle gele ni ge maa lè í.

Malasyii 3:16

Lǎli bee ni bele be fɛ̀ɛgí Yawe na lè, a poro i nyuu ní peyɛɛ ní. A Yawe líiyi cáan n lóʔo be ma, a sɔ̀ngudaara sɛ́bɛ sɛ́bɛ wi yɛʔɛ̀ ma, jàngó bàā wi sɔ̀ngumi tìrigí bele kéele na be fɛ̀ɛgí Yawe na lè, ní i wi mɛ́ɛgi kpɔ́ʔɔgi.

Matye 24:21

Níì cán wɔʔɔgbɔʔɔ a ba pye lǎli bee ni, gee félege gi lè ki ga kɔ́ɔ̀ kpéʔele í nlaa yaà dulunyanw sélimɛ na n baa nan níjanʔa na, ki félegi si a ní wɔ́ɔ kpéʔele gee bee kàdoʔo ma í.

Mariki 13:19

Níì cán cányi bee a ba pye wɔʔɔgɔ canya, nlaa Kolocɔlɔɔ dulunyanw kpéʔele lè n baa nan níjanʔa na, wɔʔɔgi bee félege ga kɔ́ɔ̀ kpéʔele í, gi félegi si a ní wɔ́ɔ kpéʔele gee bee kàdoʔo ma í.

Luki 10:20

Koro ní ki myɛ ní ki ga yɛlɛ yele í da fundaanra kpéʔele àmɛɛ màdebèle lúro yele ma lè í, fwɔɔ yaa fundaanra kpéʔele àmɛɛ yele mɛ́ɛyi sɛ́bɛ lè nyɛ̀ʔɛni na.»

Wɔrɔmi ye 11:15

Níì cán àmɛɛ Kolocɔlɔɔ be yaʔa lè kɔlɔ̀ na, a gee bee pye sábabu, á dulunyanw syɛ̀ɛnnɛ baa bɛ̀ɛ ní woro ní, wi ga baa fɔ̀lɔ be na lǎlee ni lè, mɛ̀ɛ́ ki a pye be ma? Wi a be nyán yirige kúbèle nínge ni.

Wɔrɔmi ye 11:26

Kánmi bee na Isirayɛli ye myɛ a ba syɔɔ, àmɛɛ Kolocɔlɔɔ syɛɛnsɛbɛri gi joo lè níì jo: «Syɔɔfɔw a yìri Siyɔn ma, woro wi a ba Kolocɔlɔɔ yɛ́ʔɛnaa-sìnvyaari yirige Zyakɔbi yòdaʔayi fúnyo ni.

Efɛzi ye 1:21

Wi i nyɛ fǎnyi, ní séew, ní bárigaw, ní kùndigiri myɛ nyúngo na n fàra mɛ́ɛyi myɛ na be yiri lè dulunyanw naa ni, ní wee ní wi maa lè.

Filipikaʔa ye 4:3

Mii wɔ́ɔ i mɔ nyɛ́ɛri, mii falipyenyɛnw, mɔ wi lè tágala syɔ́ɔn, maa cébèle bee dɛ̀ɛmɛ́. Níì cán pe maa pínɛ ní mii ní Syɛɛnjóocǎnri kapɛɛnkpumɔnrɔ na, n fàra Kilema, ní mii falipyenyɛn-zanbèle na, bele mɛ́ɛyɛ yi sɛ́bɛ lè sìíw sɛ́bɛ ni.

Zyudi 1:9

Bi gi taa Misyɛli wi lè nyɛ̀ʔɛni tundungbɔɔɔ, lǎli ni wi da ni túngu lè ní Dàzɔɔnw ní, á be i kàbá Mowizi kúceri kéele na lè, wi da fɔ̀lɔ n wi tɛʔɛlɛ níì jo wi n kolo í, fwɔɔ a wi jo: «Ki n yɛlɛ Kàfɔw í fúlo mɔ na!»

Tɛ̀ɛnnɛ 1:5

Zyezu Kirisi í wɔ́ɔ di kaan yele ma, wi nyɛ lè séerafɔjǎnw, woro wee wi nyán n yiri kúbèle nínge ni lè wozeliw, ní wɔ́ɔ i nyɛ dulunyanw fànʔafɔɔlɔ Fanʔafɔlɔ! Woro wee wi tàmaga le ní wolo ní lè níì wolo kapeegèle yapwɔɔrɔ sánʔana wolo na wi sìsyaanw wolo báriga ni,

Tɛ̀ɛnnɛ 12:7

A kapɛɛnnɛ fala n yìri nyɛ̀ʔɛni ni. Misyɛli ní nyɛ̀ʔɛni tundunbéle be nyɛ ní wi ní lè, poro pe da ni kapɛɛnni kpúmɔn ní Yacobeegi ní. A yacobeegi ní gi tundunbèle wɔ́ɔ i li kpúmɔn ní be ní,

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»

Tɛ̀ɛnnɛ 20:12

Kúbèle be nyɛ lè wogbolobèle n fàra woyilibèle na, a mii bele bee nyaa woyérebéle ní fàngoli yɛ́ʔɛ ma. A fàngoli tɛ́ɛnfɔlɔ fala n sɛ́bɛbéle múgu, a wi níì sɛ́bɛwaa nikwɔɔ múgu, wee wi nyɛ lè sìíw sɛ́bɛ. A wi kúbèle kútii joo n yɛlɛ ní be kapyegèle ní, gele ge sɛ́bɛ lè sɛ́bɛbèle bee ni.

Tɛ̀ɛnnɛ 20:15

Syɔ́ɔnwee mɛ́ʔɛ ga pye ki ga nyaa wozɛbɛgɛ ní sìíw sɛ́bɛ ni lè í, pe n wee bee fɔ́lɔ wáa naakpɔɔgi ni.

Tɛ̀ɛnnɛ 3:5

Wee wi ga fànʔa taa lè, mii a buroviiye le wee bee na, mii a tée wi mɛ́ɛgi kurugo láʔa sìíw sɛ́bɛ ni nyáana í, mii si a gi joo mii Tóow ní wi nyɛ̀ʔɛni tundunbéle nyɛ́nɛ na si jo: Wi i nyɛ mii wóo.

Tɛ̀ɛnnɛ 7:14

A mii wi yari: «Mii Kàfɔw, mɔ n gi cán n sɔ̀lɔ mii na.» A wi mii yari: «Bele naa be yiri wɔʔɔgbɔɔgi ni níì pe búroyi jée n mùnu Bàpili sìsyaan ni, a yi fílige.