Danyɛli 11:5 - Cebaara Bible 2010

⁵ Wòrogulo kàbangi fànʔafɔlɔ fànʔa a ba kpɔ́ʔɔ. Wi kùndigiwaa fànʔa si a kpɔ́ʔɔ sɔ̀lɔ wi wógi na, wi a pye fǎngi na. Wi fǎngi a tɔ̀nɔ́ pye séekpɔɔɔ fanʔa.

Danyɛli 11:5 Iomraidhean Croise

Danyɛli 11:11

Wòrogulo kàbangi fànʔafɔlɔ fúngo a tanʔa gbanʔama, wi a yiri bi too solomɔkulo kàbangi fànʔafɔlɔ na, woro wee wi a syɛɛnnɛʔɛmɛ kpóʔoro lè, kàjáa solomɔkulo kàbangi syɛɛnnɛʔɛmɛ a le wi kɔ́yi ni.

Danyɛli 11:14

Lǎli bee ni syɛ̀ɛnnɛ saʔa a yìri wòrogulo kàbangi fànʔafɔlɔ kurugo, bele be nyɛ lè mɔ syɛ́ɛnbèle ni, syɛɛntanʔabèle, poro a yìri koro ga pye bi yanyaagi kéele foro, kàjáa pe a kpírige too.

Danyɛli 11:25

Wi a wi fǎngi kpɔ́ʔɔ, si wɔ́ɔ lòmaana le bi pye sùlasiinɛʔɛbéle nyúngo na bi kári wòrogulo kàbangi fànʔafɔlɔ kurugo. Wòrogulo kàbangi fànʔafɔlɔ si yìri bi kári kapɛɛnni séʔe ma ní sùlasiinɛʔɛbéle ní, bele sée wi kpɔ́ʔɔ lè, bi sa kapɛɛnni kpúmɔn. Kàjáa wi fanʔa a sa taa í, níì cán pe a námara kèlē caa bi tímana wi kánmi na.

Danyɛli 11:40

Lǎli kwɔ́ɔmɔ na, wòrogulo kàbangi fànʔafɔlɔ a kári sa too wi na. Solomɔkulo kàbangi fànʔafɔlɔ a fùuri sín wi na àmɛɛ káfalakpɔʔɔ nyɛ lè, ní wòtorobéle, ní syɔɔnfànbēle, ní bàtobéle saʔa ní. Wi a jée tátɛɛyaa ni, si kabi fala àmɛɛ lɔ̀ʔɔ gáà nyìn n kabi lè.

Zakarii 6:6

Syɔɔnwɔɔyee na wòtorowee pwɔɔ lè, yoro i yirigi ni syée solomɔkulo tári kàbaan na. Syɔɔnfiiyi si i yirigi yee bee kurugo, á tɛɛ̀nyɔngɔ-nyɔngɔyi wóyo si i yirigi ni syée wòrogulo kàbangi na.