Danyɛli 11:4 - Cebaara Bible 2010

⁴ Woro si ga baa yìri lǎlee ni lè, wi fǎngi a ba tɔ́nʔɔnɔ bi tíla nyɛ̀ʔɛni káfalaya sicɛrɛ kabanya myɛ na. Wi yòdaʔayi si a gi taa í, fǎngi bee si a ní pye àmɛɛ ki da séli pye lè í, níì cán ki a cɛnɛ bi tíla tíla pèle nikwɔɔlɔ na, pe lè pe o nyɛ wi wòolo í.

Danyɛli 11:4 Iomraidhean Croise

Ŋúnuyi 39:6

Wéle, mɔ n mii sìíw canya pye kadatɛɛ̀ kánma, mii sìíw canya kánma o nyɛ yafyɛn mɔ nyɛ́nɛ na í. Kányɛʔɛ na syɔɔn o syɔɔn wi yìri lè, wi i nyɛ nyɔɔ káfalaga yagana.

Syɛɛnjóow 4:8

Wéle, syɔɔnwaa i nyɛ wi nibin, wàa o wi siin wóo í, nànbile wàlá senyɛnnɛ o nyɛ wi ma í, láʔala si o nyɛ wi fáliw na í, àlí wi nyapiigèle o tíngi lɔ́ri na nyáana í. Wi si o wiyɛɛ yíbe í bi jo: Wìí ma mii báara, níì mii pǐli kún fundaanri na? Koro wɔ́ɔ i nyɛ gbanzan, ní kapeʔe.

Zyeremii 12:15

Lǎlee ni si mii ga be kíle n yirige yaà lè, mii a ní nyinimɛ taa be na, si ní be lúrugo be pan pe myɛ nibin nibin be kɔriyɔ ma, pe myɛ nibin nibin be tára ma.

Zyeremii 12:17

Kàjáa kapye pe o yafyɛn lúro í, mii a syɛɛnfelegi bee félege kɔ́n yirige yaà, mii a gi kpóo,» Yawe wi jo nya.

Zyeremii 18:7

Làlaa ni mii ga gi joo syɛɛnfelegaa, wàlá fàngaa kéele na níì jo gi kɔ́n bi yiri yaà, bi kpúmɔn cáan, bi kálagi,

Zyeremii 31:40

Kúbèle jǐnlɔgɔ myɛ, ní cɔ́ɔngi jǐnlɔgɔ, ní tɛɛwaayi myɛ bi kári fwɔɔ sa nan Sedurɔn gòrógoroweegi na, si ní kári fwɔɔ sa nan Syɔ́ɔnyi kpàánweele jɛɛnnɛ na, canʔafolomɔ ma, tɛ́ɛyi bee myɛ a yaʔa kɔlɔ̀ na Yawe ma, yi a tée gbǎn too wàlá bi kálagi í.»

Zyeremii 45:4

Mɔ a wi pye, ‹Yawe wi syɛ́ɛnri naa joo níì jo: Wéle, ncan gee mii faan lè, mii a gi kálagi, gee mii cɔ́rɔ lè, mii a gi kɔ́n. Gee bee n jo tári naa myɛw.

Zyeremii 49:36

Mii a káfalaya sicɛrɛ yaʔa yi pan Elami ma, yee yi a yìri lè nyɛ̀ʔɛni kàbanya sicɛrɛ ma, mii a be fɛɛ ségbanna na bi kaan káfalayi bee myɛ ma. syɛɛnfelegaa a pye yaà, gee gi lè Elami wonɛnɛ-mí-yirigebèle a nan gi na í.

Ezekyɛli 37:9

A wi mii pye: «Kérigèle nyaa mi joo mí joo pǐli ma, kérigèle nyaa mi joo syɔɔn-pya! Mɔ a gi joo pǐli ma si jo: ‹Kàfɔw Yawe wi syɛ́ɛnri naa joo níì jo: Pìle, yìri káfalagi kàbanya sicɛrɛ ma mi pan, ŋɔ́n mi wáa kúbèle naa na, pe ní pye sìi na.› »

Danyɛli 7:2

Danyɛli n gi joo níì jo: «Mii maa ni wéle, a mii gi nyaa yanyaʔa ni, yébiligi ni, wéle, nyɛ̀ʔɛni kàbanya sicɛrɛ káfalaya maa ni funu ní fànʔa ní, sólomi lòkpɔʔɔ na.

Danyɛli 7:6

Koro kàdoʔo ma, a mii wéle n yaweegaa nikwɔɔ nyaa. Koro maa pye àmɛɛ sèjɔɔn nyɛ lè. Féjɛnʔɛ fókaanya sicɛrɛ maa pye gi kàdogi na. Nyùnyo sicɛrɛ maa pye yaweegi bee na. A kùndigiri kaan gi ma.

Danyɛli 7:8

Mii maa ni sɔ̀ngí nyɛ́ngèle kéele na, wéle, a nyɛnbilaa níì yiri gele nínge ni, a nyɛnzeligèle kèle taanri kɔ́n li yɛ́ʔɛ ma. Wéle nyapiigèlē maa pye nyɛ́nni bee na àmɛɛ syɔɔn nyapiigéle nyɛ lè, a nyɔɔ wɔ́ɔ̀ pye li na, gee ki da ni joogbɔɔmi nyuu lè.

Danyɛli 8:22

A gi baa kabi, yee sicɛrɛ si yi yiri gi sìndɛɛgi ni lè, yoro i nyɛ fànya sicɛrɛ, yee yi a yìri syɛɛnfelegi bee ni lè, kàjáa yi fǎngi si a gee wóʔo kwɔ́ɔ í.

Danyɛli 8:8

A sikepɔw tɔ̀nɔ n baa kpɔ́ʔɔ. Kàjáa lǎli ni wi séew baa nɛʔɛ lè, a wi nyɛngbɔɔgi kabi, á wélege nyɛ́nyɛ sicɛrɛ yiri gi sìndɛɛgi ni nyɛ̀ʔɛni kàbanya sicɛrɛ na.

Zakarii 2:6

A mii wi pye: «Sán mɔ syée?» A wi mii pye: «Mii i syée sa Zyerusalɛmi tímana jàngó bi gi cán gee gi nyɛ lè gi kpɔ́ʔɔganmi, ní gee gi nyɛ lè gi tɔnɔganmi.»

Zakarii 6:5

A nyɛ̀ʔɛni tunduɔn mii yari: «Nyɛ̀ʔɛgèle káfalaya sicɛrɛ yii, yee yi yirigi tɛ́ɛgee ni yi da pye lè woyéreye ní tári myɛ Kàfɔlɔ yɛ́ʔɛ ma.»

Matye 12:25

Amɛɛ si Zyezu be sɔ̀nguri cán lè, a wi be pye: «Fànʔa o fànʔa ga ni túngu ní kiyɛɛ ní, ki a kɔ́ ba kálagi. Kàʔa o kàʔa ga wɔ́ɔ ni túngu ní kiyɛɛ ní, wàlá narigbaʔa o narigbaʔa, ki a báriga í.

Luki 12:20

Kàjáa a Kolocɔlɔɔ wi pye: ‹Nilabalaga, yébiligi naa ni mɔ siiw a kwɔ́ɔ. Awá, yáriri mɔ sámaga lè, wìí má ti a kòro?›

Tɛ̀ɛnnɛ 7:1

Koro kàdoʔo ma a mii nyɛ̀ʔɛni tundunbèle pèle sicɛrɛ nyaa woyérebéle ní tári kàbanya sicɛrɛ na, a be tári káfalaya sicɛrɛ cò n yérige, koro ga pye káfalaga a kɔ́ ra funu tári na í, wàlá sólomi lɔ̀ʔɔ na í, wàlá tiigaa faala na í.