Danyɛli 11:3 - Cebaara Bible 2010

³ Kàjáa fànnɛʔɛgɛ fanʔafɔlɔ a ba yìri, wi a ra wi fǎngi kpéʔele ní séekpɔɔɔ ní, bàā wi nyɛnɛ kérigèle kpéʔele.

Danyɛli 11:3 Iomraidhean Croise

Danyɛli 11:16

Kàjáa wee wi a pan wi kánmi na lè, wi a ba gi kpéʔele gee wi caa lè, syɔɔn faala a gbǎn ba yére wi sige í. Wi a ba yére tácàndeleri ni bi yariga o yariga kálagi mɛnɛ mɛnɛ, gee wi ga fàra n taa lè.

Danyɛli 11:36

Fànʔafɔw a ra gi kpéʔele, gee wi caa lè. Wi a ra wiyɛɛ gbɔ́ʔɔgi, sáā wiyɛɛ délegi kolocɔlɔbèle myɛ ǹjoʔo ni, wi a ra bingaari kèlē nyuu kolocɔlɔbèle Kolocɔlɔɔ kánmi na. Wi kérigèle a ra nyɔɔgi fwɔɔ bi taa fundanʔari làrivorolo í ba nan, níì cán gee gi kɔ̀rirɔ n tímana lè, ki a foro.

Danyɛli 5:19

Kpɔʔɔgbɔɔri ti da kaan wi ma lè syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ maa ni fɛ̀ɛgí wi na, ní i cɛ̀lɛ́ wi yɛʔɛ̀ ma dee bee kéele na. Wi maa ni be kúu, bele wi caa bi kpóo lè, ní i be yaari sìi na, bele wi caa bi yaʔa lè, ní i be kpólogi, bele wi caa bi kpólo lè, ní i be cɛ́rɛgi, bele wi caa bi cɛ́rɛ lè.

Danyɛli 7:6

Koro kàdoʔo ma, a mii wéle n yaweegaa nikwɔɔ nyaa. Koro maa pye àmɛɛ sèjɔɔn nyɛ lè. Féjɛnʔɛ fókaanya sicɛrɛ maa pye gi kàdogi na. Nyùnyo sicɛrɛ maa pye yaweegi bee na. A kùndigiri kaan gi ma.

Danyɛli 8:21

Síinɛʔɛgɛ sikepɔw si i nyɛ Yavan fànʔafɔw, nyɛngbɔɔgi gi nyɛ wi nyapiigèle lariga ni lè, fànʔafɔzeliw wii.

Efɛzi ye 1:11

Kolocɔlɔɔ maa wɔ́ɔ̀ wolo nyɛ́nɛ n wòlo, wolo í pye Kirisi ni jàngó wolo í pye woro wòolo n yɛlɛ ní wi nyɛnɛ kakɔrirɔli ní, woro wee wi kérigèle myɛ kpéʔele lè n yɛlɛ ní wi kínidɛnɛgi sɔ̀ngurɔ ní,

Heburubèle 2:4

A Kolocɔlɔɔ wi séeraw fàra be syɛ́ɛnri na, ní fɛ̀ɛbēle, ní bìngaara kele, ní kakpoloyo féleye saʔa ní, wi si maa wɔ́ɔ ni Pìicǎnni yakaanya kaangi ni yɛlɛgi ní wi kínidɛnɛgi ní.

Zyaki 1:18

Wi n wolo séli n see kavɔn kányɛɛgi syɛ́ɛnrɛ báriga ni, wi n gee bee kpéʔele n yɛlɛ ní wi tiimaa kínidɛnɛgi ní, koro ga pye wolo í pye wozelibèle woro ma wi yafaanri myɛ nínge ni.