Danyɛli 11:12 - Cebaara Bible 2010

¹² Syɛɛnnɛʔɛmi bee a cò bi kári, kpɔɔmɔ si jée fànʔafɔw fúngo ni. Wi a syɛ̀ɛnnɛ selebingéle saʔa cáan, kàjáa ki a kòro wi wógi na í.

Danyɛli 11:12 Iomraidhean Croise

2 Fànʔafɔbèle 14:10

Kányɛʔɛ gii, mɔ n Edɔmi ye jáa, a koro kpɔɔmɔ lége mɔ ni. Ki n yɛlɛ mi kòro mɔ kpɔ́ɔmi ni, mí tɛ́ɛn yaà mɔ tɛ́ɛgi ni. Nyàʔá na mɔ wɔʔɔgɔ caa bi cáan miyɛɛ ma? Mɔ a too, Zyuda ye si wɔ́ɔ too ní mɔ ní.»

2 Cányi kèlē 25:19

Mɔ n jo mɔ n Edɔmi ye jáa, a koro kpɔɔmɔ lége mɔ ni, a mɔ i miyɛɛ gbɔ́ʔɔgi. Kòro yaà mɔ tɛ́ʔɛ ma tɔ́ɔliw ni. Nyàʔá na mɔ wɔʔɔgɔ caa bi cáan miyɛɛ na? Mɔ a too, Zyuda ye si wɔ́ɔ too ní mɔ ní.»

2 Cányi kèlē 26:16

Kàjáa lǎli ni wi baa wi fǎngi kpɔ́ʔɔ lè, a kpɔɔmɔ jée wi fúngi ni fwɔɔ a koro pan ní wi kálagili ní. Wi n kolo Yawe wi Kolocɔlɔw ma. Wi n jée Yawe kpɔ̀ʔɔrɔli kpaʔa ni bi nùndaanna yárira sórigo nùndaanni yasorigoro sáriga-wòlo-yafanʔa na.

2 Cányi kèlē 32:25

Kàjáa kacǎnni Ezekyasi taa lè wi ga li córo í. Níì cán kpɔɔmɔ maa baa jée wi ni. A Yawe fundanʔari si yìri woro ní Zyuda, ní Zyerusalɛmi ye kurugo.

Kàseegèle 16:18

Kálagila i nyɛ nɛ̀ɛnyɛnɛgi kurugo, toolo si i nyɛ nɛ̀ɛgbɔʔɔgi kurugo.

Ezekyɛli 28:17

Kpɔɔmɔ n baa jée mɔ fúngi ni, mɔ nijanri kéele na, mɔ n mɔ sícilimi kálagi mɔ darigali báriga ni. Mii n mɔ tìrige n cáan tári na, mii n mɔ kpéʔele yawelege fànʔafɔbèle ma.

Ezekyɛli 28:2

«Syɔɔn-pya, ki joo Tiiri fànʔafɔw ma mí jo: ‹Kàfɔw Yawe wi syɛ́ɛnri naa joo níì jo: Kpɔɔmɔ n baa jée mɔ fúngi ni, a mɔ gi joo níì jo: Mii i nyɛ Kolocɔlɔɔ, mii n tɛ́ɛn kolocɔlɔbèle kòlo na sólomi lòyo nínge ni! Bi gi taa mɔ na, mɔ i nyɛ syɔɔn, kolocɔlɔɔ ban mɔ nyɛ í, á mɔ si mɔ sɔnguri pye mɔ a jo Kolocɔlɔɔ wóri dii.

Ezekyɛli 28:5

Amɛɛ mɔ jàgiw cán lè gbanʔama, a mɔ kàa fàra mɔ lɔ́ri na, mɔ lɔ́ri báriga ni, a kpɔɔmɔ jée mɔ fúngi ni.

Danyɛli 11:11

Wòrogulo kàbangi fànʔafɔlɔ fúngo a tanʔa gbanʔama, wi a yiri bi too solomɔkulo kàbangi fànʔafɔlɔ na, woro wee wi a syɛɛnnɛʔɛmɛ kpóʔoro lè, kàjáa solomɔkulo kàbangi syɛɛnnɛʔɛmɛ a le wi kɔ́yi ni.

Danyɛli 11:13

Níì cán solomɔkulo kàbangi fànʔafɔlɔ a lúru pan si ba syɛɛnnɛʔɛmɛ kpóʔoro, bee pi a nɛʔɛ bi sɔ̀lɔ wozelimi na lè. Làlaa ga kwɔ́ɔ, gee bee n jo yɛ́ɛgèle kèle ga kwɔ́ɔ, wi a pan ní kapɛɛnkpumɔn-nɛʔɛbéle, ní kapɛɛnkpumɔn-yárira saʔa ní.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 8:25

Wi cánni báriga ni, ní àmɛɛ wi námara kérigèle a ra nyɔɔgi lè, wi a ra wiyɛɛ gbɔ́ʔɔgi fúngi ni, bele be tɛ́ɛn lè sági yɛɛ̀nyinge na, wi a poro pèle saʔa kálagi, si yìri kùndigibèle Kùndigi kánma na. Kàjáa wi a kálagi syɔɔn kɔ́lɔ fun ni.

Làlwaw Kaanziin 8:14

da miyɛɛ kɔ̀rɔsíi jàngó kpɔɔmɔ a kɔ́ jée mɔ fúngi ni mɔ í fɛ̀ʔɛ Yawe mɔ Kolocɔlɔw na í, woro wee wi mɔ yirige Ezyipiti tári ni lè, púlori kpaʔa ni.

1 Timɔte 3:6

Ki ga yɛlɛ wi pye tágafɔvɔɔn í, kapye koro ban í dɔ̀ʔɔ́ wi a kɔ́ ra wiyɛɛ nyɛ́nɛ, kútiiw wi da too Dàzɔɔnw na lè wee bee félege si kɔ́ too wi na.

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»