Danyɛli 10:8 - Cebaara Bible 2010

⁸ A mii kòro yaà mii nibin ni yanyaagbɔɔgi bee wéle, a mii bárigaw kwɔ́ɔ, a mii yɛ́ɛgi kúrɔ, fànʔa faala ga níì pye mii ni í.

Danyɛli 10:8 Iomraidhean Croise

Sélimɛ 32:31

A Zyakɔbi tɛ́ɛgi bee mɛ́ʔɛ le ni gi yiri Penyɛli, níì cán wi maa jo: «Mii n Kolocɔlɔɔ nyaa ní mii nyapiigèle ní, ní sèʔê kòro beè sìi na.»

Yirile 3:3

A Mowizi jo: «Mii a wàli bi kári sa bìngaara kéeli naa wéle, bi gi cán gee gi gi yaʔa lè tiipiigi si o sóori í.»

Danyɛli 10:16

Wàa wéle wee, wi maa syɔɔn ye wíri, a woro baa tánga mii nyɔɔwari na. A mii nyɔ́ɔgi múgu, a mii i nyuu, a mii gi joo wee má wi da pye woyéreo ní mii yɛ́ʔɛ ma lè, níì wi pye: «Ni kàfɔlɔ, yanyaagi n funjurugogbɔɔrɔ wáa mii na, fànʔa ní o nyɛ mii ni í.

Danyɛli 10:17

Kanmìí na mii kàfɔw falipyeo a gbǎn joo ní mii kàfɔw ní bi sɛɛ? Tɔ́ɔliw ni fàngáanna ní o nyɛ mii ni í, ŋɔngara ní o nyɛ mii ni í.»

Danyɛli 7:28

Nɛɛ naa syɛ́ɛnri kwɔ́ɔ. Mii Danyɛli, a mii sɔ̀nguri tɔ̀nɔ n fyáakpɔɔrɔ wáa mii na, a mii césaligi kánma fàli a mii si syɛ́ɛnri bee yaʔa niyɛɛ fúngi ni.»

Danyɛli 8:27

Mii Danyɛli, a mii pye báriga fun, ní yaaɔ canya saʔa ni. Koro kàdoʔo ma, a mii yìri ni fànʔafɔw fáli kpéʔele. Mii maa pye funwɔɔrɔ na yanyaagi bee kéele na, níì kòro gi kɔ́rɔw sìnján ni.

Danyɛli 8:7

A mii wi nyaa a wi nan bàpɔw na, níì fúngi tanʔa wi kurugo gbanʔama. A wi bàpɔw círi n nyɛ́ngèle siin kabagi, bàpɔw ga fànʔa taa n gbàn n yére n wi sige í. A wi wi cáan tári na níì wi tánʔana, syɔɔn faala ga taa n bàpɔw syɔɔ wi fǎngi ma í.

Habakuki 3:16

Mii n gi lóʔo, a mii fúngi yárira cɛ̀lɛ. Kàfulogi bee báriga ni, a mii nyɔɔwari cɛ̀lɛ. Mii kaceleyi i nyangi, mii tɔ́lɔyi i yirigi mii láari ni, mii i wɔʔɔgi canʔa sigi sìnnyɛʔɛ ni, gee ki a ba yìri syɛɛnfelegi kánma na gi wolo wɔʔɔ lè.

Matye 17:6

A pìitamabèle ga syɛ́ɛnri bee lóʔo a be too n yɛ́ɛyi cíbele ní i fɛ̀ɛgí gbanʔama.

Mariki 9:6

Wi da gi cán gee woro a joo lè í, níì cán fyáari maa be cò gbanʔama.

Zyan 16:32

Ye wéle, làlaa i maa, li n caà nan n kwɔ́ɔ, lee ni yele a cariga lè, yele myɛ nibin nibin a kári yele kpaaya ma, si mii yaʔa mii nibin. Kàjáa mii o nyɛ mii nibin í, níì cán Tofɔw i nyɛ ní mii ní.

2 Korɛnti ye 12:7

Kérigèle be tɛ̀ɛn mii na lè àmɛɛ ge kpólo lè, gee bee na a be wúugo tɛ́ʔɛ n mii súu céri na, koro ga pye mii a kɔ́ nyìn kpɔ́ɔmi na í, wúugi bee i nyɛ Sutanaw tunduɔn jàngó waa mii wɔʔɔ, koro ga pye mii a kɔ́ nyìn kpɔ́ɔmi na í.

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,