Danyɛli 10:6 - Cebaara Bible 2010

⁶ Wi céri maa pye àmɛɛ lɔgbanra kadɛɛnnɛ nyɛ lè, wi yɛɛcɔɔli si i nyɛ àmɛɛ nyɛ̀ʔɛ-nyɛ́ʔɛnɛnɛ gbɛɛnmɛ nyɛ lè, wi nyapiigèle si i nyɛ àmɛɛ naanyìnye nyɛ lè, wi kɔ́yi ní wi tɔ́lɔyi si i nyɛ àmɛɛ kanyɛɛnrɛ nyɛ, dee be kurugo lè, wi joomi si i nyɛ àmɛɛ syɛɛnnɛʔɛmɛ joomɔ nyɛ lè.

Danyɛli 10:6 Iomraidhean Croise

Yirile 28:20

Kosicɛrɛ wógi wòʔolo si pye kirizoliiti, ní onikisi, ní zyasipi. Kàdɛɛngèle bee a le ge tɛɛ̀ wéegèle ni.

Ŋúnudaangi 5:14

Wi kɔ́yi i nyɛ àmɛɛ tɛɛ̀ vèʔebēle nyɛ, bele ni be kirizoliiti le lè. Wi céri i nyɛ àmɛɛ sogǎn-wɔlɔgɔlɔ nyɛ lè, lee be tɔ́n ní safiiri ní lè.

Ezekyɛli 1:14

Yaweeyi maa ni syée ní i lúrugu ni maa àmɛɛ nyɛ̀ʔɛzalila nyɛ lè.

Ezekyɛli 1:16

Sàkoyi bee kánma, ní yi sámagaganmi maa kirizoliiti darigala wíri. Yi myɛ sicɛrɛw nyaaganma n pye sèjira. Yi kánmi, ní yi sámagaganmi n pye àmɛɛ sàkogaa nyɛ kàa fúngo ni lè.

Ezekyɛli 1:24

Lǎli ni yi da ni syée lè, a mii yi fókaanyi tinmɛ lóʔo àmɛɛ lònɛʔɛgɛ tinmɛ nyɛ lè, wàlá wee wi nyɛ lè Séew Myɛ Kàfɔlɔ, àmɛɛ woro yákpoli nyɛ lè. Yi ga ni táanri ki n pye tìngbɔɔmɔ àmɛɛ kapɛɛnkpumɔnbéle kabiga tinmɛ nyɛ lè. Yi ga yére, yi n yi fókaanyi tìrige n cáan.

Ezekyɛli 1:7

Yi tɔ́lɔyi maa sín, yi yédaagèle si i nyɛ àmɛɛ náapiige feriye nyɛ lè, ní i daragi àmɛɛ kanyɛɛnrɛ nyɛ, dee be sámaga n báara lè.

Ezekyɛli 10:9

A mii i wéle, a mii sàkoyo sicɛrɛ nyaa syerubɛnbèle taana. Syerubɛn o syerubɛn n pye ní sàkogo nibin ní. Sàkoyi bee kánma maa kirizoliiti wíri.

Ezekyɛli 40:3

A wi kári ní mii ní yaà, wéle, nànwaa maa pye yaà, wee cére kánma pi da kanyɛɛnrɛ wómɔ wíri lè. Lɛn mɛ́ɛnnɛ maa pye wi kɔ́gi ni n fàra yatimana-kàgaanna na, wi si i nyɛ woyéreo ní kpàánweeli taana.

Ezekyɛli 8:2

A mii i wéle, a mii yarigaa nyaa, ki kánmi maa syɔɔn wíri. Naà maa séli gi sárigèle na n tìgi táàma, níì séli sárigèle na n lúgu ǹjoʔo ma, koro maa pye gbɛ̀ɛnmaa félege, bee bi daragi lè gbanʔama.

Matye 17:2

A wi sáà kàri pe nyɛnɛ na. A wi yɛ́ɛgi tɔ̀nɔ́ i daragi àmɛɛ cángi nyɛ lè, á wi búroyi kàri n fílige àmɛɛ gbɛ̀ɛnmɛ nyɛ lè.

Matye 28:3

Wi maa ni daragi àmɛɛ nyɛ̀ʔɛni nyɛ́ʔɛnɛmɛ gbɛɛnmɛ nyɛ lè, a wi búrogi fílige gbanʔama àmɛɛ lànɛɛzyiw nyɛ lè.

Luki 9:29

N wi yaʔa nyɛ́ɛrigi na, a wi yɛ́ɛgi kàri kanmaa na, a wi búroyi wɔ́ɔ̀ kàri ni fíligi kere kere.

Tɛ̀ɛnnɛ 10:1

A mii nyɛ̀ʔɛni tundunwaa nikwɔɔ nyaa, báriga wóo, a wi yìri nyɛ̀ʔɛni na ni tíri, burogo maa pye wi na, ki maa pye àmɛɛ fàfanʔa nyɛ lè. Kùlobari si i nyɛ wi nyúngi ni, wi yɛ́ɛgi si i nyɛ àmɛɛ cángi nyɛ lè, wi tɔ́lɔyi si i nyɛ mɔ a jo naà gii, náagi bee si i nyɛ àmɛɛ tiipɔɔlɔ nyɛ lè.

Tɛ̀ɛnnɛ 19:12

Wi nyapiigèle si i nyɛ àmɛɛ naanyìnge nyɛ lè, á wi fànʔafɔ-nyùndɔngéle* saʔa tɔ́n wi nyúngi ni. Mɛ́ʔɛ si i nyɛ wi na wozɛbɛgɛ ní, gee gi nyɛ lè wàa faala ga gi cán í, kapye woro nibin ban í,

Tɛ̀ɛnnɛ 2:18

«Dee naa sɛ́bɛ mi tórigo Tyatiiri Egiliziw tunduɔn ma, mí wi pye: ‹Kolocɔlɔɔ Jáaw wi kérigèle naa joo, woro wee nyapiigéle ge nyɛ àmɛɛ naanyìnge nyɛ lè, wi tɔ́lɔyi si i nyɛ àmɛɛ kanyɛɛnrɛ nyɛ lè, dee be gbàla lè naakpɔʔɔ ni a di nyɔɔ ni nyɛ́ʔɛnɛ, woro wi jo:

Tɛ̀ɛnnɛ 21:20

kagunɔ wóli saridoniikisi, kɔrɔni wóli sariduwani, kɔrɔsiin wóli kirizoliiti, kɔrɔtaanri wóli berili, kpanjɛrɛ wóli topazi, kɛɛ wóli kirizopirazi, kɛɛ ní nibin wóli yasɛnti, kɛɛ ní siin wóli amɛtiisi.