Danyɛli 10:16 - Cebaara Bible 2010

¹⁶ Wàa wéle wee, wi maa syɔɔn ye wíri, a woro baa tánga mii nyɔɔwari na. A mii nyɔ́ɔgi múgu, a mii i nyuu, a mii gi joo wee má wi da pye woyéreo ní mii yɛ́ʔɛ ma lè, níì wi pye: «Ni kàfɔlɔ, yanyaagi n funjurugogbɔɔrɔ wáa mii na, fànʔa ní o nyɛ mii ni í.

Danyɛli 10:16 Iomraidhean Croise

Yirile 4:10

A Mowizi gi joo Yawe ma níì jo: «Ee Kàfɔw, jooli o syée mii ma í, n téè láa yaà, àlí n baa nan níjanʔa na mɔ nyuu ní mii ní lè, mii wi lè mɔ fálipyew. Níì cán mii tɔ̀nɔ́ o nyɛ n gbàn ni nyuu kelekele í. Mii nyɔ́ɔgi ní mii nyínni n líbe.»

Yirile 4:13

A Mowizi jo: «Ee Kàfɔw, mii tɔ̀nɔ́ i mɔ nyɛ́ɛri, ki n yɛlɛ mi wàa nikwɔɔ tun.»

Syɛɛnjóow 1:18

Níì cán sícilimɛ saʔa ga pye syɔɔn ma, funjurugoro saʔa a pye wi ma, kánmee na syɔɔn cánni ga nɛʔɛ lè, ànbée fúngi wɔʔɔgɔ a wɔ́ɔ pye wi ma.

Ezayi 6:7

A wi baa li tánga mii nyɔ́ɔgi na níì jo: «Lee naa n tánga mɔ nyɔɔwari na, mɔ kolomi n láʔa mɔ na, mɔ kapeeli kùsulugo fáli n kpéʔele.»

Zyeremii 1:9

Lǎli bee ni a Yawe kɔ́gi sánʔa n tánga mii nyɔ́ɔgi na, níì mii pye: «Wéle, mii syɛ́ɛnri mii le dee mɔ nyɔ́ɔgi ni.

Ezekyɛli 1:26

Yarigaa n pye nyɛ̀ʔɛnɛ niwirigi bee ǹjoʔo ni gi pye yi nyúnyi ni lè, ki maa safiiri wíri. Ki kánmi maa pye àmɛɛ fàngolo nyɛ lè, wàa si maa pye fàngoli bee niwirige na àmɛɛ nàɔn nyɛ lè.

Ezekyɛli 3:27

Kàjáa lǎli ni mii ga joo ní mɔ ní lè, mii a mɔ nyɔ́ɔgi múgu jàngó mɔ í gi joo be ma si jo: ‹Kàfɔw Yawe wi syɛ́ɛnri naa joo.› Wee wi ga ni jà lóʔo lè, wi lóʔo, wee si ga pye lè wi a fɔ̀lɔ́ gi kpéʔele í, wi a kɔ́ gi kpéʔele í, níì cán niceebéle narigbaʔa gii.

Ezekyɛli 33:22

Yawe kɔ́gi si maa pye mii na cângwɔɔgi nyɔ́ɔ na sáni wogorow í nan lè, a Yawe si nyɔ́ɔgi múgu mii na lǎli ni wi pan mii ma nyǐngi nyɔ́ɔ na lè. Mii nyɔ́ɔgi maa múgu, mii ga níì pye boboo í.

Danyɛli 12:8

Mii n gi lóʔo, kàjáa mii ga gi kɔ́rɔw cán í. A mii jo: «Ni Kàfɔlɔ, nyàʔá ki a ba pye kérigèle bee kwɔ́ɔmɔ?»

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 7:15

«A mii Danyɛli fúngi curugo mii na, a mii yanyaari zɔ̀nviikɔnirɔ wáa mii na.

Danyɛli 7:28

Nɛɛ naa syɛ́ɛnri kwɔ́ɔ. Mii Danyɛli, a mii sɔ̀nguri tɔ̀nɔ n fyáakpɔɔrɔ wáa mii na, a mii césaligi kánma fàli a mii si syɛ́ɛnri bee yaʔa niyɛɛ fúngi ni.»

Danyɛli 8:15

Mii Danyɛli, n mii yaʔa yanyaagi bee wélele na, ní i caa mii í gi kɔ́rɔw cán, wéle, a mii nàɔn niwirige nyaa niyɛɛ yɛ́ʔɛ ma woyéreo ní.

Danyɛli 8:17

Lǎli bee ni a wi fala ni maa tɛ́ɛgi ma, gee ni mii da pye lè. Wi ba ni nùuní lè, a fyáari mii cò, a mii too n yɛ́ɛgi cíbele tári na. A wi mii pye: «Mɔ, syɔɔn-pya, ki n yɛlɛ mi gi kɔ́rɔw cán, níì cán yanyaagi bee i nyɛ làrigwɔɔli wóʔo.»

Danyɛli 8:18

N wi yaʔa jooli na ní mii ní, a mii pǐli yiri mii ni, á mii yɛ́ɛgi kòro wojibelege ní tári na. A wi tánga mii na níì mii yìrige n yérige tɛ́ɛgi ni mii da pye lè.

Danyɛli 8:27

Mii Danyɛli, a mii pye báriga fun, ní yaaɔ canya saʔa ni. Koro kàdoʔo ma, a mii yìri ni fànʔafɔw fáli kpéʔele. Mii maa pye funwɔɔrɔ na yanyaagi bee kéele na, níì kòro gi kɔ́rɔw sìnján ni.

Danyɛli 9:21

N mii yaʔa jooli na mii nyɛ́ɛrigi ni, nǎnw bee, Gabiriyɛli mii da nyaa lè mii yanyaazeligi ni, a woro yìri fókaanya na kelekele n pan mii ma cângwɔɔgi nyɔ́ɔ sáriga làriwololo ni.

Luki 1:64

Lǎli bee wonijanna ni a wi nyɔ́ɔgi múgu a wi fala n gbàn ni nyuu, ní i Kolocɔlɔɔ kpɔ̀ʔɔrɔ́.

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Zyan 20:28

A Toma wi yari: «Mii Kàfɔw, ní mii Kolocɔlɔw!»

Zyozuwe 5:14

A wi jo: «Eʔe, mii i nyɛ Yawe kapɛɛnkpumɔnbèle kàfɔlɔ, a mii pan wi wee tɔ́ɔliw ni.» A Zyozuwe too n yɛ́ɛgi cíbele tári na n wi kpɔ̀ʔɔrɔ níì jo: «Ni kàfɔlɔ, nyàʔá mɔ caa bi joo mɔ falipyew ma wi lè mii?»

Tɛ̀ɛnnɛ 1:13

wàa si maa pye ge níngi ni, wi maa syɔɔn-pya wíri. Burodɔnɔgɔ maa pye wi na, fwɔɔ n baa nan yédefabiyi na, tɛɛ̀ sɛntiiri maa pye wi na wobwɔɔɔ ní fìcibigi ni.

Jàbɔbèle 13:8

Lǎli bee ni a Manowa Yawe nyɛ́ɛri níì jo: «Ee Kàfɔw, mii i mɔ nyɛ́ɛri, Kolocɔlɔɔ syɔ́ɔnw mɔ tórigo naa lè, ki n yɛlɛ wi ní pan naa wolo ma jàngó pìíwee wi a see lè, gee wolo yɛlɛ bi ba ra kpéʔele wi kéeli na lè wi ba wolo tama gee bee na.»

Jàbɔbèle 6:13

A Zyedeyɔn wi pye: «Ee, ni Kàfɔlɔ, kapye Yawe i nyɛ ní wolo ní, nyàʔá na gee naa myɛ too wolo na? Sán si wi kakpoloyi myɛ nyɛ yoro yee kéele wolo tóolɛɛbèle nyuu ni tèé wolo na lè níì jo: ‹Yawe ban wi wolo yirige Ezyipiti ni ì?› Yawe n wolo cée tɔ́ɔliw ni níì wolo le Madyan ye kɔ́yi ni.»

Jàbɔbèle 6:15

A wi wi yari: «Ee ni Kàfɔlɔ, nyàʔá ní mii a sa Isirayɛli ye syɔɔ? Wéle, mii naridulugi gi fɔ̀n n sɔ̀lɔ Manase syɛɛnfelegi ni. Mii si wi cɛ́rɛ n sɔ̀lɔ mii tóow kpaʔa wòolo ni.»