Danyɛli 10:13 - Cebaara Bible 2010

¹³ Pɛrisi fǎngi kùndigi n mii yérige canya toko ní nibin fúngo ni. Kàjáa Misyɛli wi lè nyɛ̀ʔɛni tundunbéle kundigikpɔɔwaa, woro n pan n baa mii dɛ̀ɛmɛ, á mii kòro yaà Pɛrisi fànʔafɔbèle taana.

Danyɛli 10:13 Iomraidhean Croise

Ɛsidirasi 4:24

Lǎli bee ni a Kolocɔlɔɔ kpáagi fáli yére Zyerusalɛmi ni. A wi yére n kòro nya fwɔɔ n baa nan Pɛrisi fànʔafɔw Dariyusi fǎngi yɛɛziin wolo na.

Danyɛli 12:1

«Lǎli bee ni Misyɛli a yìri, wi lè kùndigikpɔɔw bee, woro wee wi yére ni mɔ syɛ́ɛnbèle pìibēle dɛ̀ɛmɛ́ lè. Wɔʔɔgbɔʔɔ lala li a pye, gee gi lè ki felege da kɔ́ɔ̀ pye í nlaa syɛɛnfeleyi nyɛ beè lè fwɔɔ n taa n baa nan lǎli bee na. Lǎli bee ni mɔ syɛ́ɛnbèle bele mɛ́ɛyɛ yi a pye lè wozɛbɛyɛ ní sɛ́bɛw ni, poro a syɔɔ.

Efɛzi ye 6:12

Níì cán syɛ́ɛnbèle ní ban wolo gbɛ̀ɛ́w cáan í, fwɔɔ fànʔafɔbèle, ní séekpɔɔw fɔ̀ɔlɔ, ní dulunyanw naa yébilimɛ fànʔafɔɔlɔ, ní nyɛ̀ʔɛni tɛ́ɛyɛ madenɛʔɛmɛ ní wo wi cáan.

Kɔlɔsi ye 2:10

Kirisi wi tɛ́ɛn lè fǎnyi, ní séew myɛ nyúngo na, Kolocɔlɔɔ n yele nyìn n foro wi ni.

1 Tesaloniki ye 2:18

Gee bee na wolo da ni caa bi nan yaà yele na, mii Pɔli n ŋàʔana tɔlɔyɔ saʔa, kàjáa Sutanaw maa wolo yérige.

1 Pyɛri 3:22

woro wee wi kári nyɛ̀ʔɛni na lè, ní i yaà Kolocɔlɔɔ kàliige ma, a nyɛ̀ʔɛni tundunbéle, ní séekpɔɔw fɔ̀ɔlɔ, ní bárigaw fɔ̀ɔlɔ i lúro wi ma.

Zyudi 1:9

Bi gi taa Misyɛli wi lè nyɛ̀ʔɛni tundungbɔɔɔ, lǎli ni wi da ni túngu lè ní Dàzɔɔnw ní, á be i kàbá Mowizi kúceri kéele na lè, wi da fɔ̀lɔ n wi tɛʔɛlɛ níì jo wi n kolo í, fwɔɔ a wi jo: «Ki n yɛlɛ Kàfɔw í fúlo mɔ na!»

Tɛ̀ɛnnɛ 12:7

A kapɛɛnnɛ fala n yìri nyɛ̀ʔɛni ni. Misyɛli ní nyɛ̀ʔɛni tundunbéle be nyɛ ní wi ní lè, poro pe da ni kapɛɛnni kpúmɔn ní Yacobeegi ní. A yacobeegi ní gi tundunbèle wɔ́ɔ i li kpúmɔn ní be ní,