Danyɛli 10:12 - Cebaara Bible 2010

¹² A wi mii pye: «Danyɛli, mɔ a kɔ́ ra fɛ̀ɛgí í. Níì cán nlaa cânzeligee na gi jée mɔ fúngi ni lè bi cánna taa, si miyɛɛ jɛ́rɛ mɔ Kolocɔlɔw yɛ́ʔɛ ma lè, mɔ syɛ́ɛnri maa lóʔo, mɔ syɛ́ɛnri kéele si na mii pan.

Danyɛli 10:12 Iomraidhean Croise

Ŋúnuyi 69:10

Níì cán mɔ kpáagi tàmaga kéele n mii lìi, á mɔ faʔafɔbèle faʔara too mii na.

Ezayi 35:4

Bele zɔ̀nbēle be cɛ̀lɛ́ lè, ye gi joo be ma yé be pye: «Ki n yɛlɛ ye nìrimɛ le, ye a kɔ́ ra fɛ̀ɛgí í. Yele Kolocɔlɔw wéle wee, kapeegèle gɔ̀lɔ́-wòloro i maa, wi a ge sàra, woro tiimaa wi a pan ba yele syɔɔ.»

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 41:14

« ‹Zyakɔbi, mɔ wi lè fyɛɛnpiige, Isirayɛli fànʔa fun yakuuli, mɔ a kɔ́ ra fɛ̀ɛgí í. Mii a mɔ dɛ̀ɛmɛ,› » Yawe wi jo nya, mɔ Nyunzyɔɔw wi lè Isirayɛli Wojanw.

Ezayi 58:9

Lǎli bee ni mɔ a yeri, Yawe si syɔɔ mɔ ma. Mɔ a yákpoli wáa, wi a mɔ pye: ‹Mii wi wee.› Lǎli ni mɔ ga zúuw yirige mɔ tɛ́ɛgi ni lè, ní kabeli li nyáʔana ní fundanʔara ní lè, níì faʔami syɛɛnjóoro yaʔa,

Ezayi 65:24

Lǎli bee ni sáni pe mii mɛ́ɛgi yeri lè, mii a syɔɔ be ma. Pe a sèʔé pye jooli na mii si tée lóʔo be ma.

Danyɛli 10:11

Koro kàdoʔo ma a wi mii pye: «Danyɛli, mɔ wi lè nànnidaanmaw, ki n yɛlɛ mi syɛ́ɛnri kɔ́rɔ cán, dee mii a joo mɔ ma lè, yìri mi yére tɛ́ɛgee ni mɔ nyɛ lè. Níì cán pe n mii tun mɔ ma tɔ́ɔliw ni.» Lǎli ni wi syɛ́ɛnri bee joo mii ma lè, a mii i cɛ̀lɛ́ níì yìri n yére.

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Levii ye sáriga-wòlori 16:29

Bàngwɔɔ làlwa kéele si li nyɛ lee naa yele ma, loro li nyɛ: Yɛ́ɛli yeye kɔrɔsiin wóʔo, ki canya kɛɛ wógi na, yele a yeyɛɛ jɛ́rɛ yele pìígèle ni. Yele a fali faala kpéʔele cángi bee í, yele kànanbèle yoo, nibɔnbèle pe baa tɛ́ɛn ní yele ní lè yoo.

Levii ye sáriga-wòlori 16:31

Cángi bee a pye cândɛnɛgɛ yele ma. Ki a pye yele ma cânŋɔndaʔa, yé wɔ́ɔ yeyɛɛ jɛ́rɛ yele pìígèle ni. Gee bee i nyɛ bàngwɔɔ làlwa kéele.

Córolo 29:7

« ‹Yeye kɔrɔsiin wógi bee canya kɛɛ wógi na, yele a kpóʔorojànna kpéʔele. Yele a sún lè, yele a kɔ́ fali faala kpéʔele í.

Matye 28:10

A Zyezu be pye: «Ye a kɔ́ ra fɛ̀ɛgí í. Yaa syée ye sa mii senyɛnbèle pye paa syée Galile ma. Pe a sa mii nyaa nɛɛ bee.»

Matye 28:5

A tundunw gi joo cébèle ma níì jo: «Ki ga yɛlɛ yele í fyáa í, mii n gi cán yele n pan ba Zyezu wéle, wee pe da kóri tiiparigi na lè.

Mariki 16:6

A wi be pye: «Ki ga yɛlɛ yaa fɛ̀ɛgí í, Zyezu yele pan ba wéle lè, wi lè Nazarɛti ye wów, wee pe da kóri tiiparigi na lè, wi n nyán n yiri, wi ní o nyɛ nɛɛ naa í. Ye wéle nɛɛ naa, beè pe da wi sínɛgɛ lè.

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Luki 1:30

A nyɛ̀ʔɛni tunduɔn wi pye: «Mɔ a kɔ́ ra fɛ̀ɛgí í, Marii, níì cán mɔ n dùba taa Kolocɔlɔɔ ma.

Luki 2:10

A nyɛ̀ʔɛni tunduɔn be pye: «Yele a kɔ́ ra fɛ̀ɛgí í, níì cán syɛɛntaanra mii a joo yele ma, ti a pye fundaangbɔɔrɔ syɛ́ɛnrɛ yele syɛ́ɛnbèle myɛ ma,

Luki 24:38

A wi be pye: «Nyàʔá na yele fúnyi curugo yele na? Ba nyàʔá na kàkabalayi jée yele fúnyi ni nya?

Kapyegèle 27:24

n baa mii pye: ‹Pɔli, mɔ a kɔ́ fyáa nyáana í. Ŋàʔanaga gii fwɔɔ mɔ í kári sa yére Sezari yɛ́ʔɛ ma.› Ní níì jo: ‹Wéle, Kolocɔlɔɔ n mɔ kôdanʔanyɛnbèle myɛ kaan mɔ ma.›

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,