Danyɛli 10:1 - Cebaara Bible 2010

¹ Pɛrisi fànʔafɔw Sirusi fǎngi yɛɛdaanri wólo na, a syɛɛnraa tɛ̀ɛn Danyɛli na, pe wɔ́ɔ̄ yiri lè Bɛlitisyasari. Syɛ́ɛnri bee i nyɛ kányɛʔɛ, ti i kapɛɛnkpɔɔlɔ kéele nyuu. A wi syɛ́ɛnri bee cò, níì yanyaagi kɔ́rɔ cán.

Danyɛli 10:1 Iomraidhean Croise

Sélimɛ 41:32

Amɛɛ si mɔ ŋúnɔgi bee ŋúnɔ n taʔala lè tɔlɔyɔ siin Faraɔn, koro n gi tɛ̀ɛn Kolocɔlɔɔ wi kéeli bee kɔ̀rirɔ n tímana, wi si a wɔ́ɔ li kpéʔele kelekele.

2 Cányi kèlē 36:22

Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè, di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ɛsidirasi 3:7

A be wáli kaan kàdɛnɛdanbèle ní kpaatɔnbèle ma, níì yaliire, ní yagbaʔa, ní sìnmɛ tórigo Siidɔn ye, ní Tiiri ye ma, jàngó be Liban sɛdiri tíiraa tórigo sólomi lɔ̀ʔɔ na ti ba nan Zyafa na, n yɛlɛ ní gi ní àmɛɛ Pɛrisi fànʔafɔw Sirusi gi joo be ma lè.

Ɛsidirasi 4:3

Kàjáa a Zorobabɛli, ní Zyozuwe, ní Isirayɛli narigbaayi kùndigibèle bele be yari: «Wolo ní yele ga yɛlɛ bi pínɛ kpaʔa faan wolo Kolocɔlɔw ma í, wolo yagwɔɔlɔ wo a gi faan Yawe Isirayɛli ye Kolocɔlɔw ma àmɛɛ Pɛrisi fànʔafɔw Sirusi gi joo n gbàn wolo ma lè.»

Ɛsidirasi 4:5

A be yarifɔɔlɔ láa sàra na jàngó poro í be fáliw yérige. A gi pye kánmi bee na Pɛrisi fànʔafɔw Sirusi sìíw làla myɛ ni fwɔɔ n taa n baa nan Pɛrisi fànʔafɔw Dariyusi fǎngi làla na.

Ɛsidirasi 6:14

A Zyefubèle wólɛɛbéle i syée faanni kurugo, a fáliw nyɔɔ n yɛlɛ ní kanyaajoow Agizye kanyaajoori, ní Ido jáaw Zakarii kanyaajoori ní. Pe n faanni pye n baa kwɔ́ɔ n yɛlɛ ní gee ní Isirayɛli ye Kolocɔlɔw da joo n gbàn lè, n wɔ́ɔ̀ yɛlɛ ní Sirusi ní Dariyusi, ní Pɛrisi fànʔafɔw Aritakisɛrikisɛsi da joo n gbàn lè.

Ɛsidirasi 6:3

«Fànʔafɔw Sirusi fǎngi yɛɛzelile na, fànʔafɔw Sirusi kéeli naa joo n gbàn níì jo: ‹Kolocɔlɔɔ kpáagi gi nyɛ lè Zyerusalɛmi ni, ki n yɛlɛ kpáagi í ní faan bi pye tɛɛgaa, beè pe a ra sárigaw wóo lè. Ki kàpɔɔnw n yɛlɛ bi sámaga nìri. Ki ǹjogi tɔnɔganma a pye mɛ́tiribéle toko ní kpɔrigɔ, ki yɛ́ɛgi kpɔ́ʔɔganma í pye mɛ́tiribéle toko ní kpɔrigɔ.

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 1:21

A Danyɛli kòro yaà fwɔɔ n taa n baa nan fànʔafɔw Sirusi fǎngi yɛɛzelile na.

Danyɛli 1:7

A falipyenǎnbèle kùndigi mɛ́ɛyɛ le be na, Danyɛli wógi gi pye Bɛlitisyasari, Hananya wógi si i nyɛ Syadiraki, Misyayɛli wógi si i nyɛ Mesyaki, Azariya wógi si i nyɛ Abɛdi-Nego.

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 11:2

Tɔ́ɔliw ni, mii a kányɛɛgi joo tɛ̀ɛn mɔ na. «Wéle, fànʔafɔɔlɔ taanri a ní tɛ́ɛn Pɛrisi fǎngi na, sicɛrɛ wów si ba lɔnɛʔɛrɛ kpóʔoro bi sɔ̀lɔ wozanbèle myɛ na. Lǎli ni wi fǎngi ga baa kpɔ́ʔɔ lè wi lɔnɛʔɛri báriga ni, wi a pe myɛ sɔ́ɔn wáa Yavan fǎngi na.

Danyɛli 12:4

Mɔ si na Danyɛli, syɛ́ɛnri bee kɔn, mí fɛ̀ɛ taʔa sɛ́bɛw na fwɔɔ bi taa làrigwɔɔli í ba nan. Syɛ̀ɛnnɛ saʔa a ra wi wéle, cánni si kpɔ́ʔɔ.»

Danyɛli 12:9

A wi mii yari: «Danyɛli, da syée, níì cán syɛ́ɛnri bee a kòro syɛɛnlarara, fɛ̀ɛ si taʔa di na, bi taa sa nan lǎli kwɔ́ɔmɔ na.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 4:8

Tíigi bee maa kpɔ́ʔɔ níì nìri, ki fínaagi maa kári fwɔɔ n sáà nan nyɛ̀ʔɛni na, syɔɔn ye maa ni gi nyaagi bi be yaʔa yaà tári láʔagéle myɛ ma.

Danyɛli 5:12

Níì cán woro wee wi lè Danyɛli, á fànʔafɔw da mɛ́ʔɛ le wi na ni wi yiri Bɛlitisyasari, woro ni bingaara pile, ní kérigèle cánna, ní cánni, ní ŋúnɔyi kɔ́rɔ joolo fanʔa, ní kàseegèle kɔ́rɔ tɛ̀ɛnnɛ, ní yíbegbanyi syɛɛnlurugoro kaanna nyɛ. Koro na, ki n yɛlɛ pe Danyɛli yeri yaà, wi a ba di kɔ́rɔw joo.»

Danyɛli 5:17

A Danyɛli gi joo fànʔafɔw yɛ́ʔɛ ma níì wi yari: «Mɔ yakaanri yaʔa miyɛɛ ma, mɔ kpɔ́ʔɔri kaan wàa nikwɔɔ ma. Mii si a sèʔé sɛ́bɛri wéle fànʔafɔw ma, si di kɔ́rɔw joo wi ma.

Danyɛli 6:28

Woro wi syɔɔn syoo, ni syɔɔn yirigi keele ni, woro wi fɛ̀ɛ́bèle ní kakpoloyi kpéʔele nyɛ̀ʔɛni ni, ní tári na. Woro wi Danyɛli syɔɔ càarabèle fànʔa ma.»

Danyɛli 8:16

A mii nàɔn yákpolo lóʔo Ulayi níngi ni, a wi yákpoli wáa níì jo: «Gabiriyɛli, yanyaagi kɔ́rɔ tɛ̀ɛn nǎnw naa na.»

Danyɛli 8:26

Cângwɔɔyi nyɔ́ɔ, ní nyǐnyi nyɔ́ɔ yanyaʔa kéele i nyɛ kányɛʔɛ. Kàjáa ki n yɛlɛ mɔ í yanyaagi bee kéele làriga, níì cán ki i nyɛ làridɔɔngéle kéele.»

Luki 1:20

Amɛɛ si gi nyɛ lè mɔ ga tága mii syɛ́ɛnri na í, dee ti a ba foro lè di làrivoroli ni, gee bee na mɔ a kàri boboo. Mɔ a ní gbǎn joo í, fwɔɔ bi taa gee bee cângbeʔelege í ba nan.»

Tɛ̀ɛnnɛ 19:9

A nyɛ̀ʔɛni tunduɔn mii pye: «Ki sɛ́bɛ mi jo: ‹Bele Kolocɔlɔɔ yeri Bàpili cèpɔrigɔ liile na lè, bele bee i nyɛ dùba pìibēle!› » A wi níì mii pye: «Dee naa di nyɛ Kolocɔlɔɔ kányɛɛgi syɛ́ɛnrɛ.»