Danyɛli 1:8 - Cebaara Bible 2010

⁸ A Danyɛli gi kɔ̀rirɔ n tímana n jo woro ga yɛlɛ bi wiyɛɛ nɔ́nʔɔ ní fànʔafɔw yaliitaanra, ní wi dùvɛɛngbaaw ní í, a wi falipyenǎnbèle kùndigi nyɛ́ɛri gbanʔama, níì wi pye wi a kɔ́ woro ŋàʔana woro í wiyɛɛ nɔ́nʔɔ í.

Danyɛli 1:8 Iomraidhean Croise

1 Fànʔafɔbèle 5:5

A Zyuda ní Isirayɛli ye myɛ nibin nibin tɛ́ɛn yɛɛ̀nyinge na be ɛrɛzɛn tíriri, ní be děsyaantiiri láara ni nlaa Dan na n sáà nan Bɛɛri-Syeba na Salomɔn sìíw canya myɛ ni.

Ŋúnuyi 106:28

Pe maa peyɛɛ daʔa Baali-Peyɔɔri na, ní i kolocɔlɔ-kúuyi sáriga líi.

Ŋúnuyi 119:106

Mii n kàli, mii a gi foro, mii n jo, mii a mɔ sínni kajoogéle sámaga cò.

Ŋúnuyi 119:115

Ye léeli mii na, yele syɛɛnpeebèle koro ga pye mii í mii Kolocɔlɔw kajoodɛɛngēle cò.

Ŋúnuyi 141:4

Mɔ a kɔ́ mii fúngi yaʔa gi kàri kapeelaa faala kabaan na í, mii í kɔ́ ra tètée kérigèle pínɛ da kpéʔele ní kakolobyebèle ní í. Mii a caa kɔ́ be lìidaannaa faala laala wéle í!

Kàseegèle 23:3

Wi yaliitaanri láa ga yɛlɛ bàā mɔ taagi í, níì cán námara lìile lii.

Danyɛli 1:5

A fànʔafɔw jo kàa í da wóo woro yaliitaanri, ní woro dùvɛɛngbaaw ni bàā kaangi be ma canʔa o canʔa, páā be tama yɛ̀ʔɛlɛ taanri fúngo ni, koro kàdoʔo ma pé náa jée fànʔafɔw fáli ni.

Danyɛli 5:4

A be dùvɛɛnw gbaa, ní i kolocɔlɔbèle sòoló be lè tɛɛ̀, ní wálifiio, ní kanyɛɛnrɛ, ní tunmɔrɔ, ní tiire, ní kàdɛnɛrɛ.

Kapyegèle 11:23

Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní.

Kapyegèle 15:20

Kàjáa wo sɛ́bɛ tórigo be ma, wó be pye paa còʔoró yasunyi nɔ́nʔɔrɔ kele na, n fàra kanɔnʔɔri, ní yacorigboori káara, ní sìsyaanw na.

1 Korɛnti ye 7:37

Kàjáa tofɔwee si wi yére nibin na lè ŋàʔanaga fun n yɛlɛ ní wi nyɛnɛ kéeli ní, níì gi tímana n wéle wiyɛɛ fúngi ni n gi nyaa woro a woro pìíw yaʔa wiyɛɛ taana, wee bee n kacànna pye.

2 Korɛnti ye 9:7

Gee syɔɔn o syɔɔn tímana lè wi fúngi ni, ki n yɛlɛ waa kaangi bi yɛlɛ ní gee bee ní, ki ga yɛlɛ waa kaangi ní funbɛɛnrɛ ní í, koro ga jáa mɔ a jo ŋàʔanaga kéele lii í. Níì cán wee wi kaangi lè ní fundaanra ní, wee bee kéele n Kolocɔlɔɔ dɛ́nɛ.

Làlwaw Kaanziin 32:38

kolocɔlɔbèle bee pe da ni be sárigaw kaasìnmɛ líi lè, ní i be sáriga-yólogow dùvɛɛn gbo lè? Bele bee n yɛlɛ pe yìri bi yele dɛ̀ɛmɛ, pe n yɛlɛ bi sínɛ yele tɔ́n.