Danyɛli 1:7 - Cebaara Bible 2010

⁷ A falipyenǎnbèle kùndigi mɛ́ɛyɛ le be na, Danyɛli wógi gi pye Bɛlitisyasari, Hananya wógi si i nyɛ Syadiraki, Misyayɛli wógi si i nyɛ Mesyaki, Azariya wógi si i nyɛ Abɛdi-Nego.

Danyɛli 1:7 Iomraidhean Croise

Sélimɛ 41:45

A Faraɔnw mɛ́ʔɛ le Zyozɛfu na ni wi yiri Safinati-Payeneya, níì Asinati kaan wi ma wi pye wi cɔɔ̀. Poti-Fera wi da pye lè Ɔn kěgi sáriga-wòloo, woro pyà wi pye Asinati. A Zyozɛfu yiri n sáà Ezyipiti tári myɛ nyaari.

2 Fànʔafɔbèle 23:34

A Faraɔn Neko Zyozyasi jáaw Eliyakimi télege fànʔafɔlɔ wi tóow Zyozyasi sìndɛɛgi ni níì wi mɛ́ɛgi kàriga, a be i wi yiri Yehoyakimi. Wi si maa Yowakazi cò n pye kàsoleo n kári Ezyipiti ma, a wi sáà kùu yaà beè.

2 Fànʔafɔbèle 24:17

A Babilɔni fànʔafɔw Matanya télege fànʔafɔlɔ Yehoyakɛn sìndɛɛgi ni wi pye lè wi tóow senyɛnnɛ̀, níì wi mɛ́ɛgi kàriga ni wi yiri Sedesyasi.

Danyɛli 1:19

A fànʔafɔw joolo kpéʔele ní be ní. Nìgɔcaribèle bee myɛ ni, wi ga Danyɛli, ní Hananya, ní Misyayɛli, ní Azariya félege nyaa be ni í. Koro na pe be le fànʔafɔw fáli ni.

Danyɛli 1:3

A fànʔafɔw gi joo Asyipenazi ma, wi pye lè woro kpáagi falipyenànbēle kundigi, níì wi pye wi pan ní Isirayɛli wóbèle pèle ní, pe pye fàndulugi wóbèle pèle wàlá mɛ́ɛyɛ fɔɔlɔ narigbaaya wóbèle pèle,

Danyɛli 10:1

Pɛrisi fànʔafɔw Sirusi fǎngi yɛɛdaanri wólo na, a syɛɛnraa tɛ̀ɛn Danyɛli na, pe wɔ́ɔ̄ yiri lè Bɛlitisyasari. Syɛ́ɛnri bee i nyɛ kányɛʔɛ, ti i kapɛɛnkpɔɔlɔ kéele nyuu. A wi syɛ́ɛnri bee cò, níì yanyaagi kɔ́rɔ cán.

Danyɛli 2:26

A fànʔafɔw gi joo Danyɛli ma, pe wɔ́ɔ̄ yiri lè Bɛlitisyasari, níì wi pye: «A mɔ a gbǎn mii ŋúnɔgi joo lé bi tɛ̀ɛn mii na si gi kɔ́rɔw joo?»

Danyɛli 2:49

A Danyɛli fànʔafɔw nyɛ́ɛri a wi Syadiraki, ní Mesyaki, ní Abɛdi-Nego télege a be pye Babilɔni tári kacɔɔnribèlē, á Danyɛli si kòro fànʔafɔw kàcoolo ni.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 4:8

Tíigi bee maa kpɔ́ʔɔ níì nìri, ki fínaagi maa kári fwɔɔ n sáà nan nyɛ̀ʔɛni na, syɔɔn ye maa ni gi nyaagi bi be yaʔa yaà tári láʔagéle myɛ ma.

Danyɛli 5:12

Níì cán woro wee wi lè Danyɛli, á fànʔafɔw da mɛ́ʔɛ le wi na ni wi yiri Bɛlitisyasari, woro ni bingaara pile, ní kérigèle cánna, ní cánni, ní ŋúnɔyi kɔ́rɔ joolo fanʔa, ní kàseegèle kɔ́rɔ tɛ̀ɛnnɛ, ní yíbegbanyi syɛɛnlurugoro kaanna nyɛ. Koro na, ki n yɛlɛ pe Danyɛli yeri yaà, wi a ba di kɔ́rɔw joo.»