Danyɛli 1:5 - Cebaara Bible 2010

⁵ A fànʔafɔw jo kàa í da wóo woro yaliitaanri, ní woro dùvɛɛngbaaw ni bàā kaangi be ma canʔa o canʔa, páā be tama yɛ̀ʔɛlɛ taanri fúngo ni, koro kàdoʔo ma pé náa jée fànʔafɔw fáli ni.

Danyɛli 1:5 Iomraidhean Croise

Sélimɛ 41:46

Lǎli ni wi kári n sáà yére Faraɔnw yɛ́ʔɛ ma lè, wi lè Ezyipiti ye fànʔafɔw, wi maa taa yɛ̀ʔɛlɛ toko ní kpɔrigɔ. A Zyozɛfu núngo Faraɔnw taana n kári n sáà Ezyipiti tári myɛ nyaari n foro.

1 Fànʔafɔbèle 10:8

Mɔ syɛ́ɛnbèle i nyɛ dùba pìibēle, mɔ falipyebèle be yèré mɔ yɛ́ʔɛ ma ni mɔ sícilimi syɛ́ɛnrɛ lúro lè, pe i nyɛ dùba pìibēle.

2 Fànʔafɔbèle 25:30

A fànʔafɔw i wi màkonyɔɔ-yáriri kaangi wi ma canʔa o canʔa wi sìíw làla myɛ ni.

2 Cányi kèlē 9:7

Mɔ syɛ́ɛnbèle i nyɛ dùba pìibēle, mɔ falipyebèle be yèré mɔ yɛ́ʔɛ ma ni mɔ sícilimi syɛ́ɛnrɛ lúro lè, pe i nyɛ dùba pìibēle.

Kàseegèle 23:3

Wi yaliitaanri láa ga yɛlɛ bàā mɔ taagi í, níì cán námara lìile lii.

Zyeremii 15:19

Gee bee na Yawe syɛ́ɛnri naa joo níì jo: «Mɔ ga lúru n pan mii ma, mii a ní mɔ lúrugo mɔ í ba ra mii fáliw kpéʔele. Mɔ ga ni yacangi wɛ̀ɛ́ ni láari gbanzan yárigi na, mɔ a pye àmɛɛ mii nyɔ́ɔgi nyɛ lè. Poro má gi nyɛ pe lúru pan mɔ ma, mɔ má ban gi nyɛ mɔ í lúru pan be ma í.

Danyɛli 1:19

A fànʔafɔw joolo kpéʔele ní be ní. Nìgɔcaribèle bee myɛ ni, wi ga Danyɛli, ní Hananya, ní Misyayɛli, ní Azariya félege nyaa be ni í. Koro na pe be le fànʔafɔw fáli ni.

Danyɛli 1:8

A Danyɛli gi kɔ̀rirɔ n tímana n jo woro ga yɛlɛ bi wiyɛɛ nɔ́nʔɔ ní fànʔafɔw yaliitaanra, ní wi dùvɛɛngbaaw ní í, a wi falipyenǎnbèle kùndigi nyɛ́ɛri gbanʔama, níì wi pye wi a kɔ́ woro ŋàʔana woro í wiyɛɛ nɔ́nʔɔ í.

Matye 6:11

Yaliiri mɔ kaangi wolo ma lè canʔa o canʔa, mi níjanʔa wóri kaan wolo ma.

Luki 1:19

A nyɛ̀ʔɛni tunduɔn wi yari: «Mii wi nyɛ Gabiriyɛli, mii i yaà Kolocɔlɔɔ taana. Woro si wi mii tun mɔ ma níì jo mii í ba syɛɛntaanri naa joo mɔ ma.

Luki 11:3

Yaliiree ti a gbǎn wolo yɛlɛ lè, maa dee bee kaangi wolo ma canʔa o canʔa.

Luki 21:36

Ye kòro nyɛ̀nɛ na làrigèle myɛ ni, yáā Kolocɔlɔɔ nyɛ́ɛri, koro ga pye yele í ba fànʔa taa bi syɔɔ kérigèle bee myɛ ma ge maa lè, si taa bi yére Syɔɔn-pya yɛ́ʔɛ ma.»

1 Samyɛli 16:22

A Sawuli tun pe sa Izayi pye: «Mii i mɔ nyɛ́ɛri mɔ í Davidi yaʔa mii ma, níì cán wi kéeli n mii dɛ́nɛ.»