Danyɛli 1:4 - Cebaara Bible 2010

⁴ nìgɔcaribèle pèle, bele cére ti a pye lè tɛɛlɛ fun, bele pe a wélemɛ dɛ́nɛ lè, si cìlige gbanʔama, si pye kacanbèlē, sáā kérigèle cángi da láʔala, poro bele pe a gbǎn ra báara fànʔafɔw fànʔafɔ-gbaʔa ni lè, wi pan ní bele bee ní, pé ba be tama Kalide ye sɛ́bɛri, ní Kalide ye syɛ́ɛnri na.

Danyɛli 1:4 Iomraidhean Croise

Sélimɛ 41:46

Lǎli ni wi kári n sáà yére Faraɔnw yɛ́ʔɛ ma lè, wi lè Ezyipiti ye fànʔafɔw, wi maa taa yɛ̀ʔɛlɛ toko ní kpɔrigɔ. A Zyozɛfu núngo Faraɔnw taana n kári n sáà Ezyipiti tári myɛ nyaari n foro.

2 Samyɛli 14:25

Nànwaa si da pye Isirayɛli myɛw ni wee wi nyɔɔ cere na n Abisalɔmi kwɔ́ɔ lè í. Wi nìjanri wóʔo maa ni nyuu gbanʔama. N séli yédaagèle na fwɔɔ n sáà nan nyùnlibiw na, tɛɛlɛ faala da pye wi na í.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Syɛɛnjóow 7:19

Sícilimi i sícilio nìrí n sɔ̀lɔ kùndigibéle kɛɛ na be nyɛ lè kàʔa nibin ni.

Ezayi 36:11

A Eliyakimi, ní Syebina, ní Yowa sùlasiibèle myɛ kàfɔlɔ taʔara pye: «Wolo i mɔ nyɛ́ɛri, da nyuu ní wolo ní Arameyɛnri ni, wolo wo nyɛ lè mɔ falipyebèle, níì cán wolo n di cán. Mɔ a kɔ́ ra nyuu ní wolo ní Zyuda ye syɛ́ɛnri ni, bàā nii syɛ́ɛnbèle líiweegéle ni be nyɛ tǒw ǹjoʔo ni lè í.»

Zyeremii 5:15

Mii wi wee, mii a syɛɛnfelegaa yìrige tɛɛ̀leelige ni, gi pan yele kánmi na, Isirayɛli kpáagi wòolo,» Yawe wi jo nya. «Fànnɛʔɛgɛ syɛɛnfelege gii, syɛɛnfelegaa gii, gee gi tée i yaà lè booma ni, syɛɛnfelegaa gii, gee gi lè mɔ ga gi syɛ́ɛnri cán í, gee syɛɛnjóoro di lè mɔ a di kɔ́rɔw cán í.

Danyɛli 2:10

A Kalide ye fànʔafɔw yari: «Syɔɔn faala o naa tári na, wee wi a gbǎn gi joo, gee fànʔafɔw caa lè í. Koro na fànʔafɔwaa faala, wogbɔɔɔ wàlá séefɔlɔ, pe wàa ga kɔ́ɔ̀ ŋàʔanaga kéeli naa làa joo n gbàn cɛ́lɛfɔwaa, wàlá kanyaawaa, wàlá Kalide ye wówaa faala ma níì jo li kpéʔele í.

Danyɛli 2:2

A fànʔafɔw tun a be sáà cɛ́lɛfɔbèle, ní kanyaabèle, ní dɛ̀ɛ́bèle, ní Kalide ye yeri, pe ba fànʔafɔw ŋúnɔyɔ tɛ̀ɛn wi na. A be pan n baa yére fànʔafɔw yɛ́ʔɛ ma.

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Danyɛli 4:7

N mii yaʔa mii yasinɛgi na, yanyaayi mii nyaa mii sɔ̀nguri ni lè, yoro yi nyɛ yee naa: Mii n tiige nyaa tári nínge ni, ki maa tɔnɔ gbanʔama.

Danyɛli 5:11

Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Danyɛli 5:7

A fànʔafɔw yákpogi wáa ní fànʔa ní n gi joo níì jo paa maa ní kanyaabèle, ní Kalide ye, ní cɛ́lɛfɔbèle ní. A fànʔafɔw baa gi joo Babilɔni sícilibèle ma níì jo: «Syɔ́ɔnwee wi ga gbàn n sɛ́bɛri naa wéle níì di kɔ́rɔw joo mii ma lè burogbɔɔ-nyɛ̀nʔɛ a le wi na, tɛɛ̀ nyɔ̀ʔɔmɔ si wɔ́ɔ le wi yátiigi ni, wí pye fǎngi kùndigi-taanri wóo.»

Danyɛli 9:1

Dariyusi fǎngi yɛɛzelile na, wi lè Asyerusi jáaw, ní i nyɛ Mɛdi ye syɛɛnfelegi wówaa, woro wee wi baa pye lè Kalide ye fǎngi fànʔafɔlɔ,

Zakarii 2:4

A mii jo: «Nyàʔá be pan ba kpéʔele?» A wi mii yari: «Nyɛ́ngèle wéle gele, koro gele ge Zyuda cariga lè, a gi pye syɔɔn faala a gbǎn nyǔngi yìrige í. Kàjáa fɔ̀nɔnǎnbèle naa n pan bi ba ge fúuro, si syɛɛnfeleyi nyɛ́ngéle kpúmɔn cáan, yoro yee yi nyɛ́nni yìrige Zyuda tári kánma na lè, jàngó bi di syɛ́ɛnbèle cariga.»

Kapyegèle 7:20

Lǎli bee ni be Mowizi see, a Kolocɔlɔɔ tɔ̀nɔ n wi nyaa pìicàɔn. A be i wi gbóo wi tóow kpaʔa ni n baa taa yeye taanri.

Kapyegèle 7:22

A be Mowizi tama Ezyipiti ye sícilimi myɛ ni, a fànʔa pye wi syɛ́ɛnri, ní wi kapyegèle ni.

Efɛzi ye 5:27

koro ga pye bi Egiliziw bee yaʔa wi pye woro ma wojaɔn ní, tɛɛ̀nɔnʔɔgɔ fun, wàlá tɛɛ̀kurɔlɔ fun, kérigèle bee làa faala a kɔ́ pye wi na í, fwɔɔ wi pye womunuyaʔaɔ ní tɛɛlɛ fun.

Jàbɔbèle 8:18

A wi Zeba ní Salimuna pye: «Nǎnbèle bele yele kpóo Tabɔɔri ma lè, mɛ̀ɛ́ pe da pye n sɛ́ɛ?» A be wi yari: «Pe maa tɔ̀nɔ n mɔ wíri. Pe myɛ nibin nibin maa pye àmɛɛ fànʔafɔlɔ jàala nyɛ lè.»