Danyɛli 1:2 - Cebaara Bible 2010

² A Kàfɔw Zyuda fànʔafɔw Yehoyakimi le wi kɔ́yi ni n fàra Kolocɔlɔɔ kpáagi yáriraa na. A wi kári ní yáriri ní Syineyari tári ma n sáà lége wi kolocɔlɔw kpaʔa ni, n tɛ́ʔɛ wi kolocɔlɔw lɔ́rɔ tɛɛkɔngɔ kpaafungo ni.

Danyɛli 1:2 Iomraidhean Croise

Sélimɛ 10:10

Wi fǎngi sélimɛ keye yi pye Babɛli, ní Erɛki, ní Akadi, ní Kaline, Syineyari tári ni.

Sélimɛ 11:2

A pe ga yìri canʔafolomɔ ma ni maa, a be baa jǐnlɔgbɔʔɔ nyaa Syineyari tári ni, a be tɛ́ɛn yaà beè.

2 Fànʔafɔbèle 24:1

Woro lǎli ni Babilɔni fànʔafɔw Nebukadinezari yìri kapɛɛnnɛ kánma na. A Yehoyakimi wiyɛɛ gaan wi ma yɛ̀ʔɛlɛ taanri fúngo ni, kàjáa ní níì wi cée.

2 Cányi kèlē 36:5

Yɛ̀ʔɛlɛ toko ní kagunɔ Yehoyakimi da taa lǎli ni wi baa pye lè fànʔafɔlɔ. Yɛ̀ʔɛlɛ kɛɛ ní nibin wi kwɔ́ɔ fǎngi na Zyerusalɛmi ni. A wi i gi kpéʔele gee gi pee Yawe wi Kolocɔlɔw nyɛ́nɛ na lè.

2 Cányi kèlē 36:7

A Nebukadinezari Yawe kpáagi yáriraa láa n kári Babilɔni ma, ní sáà di tɛ́ʔɛ wi fànʔafɔ-gbaagi ni, Babilɔni ni.

Ɛsidirasi 1:7

Yawe kpáagi yárira Nebukadinezari da láa n yirige Zyerusalɛmi ni n sáà tɛ́ʔɛ wi kolocɔlɔw kpaʔa ni lè, a fànʔafɔw Sirusi toro lúrugo n kaan.

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 42:24

Wìí wi Zyakɔbi le yanɛnɛ-mí-syɔɔbèle kɔ́yɔ ni, n Isirayɛli le yakolibèle kɔ́yɔ ni? Woro ban wi nyɛ Yawe ì, wee na wolo kapeele pye lè ì? Pe ga fɔ̀lɔ bàā táanri wi kóloyi ni í, pe ga wi làlwaw syɛ́ɛnrɛ lóʔo í.

Zyeremii 25:1

Syɛ́ɛnree di nan Zyeremii na lè Zyuda syɛ́ɛnbèle myɛ kéele na, Zyuda fànʔafɔw Yehoyakimi fǎngi yɛ̀ʔɛlɛ sicɛrɛ wóli na wi pye lè Zyozyasi jáaw, toro di nyɛ dee naa. Koro n pye Babilɔni fànʔafɔw Nebukadinezari fǎngi yɛɛzelile na.

Zyeremii 27:16

A mii gi joo kánmi naa na sáriga-wòlobèle, ní syɛ́ɛnbèle naa myɛ ma níì jo: «Yawe n jo: ‹Yele a kɔ́ yele kanyaajoobèle syɛ́ɛnrɛ lóʔo í, poro bele be kérigèle nyaagi ni nyuu yele ma lè níì jo: Wéle, tɔ́ɔliw ni Yawe kpáagi yárira ti a ní láa yirige yaà dee Babilɔni ma bi pan! Níì cán kérigèle be nyaagi ni nyuu yele ma lè. Ke i nyɛ jànvaa.

Zyeremii 28:3

Yɛ̀ʔɛlɛ siin ga kwɔ́ɔ, mii a ní Yawe kpáagi yayigelere myɛ yaʔa ti lúru pan tɛ́ɛgi naa ma, toro dee Babilɔni fànʔafɔw Nebukadinezari láa lè tɛ́ɛgi naa ni n kári ní di ní Babilɔni ma.

Zyeremii 35:11

Lǎli ni Babilɔni fànʔafɔw Nebukadinezari lúgu n pan tári naa kánma na lè, a wolo gi joo níì jo: ‹Yaa maa wo kári Zyerusalɛmi ma, wo fàn Kalide ye kapɛɛnkpumɔnbèle, ní Sirii ye Kapɛɛnkpumɔnbèle na,› kánmi bee na wolo baa tɛ́ɛn Zyerusalɛmi ni.»

Zyeremii 50:2

«Ye gi jáari syɛɛnfeleyi nínge ni, ye gi yaʔa pe gi lóʔo, ye dirapo yìrige! Ye gi yaʔa pe gi lóʔo, ye a kɔ́ gi làriga í! Ye jo: ‹Pe n fànʔa taa Babilɔni na! Fɛ̀ɛrɛ n Bɛli taa. Fyáakpɔɔrɔ n Merodaki cò. Fɛ̀ɛrɛ n wi ǹdedanyi taa, fyáakpɔɔrɔ n wi yasunyi cò.›

Zyeremii 51:44

Mii a keele tɛ́ʔɛ Bɛli na Babilɔni ni, gee wi jɔ́ɔ lè mii a gi kíle yirige wi nyɔ́ɔgi ni, syɛɛnfeleyi a ní kabi da syée wi ma í, àlí Babilɔni tǒw a too!

Danyɛli 5:13

Lǎli bee ni a be pan ní Danyɛli ní fànʔafɔw yɛ́ʔɛ ma. A fànʔafɔw baa gi joo Danyɛli ma níì wi pye: «Mɔ lé wi nyɛ Danyɛliw, wi lè wojobèle ni, bele mii tóow, fànʔafɔw sáà cò lè Zyuda ma n pan?

Danyɛli 5:18

Ee fànʔafɔw, Kolocɔlɔɔ wi lè Pe Myɛ Nyúngo na, wi maa fǎngi, ní kpɔʔɔgbɔɔri, ní kpɔ́ɔmi, ní nìjanri kaan mɔ tóow Nebukadinezari ma.

Habakuki 1:16

Lǎli bee ni wi n ni sáriga wóo wi cɔ̀ɔ́w ma, ni nùndaanni yáriga sórogi wi kùruw ma, níì cán toro bárigaw ni wi lɛɛli pye sìnmɛ wólo, a wi yaliiri tɛ́nɛ.

Zakarii 5:11

A wi mii yari: «Pe i syée sa kpaʔa faan gi ma Syineyari tári ni. Ki ga sámaga n kwɔ́ɔ, pe a sa gi tɛ́ʔɛ yaà beè gi tɛ́ɛgi ni.»

Làlwaw Kaanziin 32:30

Kanmìí na syɔɔn nibin a dée gbǎn be saala kagunɔ kɔ́ri láa da nɛnɛ, syɛ̀ɛnnɛ siin si gbǎn be selebingèle kagunɔ taa paa fé, kapye be Fálagi da be pára í, kapye Yawe da be le be kɔ́yi ni í?

Jàbɔbèle 2:14

A Yawe fundanʔari cò naà Isirayɛli ye kánmi na, a wi be le yakolibèle kɔ́yɔ ni a poro be yáriri koli. Wi n be pára pe nigoobèle ma pe da be màʔa lè, pe ga níì gbàn n yére n be nigoobèle sige í.

Jàbɔbèle 3:8

A Yawe fundanʔari cò naà Isirayɛli ye kánmi na, a wi be le Mezopotamii fànʔafɔw Kusyan-Irisyeyatayimi kɔ́yi ni. A Isirayɛli i báara Kusyan-Irisyeyatayimi ma n baa taa yɛ̀ʔɛlɛ kɔrɔtaanri.

Jàbɔbèle 4:2

A Yawe si be le Yabɛn kɔ́yi ni wi pye lè Kanaan ye fànʔafɔwaa. Hasɔɔri ni wi da pye wodɛ́ɛɔn ní fǎngi na. Wi kapɛɛnkpumɔnbèle kàfɔlɔ wi da pye Sisera. Woro maa pye wodɛ́ɛɔn ní Harosyɛti-Goyimi ni.

1 Samyɛli 5:2

A Filisitini ye Kolocɔlɔɔ kásuw láa n sáà lége Dagɔn kpɔ̀ʔɔrɔli kpaʔa ni n tɛ́ʔɛ Dagɔn taana.