Córolo 3:9 - Cebaara Bible 2010

⁹ Mɔ a Levii ye kaan Aarɔn ní wi jáabèle ma. Pe a be yirige Isirayɛli ye ni bi yaʔa wi ma kɔlɔ̀ na péw.

Córolo 3:9 Iomraidhean Croise

1 Cányi kèlē 15:2

Lǎli bee ni a Davidi jo: «Syɔɔn faala ga yɛlɛ wi Kolocɔlɔɔ kásuw láa í kapye Levii ye ban í. Níì cán Yawe n be nyɛ́nɛ n wòlo paa woro Yawe kásuw tugu, sáā woro fáliw kpéʔele làla o làla.»

1 Cányi kèlē 6:33

Pe senyɛnbèle be lè Levii ye, pe maa poro télege Kolocɔlɔɔ tɛɛkòrogi kpaʔa fáli myɛ pyele kánma na,

Ɛsidirasi 2:43

Netinyɛbèle si i nyɛ Siya yòdaʔayi, ní Hasufa yòdaʔayi, ní Tabawɔti yòdaʔayi,

Ɛsidirasi 6:18

A be sáriga-wòlobèle télege n yɛlɛ ní be kabiyi ní, ní Levii ye, n yɛlɛ ní be tílaganmi ní Kolocɔlɔɔ fáliw pyele na Zyerusalɛmi ni, n yɛlɛ ní gi ní àmɛɛ gi sɛ́bɛ lè Mowizi sɛ́bɛw ni.

Ɛsidirasi 8:20

Netinyɛbèle ni, bele Davidi ní kùndigibèle da kaan lè paa báara Levii ye ma, pe n pye Netinyɛbéle sirakele ní toko, bele bee myɛ maa yeri pe mɛ́ɛyi na.

Córolo 16:9

Amɛɛ Isirayɛli ye Kolocɔlɔw yele yirige Isirayɛli syɛ́ɛnmi ni n yaʔa kɔlɔ̀ na lè, níì yele nùuni wiyɛɛ na jàngó yele í da báara Yawe kpɔ̀ʔɔrɔli fànikpaʔa ni lè, bàā yèré syɛ́ɛnmi yɛ́ʔɛ ma sáā báara bi ma, a koro i nyɛ lé kapiipiile yele ma ?

Córolo 18:2

Mí wɔ́ɔ pan ní mɔ senyɛnbèle ní, pe lè Levii syɛɛnfelegi wòolo, pe lè mɔ tofɔdulugi wòolo, koro ga pye be pínɛ ní mɔ ní bàā báara mɔ ma, lǎli ni mɔ ní mɔ jáabèle ga pye lè fáliw na séeraw fànikpaʔa yɛ́ʔɛ ma.

Córolo 3:8

Pe a pye Syɛ́ɛnmi Tɛɛfaraga fànikpaʔa yayigelere myɛ kɔ̀rɔsiifɔɔlɔ, n fàra yáriree na di kàlifáa Isirayɛli ye ma lè paa di kɔ̀rɔsíi sáā kpɔ̀ʔɔrɔli fànikpaʔa fáli kpéʔele.

Córolo 8:14

Mɔ a Levii ye wàli bi yirige Isirayɛli ye níngi ni. Levii ye a pye mii wòolo.

Córolo 8:16

Níì cán pe n yaʔa mii ma kɔlɔ̀ na wobobéle ní Isirayɛli ye níngi ni. Mii n be láa be pye mii wòolo nànbiiseligèle sìndɛʔɛ ni, Isirayɛli nànbiilɛɛgèle myɛ sìndɛʔɛ ni Isirayɛli ye níngi ni.

Córolo 8:18

Mii si n Levii ye láa Isirayɛli ye nànbiiseligèle myɛ sìndɛʔɛ ni.

Córolo 8:19

Mii n Levii ye kaan Aarɔn ní wi jáabèle ma Isirayɛli ye níngi ni paa báara Isirayɛli ye ma Syɛ́ɛnmi Tɛɛfaraga fànikpaʔa ni, jàngó paa Isirayɛli ye kapeegèle kùsulugo fáli kpéʔele, kánmi bee na káfalagi yáamaa faala a nan Isirayɛli ye na í, àmɛɛ gi nyɛ lè Isirayɛli ye a nùuni tɛɛcǎngi na í.»

Efɛzi ye 4:11

Wi n pèle kaan poro í pye pìitunbéle, níì pèle kaan pe pye kanyaajoobéle, pèle si pye Syɛɛnjóocǎnri joofɔɔlɔ, pèle si pye bànaʔabēle ní tamafɔɔlɔ.

Efɛzi ye 4:8

Koro na gi jo: «Wi lúgu ǹjogi ni lè, a wi pulobèlē kɔ́ri n kári níì yakaanya kaan syɛ́ɛnbèle ma.»