Córolo 3:8 - Cebaara Bible 2010

⁸ Pe a pye Syɛ́ɛnmi Tɛɛfaraga fànikpaʔa yayigelere myɛ kɔ̀rɔsiifɔɔlɔ, n fàra yáriree na di kàlifáa Isirayɛli ye ma lè paa di kɔ̀rɔsíi sáā kpɔ̀ʔɔrɔli fànikpaʔa fáli kpéʔele.

Córolo 3:8 Iomraidhean Croise

1 Cányi kèlē 23:27

Levii ye córomi be kpéʔele lè n séli yɛ̀ʔɛlɛ toko wóbèle na ní poro yɛ́ʔɛ má wóbèle ní, ki n pye n yɛlɛ ní Davidi syɛɛnsanri ní.

2 Cányi kèlē 29:11

Tɔ́ɔliw ni ni pìibēle, ye láʔa nya kacáan-yaʔari na, níì cán Yawe n yele nyɛ́nɛ n wòlo yele í da yèré woro yɛ́ʔɛ ma bàā woro fáliw kpéʔele, yele í pye woro falipyebèlē sáā nùndaanni yárira sórogi woro ma.»

Ezayi 52:11

Ye kári, ye kári, ye yiri yaà beè! Yele a kɔ́ tánga yanɔnʔɔgɔ faala na í! Ye yiri gi níngi ni! Ye yeyɛɛ jée ye mùnu, yele bele ye Yawe yacanri tugu lè.

Córolo 10:17

A be kpɔ̀ʔɔrɔli fànikpaʔa waragi, a Gerisyɔn yòdaʔayi wòolo, ní Merarii yòdaʔagi wòolo kpɔ̀ʔɔrɔli fànikpaʔa tugo n kári.

Córolo 10:21

A Kehati ye tɛɛcǎngi yárira tugo n kári, á bele sáà kpɔ̀ʔɔrɔli fànikpaʔa kóri ni be sige sáni be nan yaà lè.

Córolo 3:7

Yáriri di kàlifáa wi ní Isirayɛli syɛ́ɛnmi myɛ ma lè, syɛ́ɛnmi tɛɛfaragaa fanikpaʔa yɛ́ʔɛ ma, paa dee bee kpáa wéle, sáā kpɔ̀ʔɔrɔli fànikpaʔa fáli kpéʔele.

Córolo 3:9

Mɔ a Levii ye kaan Aarɔn ní wi jáabèle ma. Pe a be yirige Isirayɛli ye ni bi yaʔa wi ma kɔlɔ̀ na péw.

Córolo 31:30

Tílagee gi kaan Isirayɛli ye ma lè, mɔ a syɛ̀ɛnnɛ nibin nibin láʔala togoye siin ní kpɔrigɔ kpɔrigɔw na, bi yaweegèlē nibin nibin láʔala togoye siin ní kpɔrigɔ kpɔrigɔw na yaweekpologèle, ní jòfanibèle, ní yaweeyiligèle na, gee bee n jo yaweeri myɛw bi kaan Levii ye ma, poro bele má Yawe kpɔ̀ʔɔrɔli fànikpaʔa fáli kpaawelere kàlifáa lè.»

Córolo 4:15

Lǎli ni Aarɔn ní wi jáabèle ga yacanri ní tɛɛcǎngi yayigelere myɛ tɔ́n n kwɔ́ɔ lè, Kehati yòdaʔayi wòolo a pan tɛɛkòrogi làriyìrile ni bi ba di láa, kàjáa pe a kɔ́ tánga yacanri na í, pe ga koro pye pe a kùu. Toro di nyɛ Kehati yòdaʔayi wòolo túgoro Syɛ́ɛnmi Tɛɛfaraga fànikpaʔa ni.

Córolo 4:28

Wee bee wi nyɛ Gerisyɔn yòdaʔayi túlugo woolo fáli, Syɛ́ɛnmi Tɛɛfaraga fànikpaʔa ni. Aarɔn wi lè sáriga-wòlow, woro jáaw Itamari wi a ra be kàragí fáliw bee ni.

Córolo 4:33

Merarii yòdaʔayi túlugo woolo fáli wi nyɛ wee bee, Syɛ́ɛnmi Tɛɛfaraga fànikpaʔa ni. Aarɔn wi lè sáriga-wòlow, woro jáaw Itamari wi a ra be kàragí.»