Córolo 3:7 - Cebaara Bible 2010

⁷ Yáriri di kàlifáa wi ní Isirayɛli syɛ́ɛnmi myɛ ma lè, syɛ́ɛnmi tɛɛfaragaa fanikpaʔa yɛ́ʔɛ ma, paa dee bee kpáa wéle, sáā kpɔ̀ʔɔrɔli fànikpaʔa fáli kpéʔele.

Córolo 3:7 Iomraidhean Croise

1 Cányi kèlē 26:20

Ahiya wi pye lè Levii yòdaʔagaa, woro maa pye Kolocɔlɔɔ kpáagi lɔ́rɔ tɛɛkɔnyɔ, ní yacanri lɔgɔn-tɛ́ɛyɛ nyúngo na.

1 Cányi kèlē 26:22

n fàra Yeyiyelii jáabèle na, pe lè Zetami ní wi senyɛnw Zyowɛli, poro pe da télege Yawe kpáagi lɔ́rɔ tɛɛkɔnyɔ nyúngo na.

1 Cányi kèlē 26:26

Syelomitiw bee, ní wi senyɛnbèle pe da télege yacanri tɛɛkɔnyɔ myɛ nyúngo na, dee fànʔafɔw Davidi, ní narigbaayi kùndigibéle, ní saala kagunɔ kagunɔw kàfɔɔlɔ, ní dabata-daw kàfɔɔlɔ, ní sùlasiibèle kàfɔzanbèlē da yaʔa kɔlɔ̀ na Kolocɔlɔɔ ma lè.

Levii ye sáriga-wòlori 8:35

Koro na gi yɛlɛ ye kòro Syɛ́ɛnmi Tɛɛfaraga fànikpaʔa kpaaweele yɛ́ʔɛ ma canʔa ní yébilige bi taa cányi kɔrɔsiin, jàngó bi Yawe syɛ́ɛnri foro. Koro ga pye yele a kɔ́ kùu í. Níì cán koro gi joo n gbàn mii ma.»

Córolo 1:50

Séeraw fànikpaʔa, ní gi yayigeleri, ní gi yáriri myɛ le Levii ye kɔ́yi ni. Pe a ra kpɔ̀ʔɔrɔli fànikpaʔa ní gi yayigeleri myɛ lée sáā gi fáliw kpéʔele. Pe a ra tɛ̀ɛ́n kpɔ̀ʔɔrɔli fànikpaʔa taana bi gi màʔa.

Córolo 1:53

Kàjáa Levii ye pe a ra tɛ̀ɛ́n bàā séeraw fànikpaʔa máari koro ga pye mii fundanʔari a kɔ́ too Isirayɛli syɛ́ɛnmi na í. Levii ye pe a ra séeraw fànikpaʔa kpáa wéle.»

Córolo 3:32

Aarɔn wi lè sáriga-wòlow, woro jáaw Eleyazari wi da pye Levii ye kùndigikpɔɔw. Bele pe da kpéʔele lè tɛɛcǎngi kpaàwelebéle, woro wi da pye bele bee kɔ̀rɔsiifɔlɔ.

Córolo 3:8

Pe a pye Syɛ́ɛnmi Tɛɛfaraga fànikpaʔa yayigelere myɛ kɔ̀rɔsiifɔɔlɔ, n fàra yáriree na di kàlifáa Isirayɛli ye ma lè paa di kɔ̀rɔsíi sáā kpɔ̀ʔɔrɔli fànikpaʔa fáli kpéʔele.

Córolo 31:30

Tílagee gi kaan Isirayɛli ye ma lè, mɔ a syɛ̀ɛnnɛ nibin nibin láʔala togoye siin ní kpɔrigɔ kpɔrigɔw na, bi yaweegèlē nibin nibin láʔala togoye siin ní kpɔrigɔ kpɔrigɔw na yaweekpologèle, ní jòfanibèle, ní yaweeyiligèle na, gee bee n jo yaweeri myɛw bi kaan Levii ye ma, poro bele má Yawe kpɔ̀ʔɔrɔli fànikpaʔa fáli kpaawelere kàlifáa lè.»

Córolo 8:11

Aarɔn a Levii ye kpéʔele sáriga-fíigeo Yawe yɛ́ʔɛ ma Isirayɛli ye sìndɛɛgi ni, bi be yaʔa kɔlɔ̀ na Yawe fáliw kéele na.

Córolo 8:15

Koro kàdoʔo ma Levii ye a jée bàā báara syɛ́ɛnmi tɛɛfaraga fànikpaʔa ni. Kánmi bee na mɔ a be jée mùnu si be kpéʔele sáriga-fíigeo.