Córolo 22:3 - Cebaara Bible 2010

³ A Mowabi tɔ̀nɔ n fyáa gbanʔama syɛɛnnɛnʔɛmi bee na. Isirayɛli kéeli maa tɔ̀nɔ n pye zɔ̀nviikɔnirɔ Mowabi na.

Córolo 22:3 Iomraidhean Croise

Nehemii 13:2

Níì cán pe da pan n baa Isirayɛli ye fàra ní yaliire, ní lɔ̀ʔɔ ní í, ní àmɛɛ pe da Balaami láa lè sàra na níì jo wi ba be dánga. Kàjáa a wolo Kolocɔlɔw dángaw kàriga dùba.

Ŋúnuyi 53:5

Kakolobyebèle ga yarigaa cán wii ì? Pe i mii syɛ́ɛnbèle káa, pe i be líi àmɛɛ búru nyɛ lè, pe o Kolocɔlɔɔ mɛ́ɛgi yeri í.

Yirile 1:12

Kàjáa kánmee na be da ni kàa taari be wɔʔɔli na lè, a kàa wɔ́ɔ i fàrá be nɛʔɛni na ni syée nya. A Isirayɛli ye kéeli tɔ̀nɔ n be bɛɛn.

Yirile 15:15

Edɔmi sùlasiibèle kàfɔɔlɔ i fɛ̀ɛgí gbanʔama. Fyáara n Mowabi yòdaʔayi fànʔafɔbiigéle cò, a ge i cɛ̀lɛ́. Kanaan syɛ́ɛnbèle myɛ fànʔa n kwɔ́ɔ.

Yirile 23:27

Mii a mii fyáakpɔɔri yaʔa di kíni mɔ yɛ́ɛgi na. Syɛɛnfeleyee tɛ́ʔɛ ma mɔ syée lè, mii a yee bee myɛ yaʔa yaa fɛ̀ɛgí mɔ na. Mii a mɔ nigoobèle myɛ yaʔa be kàdoʔo kaan bàā fé mɔ na.

Ezayi 23:5

Ezyipiti ye ga Tiiri tooli kéele lóʔo lǎli ni lè, pe a cúngo ti lóʔoli báriga ni.

Làlwaw Kaanziin 2:25

Mii a séli níjanʔa na bi mɔ fyáari cáan syɛɛnfeleyi na yi nyɛ lè nyɛ̀ʔɛni myɛ láara ni, yi a ra fɛ̀ɛgí mɔ na. Mɔ mɛ́ɛgi lóʔolo a yi kaan yaa cɛ̀lɛ́, yi fúnyi si curugo mɔ yɛ́ʔɛ ma.

Zyozuwe 2:24

Pe n baa gi joo Zyozuwe ma níì jo: «Kányɛʔɛ na Yawe n tɔ̀nɔ n tári myɛ le wolo kɔ́yi ni. Tári syɛ̀ɛnnɛ myɛ báriga n tɔ̀nɔ n kwɔ́ɔ wolo yɛ́ʔɛ ma.»

Zyozuwe 9:24

A be Zyozuwe yari: «Gee na wolo gee bee kpéʔele lè, koro gi nyɛ ncan ki n fílige n joo wolo ma wo nyɛ lè mɔ púlobèle níì jo Yawe mɔ Kolocɔlɔw maa gi joo n gbàn wi falipyew Mowizi ma níì jo wi tári naa myɛ kaan yele ma, si di syɛ́ɛnbèle myɛ kálagi yele yɛ́ʔɛ ma. Gee bee na wolo fyáa yele na gbanʔama wolo sìíw kéele na.