Córolo 2:2 - Cebaara Bible 2010

² «Isirayɛli ye myɛ nibin nibin a tɛ́ɛn pe káfalibèle taana, pe narigbaayi fɛ̀ɛbēle láara ni. Pe si a tɛ́ɛn canʔana Syɛ́ɛnmi Tɛɛfaraga fànikpaʔa na bi gi màʔa.

Córolo 2:2 Iomraidhean Croise

Ŋúnuyi 74:4

Mɔ kasiitun-nyɛnbèle n cóʔoro gbanʔama mɔ syɛ́ɛnmi tɛɛ̀kpoʔorogo fanikpaʔa ni, àlí pe n be dìrapobèle pwɔɔ yaà n pye fɛ̀ɛ.

Ŋúnuyi 76:11

Alí syɔɔn ye fundanʔari a ra mɔ mɛ́ɛgi kpɔ̀ʔɔrɔ́. Mɔ a fundanʔari wogorobéle tɛ́ʔɛ bi miyɛɛ bwɔɔ.

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 18:3

Yele bele myɛ ye nyɛ lè wodɛ́ɛnbéle ní dulunyanw ni, yele bele ye nyɛ lè tári syɛ́ɛnmɛ, dìrapow ga yìrige nyanbeleyi na, yaa wi wéle, tòmaagi ga wìi, yaa gi lúro.

Ezekyɛli 43:7

Wi n mii pye: «Syɔɔn-pya, nɛɛ naa wi nyɛ mii fàngoli tɛ́ʔɛ, tɛ́ɛgee ni mii a mii yédaagèle taʔa lè. Beè mii a tɛ́ɛn kòro kwɔ́ɔmɔ fun Isirayɛli ye níngi ni. Isirayɛli kpáagi wòolo, ní be fànʔafɔbèle a ní mii mɛ́ɛcǎngi nɔ́nʔɔ ní be kanɔnʔɔri, ní be fànʔafɔbèle woguubéle ní, pe sáriga-wòlo-tɛ́ɛyi ni í.

Zakarii 9:16

Yawe be Kolocɔlɔw a be syɔɔ cángi bee na àmɛɛ bàala nyɛ pe lè wi syɛ́ɛnbèle. Níì cán pe i nyɛ fànʔafɔ-nyùndɔnnɔ kadɛɛngèlē, gele ge daragi wi tásaligi na lè.

Córolo 1:50

Séeraw fànikpaʔa, ní gi yayigeleri, ní gi yáriri myɛ le Levii ye kɔ́yi ni. Pe a ra kpɔ̀ʔɔrɔli fànikpaʔa ní gi yayigeleri myɛ lée sáā gi fáliw kpéʔele. Pe a ra tɛ̀ɛ́n kpɔ̀ʔɔrɔli fànikpaʔa taana bi gi màʔa.

Córolo 10:14

Zyuda yòdaʔayi tɛɛkòrogo wòolo káfali wi sélì yìri n kári ní wi sùlasiibèle kabiya ní. Nasyɔn wi lè Aminadabi jáaw, woro wi pye Zyuda sùlasiibèle nyúngo na.

Córolo 10:18

A Wurubɛn yòdaʔayi tɛɛkòrogo wòolo káfali yìri n kári ní wi sùlasiibèle kabiya ní. Elisuri wi lè Syedewuri jáaw, woro wi pye Wurubɛn sùlasiibèle nyúngo na.

Córolo 10:22

A Efirayimi yòdaʔayi tɛɛkòrogo wòolo káfali náà yìri n kári ní wi sùlasiibèle kabiya ní. Elisyama wi lè Amihudi jáaw, woro wi pye Efirayimi sùlasiibèle nyúngo na.

Córolo 10:25

A Dan yòdaʔayi tɛɛkòrogo wòolo káfali náà yìri n kári ní wi sùlasiibèle kabiya ní. Poro pe da pye tɛɛkòroyi myɛ kàdoʔo ma. Ahiyezɛɛri wi lè Amisyadayi jáaw, woro wi pye Dan sùlasiibèle nyúngo na.

Córolo 2:1

A Yawe gi joo Mowizi ní Aarɔn ma níì jo:

Córolo 2:10

Wòrogulo kàbangi na Wurubɛn tɛɛkòrogi káfali a pye, n fàra wi sùlasiibèle kabiya na. Wurubɛn yòdaʔayi kùndigi wi nyɛ Elisuri wi lè Syedewuri jáaw.

Córolo 2:3

Bele pe a tɛ́ɛn canʔafolomɔ ma lè, yɛʔɛ̀ ma, poro a pye Zyuda wóbèle tɛɛ̀tɛ́nɛgɛ káfali taana ní be kapɛɛnkpumɔnbèle kabiya ní. Zyuda yòdaʔayi kùndigi wi nyɛ Nasyɔn, wi lè Aminadabi jáaw.

Córolo 24:2

A Balaami wi yɛ́ɛgi yìrige n wéle n Isirayɛli ye nyaa wodɛ́ɛnbéle ní n yɛlɛ ní be syɛɛnfeleyi ní. A Kolocɔlɔɔ Pǐli tìgi n tɛ́ɛn wi na.

1 Korɛnti ye 14:33

Níì cán Kolocɔlɔɔ o nyɛ kanyaʔamiri kaanfɔlɔ í, fwɔɔ katimanagèle kaanfɔlɔ. Amɛɛ gi kpéʔele lè Kolocɔlɔɔ syɛɛncanbèle egilizibéle myɛ ni,

1 Korɛnti ye 14:40

Kàjáa ki n yɛlɛ yaa kérigèle myɛ sámagi yaa kpéʔele ke kpéʔeleganmi na.

Filipikaʔa ye 1:27

Gee nibin gi nyɛ gi ni lè, koro gi nyɛ yaa táanri yaa yɛlɛgi ní Kirisi Syɛɛnjóocǎnri ní, koro ga pye mii ga kári yaà sa yele wéle yoo, a mii náà kòro sìngári ni yaà yoo, mii í yele kéeli lóʔo pe jo yele i yaà n kòro pìle nibin ni, níì pínɛ ni kapɛɛnni kpúmɔn ní fungo nibin ní tágali kéele na li lè Syɛɛnjóocǎnri wólo,

Kɔlɔsi ye 2:19

Wi ga Kirisi cò gbanʔama í, wi lè nyǔngi, gee gi céri tɛ́ɛyɛ myɛ màko nyɔɔgi lè, níì yi sogi yiyɛɛ na yi tɛɛsogiyi ní kapanyi báriga ni, jàngó céri í da kpɔ́ʔɔgi bàā yɛlɛgi ní Kolocɔlɔɔ kínidɛnɛgi ní.

Zyozuwe 3:4

Cúlo nibin félege si n yɛlɛ wi pye yele ní wi níngi ni, yele a kɔ́ nùuni wi na í. Kólogee yele yɛlɛ bi láa lè, woro wi a gi tɛ̀ɛn yele na, níì cán yele ga kɔ́ɔ̀ sɔ̀lɔ n nyaa kólogi bee ni í.»