Córolo 1:2 - Cebaara Bible 2010

² «Ye Isirayɛli syɛ́ɛnmi myɛ mɛ́ɛyɛ sɛ́bɛ bi yɛlɛ ní be túluyi, ní be narigbaayi kánma ní. Mɔ a nǎnbèle myɛ nibin nibin sɛ́bɛ,

Córolo 1:2 Iomraidhean Croise

Yirile 12:37

A Isirayɛli ye yiri Aramisɛsi ni ni syée Sukɔti ma tɔlɔyɔ na. Nǎnbèle nyɔ́ɔ n pye sirakamayɛ toko ní kpɔrigɔ félege. Pìíbèle ga córo yaà í.

Yirile 30:12

«Lǎli ni mɔ ga ni jà Isirayɛli ye córo bi be nyɔ́ɔgi cán lè, pe myɛ nibin nibin n yɛlɛ bi be tiimaa nyùnzyɔɔri sàra kaan mii Yawe ma, koro ga pye pe ga be córo lǎli ni lè, káfalagi yáama a kɔ́ too be na í.

Yirile 38:25

Wálifiiw wi da kaan lè syɛ́ɛnbèle córomɔ lala ni, wi maa pye cúlobéle selebinnɛ ní saala kagunɔ ní kɛɛ ní kɔrɔsiin, ní gíramibéle saala taanri ní togoye kɔrɔsiin ní kpɔrigɔ, n yɛlɛ ní tɛɛcǎngi cúlo líbeganma ní.

Yirile 38:26

Gíramibéle kagunɔ kagunɔ n yɛlɛ ní tɛɛcǎngi wáli nyɔ́ɔ ní, woro wi pye nǎnbèle myɛ nibin nibin nyúnyo na, poro bele sirakamayɛ toko ní kpɔrigɔ ní selebinnɛ ní saala kɔrɔsiin ní togoye kɔrɔsiin ní kpɔrigɔ be córo lè, n séli yɛ̀ʔɛlɛ toko wóbèle na ni syée yaà.

Córolo 1:18

A be syɛ́ɛnmi myɛ kpóʔoro yeziin wógi cânzelige na. A pe be mɛ́ɛyi sɛ́bɛ n yɛlɛ ní be túluyi ní, pe tofɔlɛɛyi mɛ́ɛyɛ na n yɛlɛ ní be narigbaayi ní, n séli yɛ̀ʔɛlɛ toko toko wóbèle na ni syée poro yɛ́ʔɛ ma wóbèle kurugo.

Córolo 1:19

A Mowizi be córo Sinayii fìími tára ni, n yɛlɛ ní gi ní àmɛɛ Yawe da gi joo n gbàn wi ma lè.

Córolo 1:22

Simeyɔn jáabèle wòolo, n yɛlɛ ní be taʔalagèle, ní be túlugi wòolo ní, n yɛlɛ ní be narigbaayi ní, bele be córo lè mɛ́ɛyɛ na, nǎnbèle myɛ nibin nibin n séli yɛ̀ʔɛlɛ toko wóbèle na, ni syée poro yɛ́ʔɛ ma wóbèle kurugo, bele myɛ pe da pye bi gbǎn kapɛɛnkpumɔn-yárira láa lè,