Córolo 1:1 - Cebaara Bible 2010

¹ Yawe n joo ní Mowizi ní Sinayii fìími tára ni, Syɛ́ɛnmi Tɛɛfaraga fànikpaʔa ni, pe yirili kàdoʔo ma Ezyipiti tári ni yɛɛziin wóli yeziin wóʔo cânzelige na, níì jo:

Córolo 1:1 Iomraidhean Croise

1 Fànʔafɔbèle 6:1

Isirayɛli ye yiri lè Ezyipiti tári ni, a yɛ̀ʔɛlɛ saala siin ní togoye sicɛrɛ ga kwɔ́ɔ, a Salomɔn séli Yawe kpɔ̀ʔɔrɔli kpaʔa faanna na. Salomɔn tɛ́ɛn lè fǎngi na, ki yɛ̀ʔɛlɛ sicɛrɛ wóli li pye lee bee. Fáliw bee n séli Ziivi yégi ni ki lè yɛ́ɛli yeziin wóʔo.

Yirile 19:1

Isirayɛli ye yirili kàdoʔo ma Ezyipiti tári ni, ki yedaanri wógi na pe jée cángi bee Sinayii fìími tára ni.

Yirile 19:2

Erefidimi ni pe da yiri níì jée Sinayii fìími tára ni n be fànikpaayi kóri. Isirayɛli ye maa be fànikpaayi kóri n yɛʔɛ̀ wáa nyanbelegi ma.

Yirile 25:22

Mii a ra mɔ fàrá kapeegèle kùsulugo tɛ́ʔɛ ǹjoʔo ni, séeraw kásu na syerubɛnbèle siin nínge ni, koro ga pye bàā mii tundunri myɛ nyuu da gbàngí mɔ ma Isirayɛli ye kéeli na.

Yirile 40:17

Yɛɛziin wóli yézelige cânzelige na a be kpɔ̀ʔɔrɔli fànikpaʔa kóri.

Yirile 40:2

«Yɛ́ɛli yézelige cânzelige na, ki n yɛlɛ mi kpɔ̀ʔɔrɔli fànikpaʔa kóri, ki lè Syɛ́ɛnmi Tɛɛfaraga fànikpaʔa.

Levii ye sáriga-wòlori 1:1

A Yawe kòro yaà Syɛ́ɛnmi Tɛɛfaraga fànikpaʔa ni níì Mowizi yeri níì joo ní wi ní níì jo:

Levii ye sáriga-wòlori 27:34

Tundunri Yawe joo Mowizi ma lè, Isirayɛli ye kéeli na Sinayii nyanbelegi na, toro di pye dee bee.

Córolo 1:18

A be syɛ́ɛnmi myɛ kpóʔoro yeziin wógi cânzelige na. A pe be mɛ́ɛyi sɛ́bɛ n yɛlɛ ní be túluyi ní, pe tofɔlɛɛyi mɛ́ɛyɛ na n yɛlɛ ní be narigbaayi ní, n séli yɛ̀ʔɛlɛ toko toko wóbèle na ni syée poro yɛ́ʔɛ ma wóbèle kurugo.

Córolo 12:4

Lǎli bee wonijanna ni, a Yawe gi joo Mowizi, ní Aarɔn, ní Miriyami ma níì be pye: «Ye yiri yele taanriw, ye pan syɛ́ɛnmi tɛɛfaraga fànikpaʔa ma.» A be taanriw yiri n pan.

Córolo 9:1

A Yawe joo ní Mowizi ní Sinayii fìími tára ni, pe yirili kàdoʔo ma Ezyipiti tári ni yɛɛziin wóli yézelige na, wi n jo:

Làlwaw Kaanziin 1:3

Yɛ̀ʔɛlɛ togoye siin wóli yeye kɛɛ ní nibin wógi cânzelige na, syɛ́ɛnri Yawe da joo n gbàn Mowizi ma Isirayɛli ye kéeli na lè, a Mowizi ti myɛ joo be ma.

Làlwaw Kaanziin 2:14

Lǎlee wolo kwɔ́ɔ tánʔani na lè n yìri Kadɛsyi-Barineya ma n taa n sáà Zeredi lòcoologi jeli lè, li n pye yɛ̀ʔɛlɛ toko ní kpɔrigɔ ní kɔrɔtaanri, fwɔɔ n taa yìrili bee syɛ̀ɛnnɛ be pye lè kapɛɛnkpumɔnbèle, a poro kwɔ́ɔ n yiri tɛɛkòrogi ni àmɛɛ Yawe da kàli be ma lè.

Làlwaw Kaanziin 2:7

Níì cán Yawe mɔ Kolocɔlɔw n dùbaw taʔa mɔ na mɔ kɔ́yi fáli myɛ ni. Wi n mɔ kpáaw wéle mɔ tánʔani làla ni fìimɛ tákpɔɔri naa ni. Ki yɛ̀ʔɛlɛ togoye siin wi wee Yawe mɔ Kolocɔlɔw i nyɛ ní mɔ ní, yarigaa faala ga mɔ fɔ̀n í.