Kɔlɔsi ye 4:3 - Cebaara Bible 2010

³ Ki n yɛlɛ ye wɔ́ɔ yaa nyɛ́ɛri wolo kéeli na, koro ga pye Kolocɔlɔɔ í kpàánweele múgu wolo ma syɛ́ɛnri joolo kéele na, jàngó wolo í da Kirisi kalarali kéele nyuu, loro lee kéele na pe mii pwɔɔ lè,

Kɔlɔsi ye 4:3 Iomraidhean Croise

Matye 13:11

A wi be yari: «Ki n kaan yele ma yele í nyɛ̀ʔɛni fànʔa kalaragēle cán, kàjáa ki ga kaan poro ma í.

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

1 Korɛnti ye 16:9

Níì cán Kolocɔlɔɔ n kɔ̀rikpɔʔɔ sámaga n múgu mii ma fáliw kéele na, á kàsiitun-nyɛ́nbèle si nɛʔɛ.

1 Korɛnti ye 4:1

Kánmi bee na syɛ́ɛnbèle yɛlɛ paa wolo córo Kirisi falipyebèlē ní Kolocɔlɔɔ kalaragèle cɔɔnrifɔɔlɔ.

2 Korɛnti ye 2:12

Lǎli ni mii nan Turowasi na lè, ní i caa bàā Kirisi Syɛɛnjóocǎnri nyuu, a Kàfɔw kpaaweele múgu mii ma yaà,

Efɛzi ye 3:1

Gee bee na mii Pɔli wi nyɛ lè Kirisi Zyezu kàsoleo yele syɛɛnfeleyi wozanya kéele na,

Efɛzi ye 3:3

Yanyaʔa báriga ni mii kalarali bee cán n yɛlɛ ní gi ní àmɛɛ mii li sɛ́bɛ lè syɛɛnkanya cɛɛri ni.

Efɛzi ye 3:4

Yele ga ni dee bee wéle yele a gbǎn gi nyaa àmɛɛ mii Kirisi kalarali cán lè.

Efɛzi ye 3:9

mii si wɔ́ɔ ra kalarali fáli kpéʔele bi li yirige gbɛ̀ɛ́nmi na, Kolocɔlɔwee wi yáriri myɛ faan lè, wi maa kalarali bee làriga wi fúngi ni nlaa yaà làridɔɔnnɔ ni,

Efɛzi ye 4:1

Gee bee na mii i yele nyɛ́ɛri, mii wi lè Kàfɔw kàsoleo, níì jo kéelee na Kolocɔlɔɔ yele yeri lè, yele í da táanri da yɛlɛgi ní lee bee ní.

Filipikaʔa ye 1:19

Níì cán mii n gi cán gee naa myɛ kàdoʔo a ba pye mii syɔɔli sábabu yele nyɛ́ɛrigi báriga ni n fàra Zyezu Kirisi Pǐli dɛ̀ɛmɛnɛ na.

Filipikaʔa ye 1:7

Sɔ̀nguri bee n yɛlɛ mii í di sɔ̀ngi yele myɛ kéeli na, níì cán yele kéeli i nyɛ mii fúngi ni, á yele myɛ yele lɛɛli taa kpɔ́ʔɔri ni ní mii ní n mii yaʔa naa kàsokpaagi ni, ní wɔ́ɔ̀ yele lɛɛli taa kpɔ́ʔɔri ni ní mii ní àmɛɛ mii Syɛɛnjóocǎnri tèé lè níì jo ti i nyɛ kányɛʔɛ, ní wɔ́ɔ i nyɛ báriga syɛ́ɛnrɛ.

Kɔlɔsi ye 1:26

Kolocɔlɔɔ maa syɛ́ɛnri bee làriga syɛ́ɛnbèle myɛ na nlaa yaà làridɔɔnnɔ ni, kàjáa tɔ́ɔliw ni wi n di tɛ̀ɛn wi syɛɛncanbèle na,

Kɔlɔsi ye 4:18

Mii Pɔli tiimaa kɔ́gi gi fòów naa sɛ́bɛ. Ye sɔ̀ngi ye taa gi na àmɛɛ pe mii pwɔɔ lè. Ki n yɛlɛ Kolocɔlɔɔ í kpɔ́ʔɔri kaan yele ma!

1 Tesaloniki ye 5:25

Ni senyɛ̀nnɛ, ki n yɛlɛ yaa nyɛ́ɛri wolo kéeli na.

2 Timɔte 1:16

Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 2:9

toro dee kéele na mii wɔʔɔ lè àlí pe n mii pwɔɔ ní nyɔ̀ʔɔmɔ ní, mɔ a jo kapeebyeo mii nyɛ. Kàjáa Kolocɔlɔɔ syɛ́ɛnri ga pwɔɔ í.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Filemɔn 1:22

Ki n yɛlɛ mɔ í wɔ́ɔ tɛɛ̀syɔnʔɔ sámaga mii ma yaà làrinijanni ni, níì cán mii sɔ̀nguri i nyɛ gi na n jo Kolocɔlɔɔ a nyɔɔ mii na si ní mii kaan yele ma yele nyɛ́ɛriyi báriga ni.