Kɔlɔsi ye 4:2 - Cebaara Bible 2010

² Ki n yɛlɛ ye kòro nyɛ̀nɛ na yaa Kolocɔlɔɔ nyɛ́ɛri yáā bariga kaangi wi ma.

Kɔlɔsi ye 4:2 Iomraidhean Croise

Zyɔbi 15:4

Mɔ na, àlí mɔ i Kolocɔlɔɔ yɛ́ɛgi fyáara kwóo, mɔ i Kolocɔlɔɔ kéeli sɔ̀ngurɔ myɛ kálagi.

Ŋúnuyi 109:4

Mii n tàmaga le ní be ní, á be si i kolomi taari mii na. Kàjáa mii i nyɛ nyɛ́ɛrigi na.

Matye 26:41

Ki n yɛlɛ ye kòro nyɛ̀nɛ na yáā nyɛ́ɛri koro ga pye yarigaa a kɔ́ yele kárima bi lége kapeele ni í. Ki láagi i nyɛ syɔɔn pili na, kàjáa wi céri fànʔa n cɛ́rɛ.»

Mariki 13:33

Ki n yɛlɛ ye kpóʔoro ye yaʔa, yé kòro nyɛ̀nɛ na, níì cán yele ga lǎli cán í.

Luki 18:1

A Zyezu kàseele wáa bi gi tɛ̀ɛn be na àmɛɛ be yɛlɛ paa nyɛ́ɛri lè làrigèle myɛ ni sìnvɔrɔ ni.

Luki 21:36

Ye kòro nyɛ̀nɛ na làrigèle myɛ ni, yáā Kolocɔlɔɔ nyɛ́ɛri, koro ga pye yele í ba fànʔa taa bi syɔɔ kérigèle bee myɛ ma ge maa lè, si taa bi yére Syɔɔn-pya yɛ́ʔɛ ma.»

Kapyegèle 1:14

A pe myɛ bɛ̀ɛ nibin na níì kòro ni Kolocɔlɔɔ nyɛ́ɛri ní cébèle ní, n fàra Zyezu nɔ́ɔw Marii, ní Zyezu cɔnɔbèle na, bele be lè nǎnbèle.

Wɔrɔmi ye 12:12

Yaa fundaanra kpéʔele sɔ̀ngumi tɛɛtaʔaga kéele na, yáā kpàracogo kpéʔele wɔʔɔyi fúngo ni, yé kòro yaa nyɛ́ɛri làla o làla.

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

Kɔlɔsi ye 2:7

Ye nìnre wáa yé sámaga ye yére, yé nìrimɛ le yeyɛɛ ni tágali ni bi yɛlɛ ní tamani ní lee na pe da yele tama lè, yáā bariga kaangi gbanʔama.

Kɔlɔsi ye 3:15

Fûnnyingi Kirisi kaangi lè, ye gee bee yaʔa kaa yele fúnyi kàragí, koro gee kéele na Kolocɔlɔɔ da yele yeri lè níì jo yele í pye cere nibin. Ki n yɛlɛ yaa bariga kaangi wi ma.

Kɔlɔsi ye 3:17

Yariga o yariga yele kpéʔele lè, a ki i nyɛ syɛɛnjóoro yoo, wàlá kapyele yoo, ki n yɛlɛ yaa ki myɛ kpéʔele Kàfɔw Zyezu mɛ́ɛgi na, yáā bariga kaangi Tofɔw Kolocɔlɔɔ ma wi bárigaw ni.

Kɔlɔsi ye 4:12

Epafirasi n yele syáanri wi nyɛ lè yele wówaa ní i nyɛ Kirisi Zyezu púlo, wi i nyɛ́ɛri ní lòmaana ní yele kéeli na làla o làla, koro ga pye yele í sámaga yére kòro wozinvorobéle ní si Kolocɔlɔɔ nyɛ́nɛ kéeli sámaga cán bi foro.

1 Pyɛri 4:7

Yáriri myɛ làrigwɔɔlɔ n nùuni. Koro na gi yɛlɛ ye pye yákirifɔɔlɔ, yé yeyɛɛ cǒmi cán, yáā Kolocɔlɔɔ nyɛ́ɛri.

1 Samyɛli 1:12

Amɛɛ si wi kòro wi nyɛ́ɛrigi na Yawe yɛ́ʔɛ ma lè, a Helii i wi nyɔ́ɔgi kɔ̀rɔsíi.

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.