Kɔlɔsi ye 3:9 - Cebaara Bible 2010

⁹ Ki ga yɛlɛ yele í kɔ́ ra finɛ yeyɛɛ ma í, àmɛɛ yele kanlɛɛmi ní bi kapyegèle wòlo yeyɛɛ na lè,

Kɔlɔsi ye 3:9 Iomraidhean Croise

Kàseegèle 13:5

Jànvaa syɛ́ɛnri n tɔ̀nɔ n syɛɛnsinw bɛɛn, kàjáa syɛɛnpeew n wiyɛɛ gbéʔele yanibɛɛnmɛgɛ ní fɛ̀ɛrɛ yáriga.

Ezayi 63:8

Wi maa jo: «Kányɛʔɛ na, pe i nyɛ mii syɛ̀ɛnnɛ, pe i nyɛ jaafɔɔlɔ, bele be lè pe o syɔɔn jànváa í!» Wi maa pye be ma syɔɔfɔlɔ.

Levii ye sáriga-wòlori 19:11

Yele a kɔ́ ra yúu í. Yele wàa a kɔ́ wi felegefɔ-nyɛ́nnɛ jànváa wàlá bi finɛ taʔa wi na í.

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Zakarii 8:16

Syɛ́ɛnri naa ti lè dee, ki n yɛlɛ yele í da táanri di na, toro di nyɛ: Yele myɛ nibin nibin n yɛlɛ bàā kányɛʔɛ nyuu yeyɛɛ ma, yaa kútiiw nyuu yele kpàánweegèle na bi yɛlɛ ní kányɛɛgi ní, wi pye bɛ̀ɛlɛ kútii.

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

Wɔrɔmi ye 6:6

Wolo n gi cán kánmee pi da séli n pye wolo ni lè, kánmi bee n kùu ní Kirisi ní tiiparigi na, koro ga pye wolo kanlɛɛmi kapeebyere fànʔa í kálagi, jàngó wolo a ní kɔ́ pye kapeebyeri púloro ni í.

Efɛzi ye 4:22

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè,

Efɛzi ye 4:25

Gee bee na gi yɛlɛ yele í jànvaaw yaʔa, syɔɔn o syɔɔn n yɛlɛ yele ni waa kányɛʔɛ nyuu wi syɛɛnnyɛnnɛ ma. Níì cán wolo i nyɛ woyɛɛ céri tɛ́ɛyɛ.

Kɔlɔsi ye 3:8

Ki si n yɛlɛ yele í wɔ́ɔ láʔa kérigèle naa na tɔ́ɔliw ni, ge nyɛ lè: funbɛɛnri, ní fundanʔari, ní funbeegi, ní mɛ́ɛkalagiri, ní fɛ̀ɛfɔnmi syɛ́ɛnrɛ ní di yirigi lè yele nyɔ́ɔyi ni.

1 Timɔte 1:10

ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

Tɛ̀ɛnnɛ 21:27

Yanɔnʔɔgaa faala si a gbǎn jée yaà gi ni nyáana í, bele be Kolocɔlɔɔ kanibɛɛngèle kpéʔele lè, wàlá bele be finɛ lè, bele bee wàa faala a tée jée yaà gi ni í, kawolo bele mɛ́ɛyɛ yi sɛ́bɛ lè Bàpili sìi sɛ́bɛ ni.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.