Kɔlɔsi ye 3:4 - Cebaara Bible 2010

⁴ Kirisi wi nyɛ yele sìíw, wi ga baa wiyɛɛ dɛ̀ɛn lǎlee ni lè, lǎli bee ni wi a wɔ́ɔ yele tɛ̀ɛn ní wiyɛɛ ní nìjangbɔɔri ni.

Kɔlɔsi ye 3:4 Iomraidhean Croise

Ŋúnuyi 17:15

Mii si na, mii a tɔ̀nɔ́ mɔ yɛ́ɛgi nyaa ní sínnɛ ní. Mii ga yìri ŋúnɔmi na, mɔ nyaani a mii yɛlɛ.

Ŋúnuyi 73:24

Mɔ i mii yɛ́ɛgi kínigi mɔ lálii syɛ́ɛnri báriga ni, koro kàdoʔo ma mɔ a mii láa lége mɔ nijangbɔɔri ni.

Matye 13:43

Lǎli bee ni syɛɛnsinbèle a ra daragi pe Tóow fànʔa ni àmɛɛ cángi daragi lè. Líiweele ga pye wee na lè, wi líiyi cáan waa lúro.

Luki 17:30

Anbée si ki a wɔ́ɔ ba pye cángee na Syɔɔn-pya a ba wiyɛɛ dɛ̀ɛn lè.

Zyan 11:25

A Zyezu wi pye: «Jo mii tiimaa si wi nyɛ nyán-yirili ní sìíw fɔ́lɔ. Syɔ́ɔnwee wi ga tága mii na lè, àlí wi ga wírè kùu, wi a nyán.

Zyan 14:3

Mii ga kári n sáà gi sámaga yele ma, mii a lúru pan ba yele láa kári yele í sa pye ní mii ní, koro ga pye tɛ́ɛgee ni mii nyɛ lè, yele í wɔ́ɔ sa pye nɛɛ bee.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 17:24

Tofɔw, mii i caa bele mɔ kaan mii ma lè, mɔ í be yaʔa be pye ní mii ní tɛɛnijanga ni, koro ga pye nìjangbɔɔri mɔ da kaan mii ma lè, pe nìjanri bee nyaa, níì cán mɔ maa téè tàmaga le ní mii ní sáni dulunyanw í séli lè.

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Kapyegèle 3:15

Yele n sìíw Kàfɔlɔ kpóo, kàjáa Kolocɔlɔɔ n wi nyán n yirige kúbèle nínge ni. Wolo i nyɛ gee bee séerabéle.

Wɔrɔmi ye 8:18

Mii i gi tímana n jo wɔʔɔgee ni wolo nyɛ lè tɔ́ɔliw naa ni, ki o nyɛ bi gbǎn tímana ní nìjanri ní í, dee wolo a ba nyaa lè nyɛ̀ʔɛna.

Wɔrɔmi ye 8:19

Kolocɔlɔɔ yasamagari myɛ wɔ́ɔ i wi jáabèle làridɛ̀ɛnnɛ yèʔerí.

1 Korɛnti ye 1:7

Koro na yele a tée fɔ̀n yakaanraa faala ni í, àmɛɛ yele lǎli sige lè, lee ni wolo Kàfɔw Zyezu Kirisi a ba wiyɛɛ dɛ̀ɛn lè.

1 Korɛnti ye 15:43

Ti n tɔ́n wobeere ní, ti ga baa nyán n yiri lǎli ni lè, ti a pye wojanra ní. Lǎli ni pe di tɔ́n lè, ti n pye fànʔa fun. Ti ga baa nyán, ti a pye ní fànʔa ní.

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Filipikaʔa ye 3:21

Woro wi a ba wolo céri kàriga, ti lè fóomi wóro, si di kpéʔele sèjira ní woro nìjangbɔɔri cére ní bi yɛlɛ ní wi séekpɔɔw falipyeganma ní, séekpɔɔw bee ní wi a ba yáriri myɛ jáa.

1 Tesaloniki ye 4:17

Koro kàdoʔo ma wolo bele wo ga kòro lè woweebèlē ní, Kolocɔlɔɔ a náa wolo láa lúrugo ní be ní fàfaanyi ni Kàfɔw tɛɛfaraga ni ǹjoʔo ma, kánmi bee na wolo a ba pye ní Kàfɔw ní làla o làla.

1 Timɔte 6:14

kajooli naa cò mí pye tɛɛlɛ fun, ní dìgire fun bi taa wolo Kàfɔw Zyezu Kirisi làridɛ̀ɛ́nni í ba nan,

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 9:28

ànbée Kirisi wɔ́ɔ̀ pye sáriga tɔlɔgɔ nibin jàngó bi syɛ̀ɛnnɛ saʔa kapeegéle túgoro tugo, wi ga baa wiyɛɛ dɛ̀ɛn tɔziin wógi na, ki a ní pye kapeegèle kéele na í, kàjáa bele be wi sige ní lòmaana ní lè, poro wi a ba syɔɔ.

1 Pyɛri 1:13

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.

1 Pyɛri 5:4

Lǎli ni bànaʔabèle Kàfɔlɔ ga baa wiyɛɛ dɛ̀ɛn lè, wi a bàngwɔɔ nìjangbɔɔrɔ taʔa yele na, ti pye yele ma kpɔʔɔrɔ.

1 Zyan 2:28

Awá tɔ́ɔliw ni, ni pìibēle, ki n yɛlɛ yele í kòro Kirisi ni, koro ga pye lǎli ni wi ga baa wiyɛɛ dɛ̀ɛn lè, yele í gbǎn soro bi yére, jàngó fɛ̀ɛrɛ a kɔ́ ba yele taa wi làribanni ni yele í da làrá wi na í.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

1 Zyan 5:12

Wee má Jaafɔw nyɛ lè, sìibangwɔɔw i nyɛ wee bee ma. Wee si wi lè Kolocɔlɔɔ Jáaw o nyɛ wi ma í, sìíw bee o nyɛ wee bee ma í.

Zyudi 1:24

Wee má fànʔa nyɛ lè bi gbǎn ra yele kɔ̀rɔsíi koro ga pye yele a kɔ́ kpírige too í, si yele yérige wi nìjangbɔɔri tɛ́ʔɛ ni bi yele tɛ̀ɛn tɛɛlɛ fun yele si pye fundaangbɔɔrɔ na,

Tɛ̀ɛnnɛ 2:7

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro, Wee wi ga fànʔa taa lè, mii a wee bee kaan wi lìi sìíw tíige yasanra na ki lè Kolocɔlɔɔ tɛɛcǎngi ni.›

Tɛ̀ɛnnɛ 22:1

A nyɛ̀ʔɛni tunduɔn fala n sìíw lɔ́ʔɔ cábiga tɛ̀ɛn mii na, ki maa ni nyɛ́ʔɛnɛ àmɛɛ kirisitali nyɛ lè, ní i yirigi Kolocɔlɔɔ ní Bàpili fàngolo ni,

Tɛ̀ɛnnɛ 22:14

Bele be be fànibèle jée lè koro ga pye poro í lɛɛlɛ taa sìíw tíige ni, si wɔ́ɔ gbǎn jée kěgi kpàánweegéle ni lè, bele bee i nyɛ dùba pìibēle!