Kɔlɔsi ye 3:3 - Cebaara Bible 2010

³ Níì cán yele n kùu, á yele sìíw si i nyɛ làrama ni ní Kirisi ní, Kolocɔlɔɔ ni.

Kɔlɔsi ye 3:3 Iomraidhean Croise

Matye 11:25

Lǎli bee ni a Zyezu fala n gi joo níì jo: «Mii i bariga kaangi mɔ ma, Abaa, mɔ wi lè nyɛ̀ʔɛni ní tári Kàfɔlɔ, níì cán mɔ n kérigèle naa làriga sícilibèle ní kacánbèle na, níì ge tɛ̀ɛn pìíbèle na.

Zyan 14:19

Ki n kòro cɛɛri dulunyanw syɛ̀ɛnnɛ si a ní mii nyaa í, kàjáa yele si na, yele a ní mii nyaa, níì cán mii i nyɛ sìi na, yele si a wɔ́ɔ pye sìi na.

Zyan 3:16

Dulunyanw syɛ̀ɛnnɛ kéele n tɔ̀nɔ n Kolocɔlɔɔ dɛ́nɛ gee bee na wi wi Pìinibingi kaan, jàngó syɔ́ɔnwee faala wi ga tága lè wi na, wee bee a ní kùu í, kàjáa wi a sìibangwɔɔw taa.

Zyan 4:14

Kàjáa syɔ́ɔnwee faala wi ga mii lòkaangi gbaa lè, lògbaʔa a ní wee bee jáa bi nyaa í, lǒgee mii a kaan wi ma lè, koro a pye wi fúngi ni púloweele bàā púlo sáā fóo bi taa sa nan sìibangwɔɔw na.»

Zyan 5:21

Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma.

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Zyan 5:40

Koro ní ki myɛ ní yele ga fɔ̀lɔ bi pan mii ma koro ga pye yele í sìíw taa í!

Wɔrɔmi ye 5:10

Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 5:21

koro ga pye àmɛɛ kapeebyeri fànʔa taa lè kùúw báriga ni, Kolocɔlɔɔ kpɔ́ʔɔri í wɔ́ɔ ra fànʔa taagi sínni báriga ni bàā sìibangwɔɔw kaangi syɛ́ɛnbèle ma wolo Kàfɔw Zyezu Kirisi bárigaw ni.

Wɔrɔmi ye 6:11

Kánmi bee na ki wɔ́ɔ̀ yɛlɛ yaa yeyɛɛ jóro kúbéle kapeegèle kàbaan na, sáā yeyɛɛ jóro niweebèlē Kolocɔlɔɔ kàbangi na àmɛɛ yele nyɛ lè Kirisi Zyezu ni.

Wɔrɔmi ye 6:2

Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

1 Korɛnti ye 15:45

Gee bee na gi sɛ́bɛ níì jo: «Syɛɛnseliw wi lè Adami, wi n baa pye syɛɛnweeo,» Adami wozanw si i nyɛ pìle, ní i nyɛ sìíw kaanfɔlɔ.

1 Korɛnti ye 2:14

Pìicǎnni funvɔwaa o fɔ̀lɔ́ Kolocɔlɔɔ Pǐli kèlē na í, níì cán ke i nyɛ wi nyɛnɛ na labalama, wi a gbǎn ge cán í, níì cán Pìicǎnni báriga ni ke cángi ni láʔala.

2 Korɛnti ye 5:14

Níì cán Kirisi tàmagi gi wolo kàragí, wolo n gi tímana n gi nyaa, àmɛɛ wàa nibin kùu lè syɛ́ɛnbèle myɛ sìndɛʔɛ ni, pe myɛ be wɔ́ɔ̀ kùu.

2 Korɛnti ye 5:7

Níì cán tágali báriga ni wolo táanri, nyaani báriga ni ban í.

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Efɛzi ye 3:9

mii si wɔ́ɔ ra kalarali fáli kpéʔele bi li yirige gbɛ̀ɛ́nmi na, Kolocɔlɔwee wi yáriri myɛ faan lè, wi maa kalarali bee làriga wi fúngi ni nlaa yaà làridɔɔnnɔ ni,

Filipikaʔa ye 4:7

koro ga pye fûnnyingee Kolocɔlɔɔ kaangi lè, gee gi sɔ̀lɔ syɛ́ɛnbèle myɛ sɔ̀ngurɔ na lè, koro a yele fúnyi ní yele sɔ̀nguri yaʔa di kòro Kirisi Zyezu na.

Kɔlɔsi ye 1:5

Gee bee n taa yele sɔ̀ngumi tɛɛtaʔaga báriga ni, gee gi nyɛ lè wogɔngɔ ní yele ma nyɛ̀ʔɛni na, kányɛɛgi syɛ́ɛnrɛ ti lè Syɛɛnjóocǎnri, toro di baa sɔ̀ngumi bee tɛɛtaʔaga tɛ̀ɛn yele na lǎli ni yele sélì di lóʔo lè.

Kɔlɔsi ye 2:20

Amɛɛ yele kùu lè ní Kirisi ní dulunyanw kalɛɛgéle kabaan na, nyàʔá si na yele táanri mɔ a jo yele i nyɛ dulunyanw wòolo, ní i tundunri naa jàtée, dee di joo lè:

Kɔlɔsi ye 2:3

woro wee ni lɔnɛʔɛri nyɛ lè làrama ni, ti lè sícilimi ní kérigèle cánna.

Kɔlɔsi ye 3:4

Kirisi wi nyɛ yele sìíw, wi ga baa wiyɛɛ dɛ̀ɛn lǎlee ni lè, lǎli bee ni wi a wɔ́ɔ yele tɛ̀ɛn ní wiyɛɛ ní nìjangbɔɔri ni.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

1 Pyɛri 3:4

kàjáa ki n yɛlɛ di pye fèrenaa-sìngalagira yele fúnyi ni làrama ni, ti lè màámi ní fûnnyingi. Dee bee di nyɛ Kolocɔlɔɔ má lɔgbanri yárira.

1 Pyɛri 4:2

koro ga pye lǎlee li kòro wi kwɔ́ɔ lè sìi na dulunyanw ni, wi a ní kɔ́ kòro bàā syɛ́ɛnbèle ki laànitaʔa kele kpéʔele lǎli bee ni í, fwɔɔ Kolocɔlɔɔ nyɛ́nɛ kérigèle.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›